.
Dağıstanın Kızılyar şəhərində naməlum şəxs insanları atəşə tutub.
Axar.az xəbər verir ki, bu barədə Rusiya mətbuatı məlumat yayıb.
Bildirilir ki, həmin şəxs provaslavların dini mərasim keçirdiyi əraziyə daxil olub və kütləyə atəş açıb.
Nəticədə 4 nəfər ölüb, 4 nəfər isə yaralanıb.
Polisin keçirdiyi xüsusi əməliyyat nəticəsində cinayətkarın öldürüldüyü deyilib.
.
Səudiyyə Ərəbistanının mərkəzi əyalətlərində 4 gün dür davam edən qum fırtınası nəticəsində 1500-ə qədər insan xəsarət alıb.
Metbuat.az-ın məlumatına görə, tənəffüs sistemində problemlər yaşayan sakinlər xəstəxanalara yerləşdirilib. Fırtınanın daha şiddətli olduğu paytaxt Ər-Riyad və Mədinə şəhərlərində görmə məsafəsi bir neçə metrə enib. Mərkəzi magistrallarda nəqliyya vasitələrinin hərəkətinə bəzi məhdudiyyətlər tətbiq edilib.
Ciddə, Məkkə və Mədinədəki məktəblər müvəqqəti bağlanıb.

 

.

YPG-PYD terrorçuları Türkiyənin Kilis şəhərinə 3 ədəd raket atıb.

Axar.az xəbər verir ki, raketlərin hər 3-ü şəhər mərkəzindən kənarda yerləşən boş əraziyə düşüb.

Qeyd edək ki, YPG davamlı olaraq Türkiyədə mülki vətəndaşların yaşadığı əraziləri raket atəşinə tutur.

.
Braziliyada infarkt nəticəsində dünyasını dəyişən Rosangela Almeida dos Santosun məzarından səslər eşidildikdən sonra qəbirin açılmasına qərar verilib.
Kult.az xəbər verir ki, 11 gün əvvəl dəfn edilən 37 yaşlı Rosangelanın məzarının açılması zamanı cəsədin isti olduğu və onun tabutdan qurtulmaq üçün çalışdığı bəlli olub.
Məlumata görə, tabutdan çıxmağa çalışan qadının əllərində zərbədən yaranmış yaralar əmələ gəlib. Məzarın açılmasından iştirak edənlər həmçinin qadının dırnaqlarının qırıldığını və qan içində olduğunu aşkar görüblər.
Dərhal xəstəxanaya aparılan qadının basdırılan vaxt deyil, indi, çox qısa müddət əvvəl dünyasını dəyişdiyi üzə çıxıb.
Qadına ölüm diaqnozu qoyan və onun diri-diri basdırılmasına səbəb olan xəstəxananın rəhbərliyi faktla bağlı səhlənkarlığa yol vermiş hər kəsin cəzalandırılacağını bildirib.
.
ABŞ dövlət katibi Reks Tillerson Türkiyəyə səfər edib.
APA-nın məlumatına görə, R. Tillersonun Ankarada Türkiyə prezidenti Rəcəb Tayyib Ərdoğan və xarici işlər naziri Mövlud Çavuşoğlu ilə görüşü nəzərdə tutulub.
Görüşlərdə Türkiyənin Afrində həyata keçirdiyi əməliyyatlar, Suriyada vəziyyət və ikitərəfli əlaqələrdə yaranmış problemlər müzakirə olunacaq.
.
ABŞ-da məktəbdə silahlı insident baş verib.
"Ölkə.Az" Rusiya mətbuatına istinadən xəbər verir ki, hadisə Florida ştatının Parkland şəhərində baş verib. İlkin məlumata görə, insident nəticəsində 1 nəfər ölüb, azı 50 nəfər yaralanıb. Ölənlərin sayının artacağı istisna olunmur.
Məktəbdə atəş açan şagird hadisə yerindən qaçıb. Daha sonra isə saxlanılıb.
ABŞ prezidenti Donald Tramp hadisə ilə bağlı başsağlığı verib.
.
Misir ordusunun cümə günü Sinay yarımadasında terrorçulara qarşı başlatdığı əməliyyat davam etdirilir.
Axar.az xəbər verir ki, əməliyyat nəticəsində 16 terrorçu öldürülüb, daha 4-ü isə əsir götürülüb. Terrorçulara aid 66 hədəf məhv edilib.
Qeyd edək ki, Misir rəhbərliyi orduya Sinay yarımadasının şimalındakı terrorçuları tamamilə zərərsizləşdirmək üçün 3 ay vaxt vermişdi.
.

Mübariz İbrahimov 1988-ci il fevralın 7-də Biləsuvar rayonunun Əliabad kəndində anadan olub. 1994-cü il şəhid M.Piriyev adına Əliabad kənd orta məktəbinə daxil olmuşdur. 2005-ci ildə orta təhsilini başa vurub, hərbi xidmətə çağrılmışdır.


18 iyun 2010-cu il tarixində gecə saat 23:30 radələrində gizir Mübariz İbrahimov təkbaşına iki ordu arasındakı bir kilometrlik minalanmış sahəni keçir.  Ermənistan Silahlı Qüvvələrinin çox sayda əsgər və zabitini gözlənilmədən birinci həmlədə məhv edir. Sonra isə düşmənin öz silahlarını özünə qarşı istifadə edərək 5 saat onlarla təkbətək döