.
İsrail Suriyada Əsəd Rejiminə Hava Hücumu Təşkil Etdi
Asiya.info xəbər verir ki, İsrail, Suriyadan atılan raketlərin işğal olunmuş Qolan Təpələrinə atıldığı iddiasıyla Əsəd rejiminə qarşı hava hücumu təşkil etdi. Hücumda rejimə aid iki tank məhv edilib.
Suriya rejiminə aid iki tankın vurulduğu ifadə edilən açıqlamada, "İsrailin suverenliyini qəbul edilməz bir şəkildə pozmasından dolayı Birləşmiş Millətlər Sülh Gücünə rəsmi bir etiraz göndərilib"-deyə bildirildi.
 Qeyd edək ki, İsrail ordusundan daha əvvəl edilən açıqlamada, Suriyada davam edən vətəndaş müharibəsi səbəbindən atılan bəzi raketlərin səhvən İsrail işğalı altındakı Qolan Təpələrinin şimalına atıldığı iddia edilmişdi.
İsrail Suriyada vətəndaş müharibəsinin başladığı 2011-ci ildən bu yana zaman-zaman Suriya və Holan Təpələrindən torpaqlarına raket atıldığını irəli sürərək, İran dəstəkli Hizbullah qüvvələrinə və rejimə məxsus hərbi nöqtələrə əməliyyatlar keçirir.
İsrail rəhbərliyi adətən bu cür hücumları rəsmi olaraq təsdiq etməkdən çəkinir.
Nargül Qələndərli
.
Rus donanmasına aid kəşfiyyat gəmisi “Kildin” İstanbul boğazından Qara dənizə keçib.
Axar.az “Hürriyyət”ə istinadən xəbər verir ki, yerli vaxtla saat 08:15-də Mərmərə dənizindən İstanbul boğazına girən gəmidə silahlı əsgərlərin olduğu görünüb.
“Kildin” gəmisini 8 xilasedici gəmi müşayiət edib
.
İnsanlığın həyatda qalması üçün Ay və Marsı müstəmləkəmizə çevirmək lazımdır.
Kult.az xəbər verir ki, bunu Norveçdə keçirilən Elm və Sənət üzrə Beynəlxalq Festivalda çıxışı zamanı britaniyalı astrofizik Stiven Hokinq söyləyib.
“Mən insanların Yeri tərk etməsi gərəkdiyinə əminəm. Planetdə bizim üçün yer daha da azalır. Resurslar sürətlə yoxa çıxır. İnsanlıq yaxın 30 ildə Ayda baza yaratmalı, Marsı müstəmləkəyə çevirməlidir. Özümüzlə bütün bitki və heyvanları götürməliyik. Bundan sonra insanlar Günəş sistemindən kənara çıxacaqlar. İstənilən halda sivilizasiyanın məhvi asteroid düşməsi, iqlim kataklizmləri və ya insan sıxlığının artmasından ola bilər. Bu, sadəcə an məsələsidir”, – deyə o bildirib.
.
Rusiya Xarici İşlər Nazirliyinin MDB məsələləri üzrə departamentinin baş məsləhətçisi Andrey Nedosekinin paytaxt Moskvada meyiti tapılıb.
Axar.az xəbər verir ki, Nedosekinin cəsədini öz mənzilində keçmiş həyat yoldaşı tapıb.
“İzvestiya” qəzeti Nedosekinin bir müddət öncə vəzifəsindən çıxarıldığını bildirib. Hələlik polis onun məhz hansı səbəbdən özünü öldürdüyünü bilmədiyini söyləyib.
.
Qırğızıstanın İssık-Kul vilayətində yanacaqdoldurma məntəqəsində baş verən partlayış nəticəsində biri uşaq olmaqla 2 nəfər yanaraq ölüb, 8 nəfər yaralanıb.
APA-nın xəbərinə görə, bu barədə Qırğızıstan Səhiyyə nazirliyinin məlumatında bildirilir.
Hadisə İssık-Kul vilayətinin Ananyevo kəndində qeydə alınıb. Xəstəxananın reanimasiya şöbəsinə yerləşdirilən 5 nəfərin vəziyyəti ağır kimi qiymətləndirilir. İlkin məlumata görə, partlayış yeraltı çənə qaz vurulan zaman baş verib.
.
Fransa hökuməti ötən gün keçirilmiş parlament seçkilərinin nəticələrinə görə istefaya gedib.
APA-nın məlumatına görə, bu barədə Yelisey sarayının yaydığı açıqlamada bildirilir.
Prezident Emmanuel Makron hökumətin istefasını qəbil edib. Fransada parlament seçkilərindən sonra hökumətin istefası qanunvericilikdə nəzərdə tutulmayan siyasi ənənədir.
Prezident Makronun “İrəli, Respublika” hərəkatının inamlı qələbəsini nəzərə alaraq yeni hökumətin yaxın günlərdə minimal yerdəyişmələrlə yenidən qurulması gözlənilir.
.
Türkiyənin Qaziantep şəhərində Mehmet G. adlı şəxs taksi dayanacağına partlayıcı tərkibli pirotexniki maddə atıb.
“Qafqazinfo” CNN Türk-ə istinadən xəbər verir ki, 28 yaşlı şəxs səhər saatlarında taksi şirkətinə zəng vuraraq taksi sifariş verib.
Lakin, bilinməyən səbəbdən taksi sifariş yerinə getməyib. Bundan əsəbiləşən Mehmet günorta saatlarında taksi dayanacağına gedərək pirotexniki maddəni ora atıb. Hadisə zamanı iki nəfər xəsarət alıb.
Dayanacaqdakılar bombaa atıldığını zənn edərək təşvişə düşüblər.
Mehmet G. polis tərəfindən saxlanılıb.
.
Portuqaliyada meşə yanğınları nəticəsində ölənlərin sayı 62 nəfərə çatıb. Modern.az xarici mediaya istinadən xəbər verir ki, bu barədə Portuqaliyanın dövlət katibi Xorxe Qomes məlumat verib.
Onun sözlərinə görə, Portuqaliya hökuməti meşə yanğınları nəticəsində çoxsaylı insan tələfatı ilə əlaqədar ölkədə 3 gün matəm elan edib.
Qeyd edək ki, son məlumatlara əsasən ölkənin mərkəzi hissəsində meşə yanğınları nəticəsində 62 nəfər ölüb, 54 nəfər xəsarət alıb. Meşə yanğınlarını nəzarət altına almaq hələ ki, mümkün olmayıb.
 
14:08
 
Portuqaliyada meşə yanğınlarının qurbanların sayı 57 nəfərə çatıb.
Modern.az-ın xarici KİV-ə istinadən verdiyi məlumata görə, bu haqda Publico nəşri xəbər verir.

Portuqaliyanın daxili işlər üzrə dövlət katibi Xorxe Qomesin sözlərinə görə 57 nəfər ölüb, 59 nəfər xəsarət alıb.

Daha əvvəl 39 nəfərin həlak olması barədə xəbər verilib.
.
Katolikos – Bütün Gürcüstanın patriarxı II İliya gürcü xalqının ölkədə konstitusiyalı monarxiya qurmağa çağırıb.
II İliya Gürcüstanın qədim monarxiya olduğunu bildirib.
Katolikos konstitusiyalı monarxiyanın ölkəyə sabitlik gətirəcəyini bəyan edib:“Bizi çar idarə edib.  Bu gün dünyanın bir hissəsində monarxlar var, hökmranlıq edirlər, ancaq ölkəni idarə etmirlər. Bu, konstitusiyalı monarxiyadır və ölkəyə sabitlik gətirir. Bu, yəqin ki, bu gün, sabah baş verməyəcək, ancaq biz keçmişi, bu günü və sabahı analiz etməliyik. Ümid edirəm ki, gürcü xalqı sülh yolu tapacaq”.  (APA)
.
Səudiyyə Ərəbistanında Mədinə şəhərinin yaxınlığında zəvvarları daşıyan avtobus qəzaya uğrayıb.

Trend-in "RİA Novosti"yə istinadən verdiyi məlumata görə, qəza nəticəsində 2 zəvvar həlak olub, 36 nəfər isə xəsarət alıb.

Məlumata əsasən, avtobusda 40-dan artıq zəvvar olub və onların hamısı Asiya ölkələrindəndir. Bütün xəsarət alanlar yerli xəstəxanaya yerləşdirilib.

Xəbər lenti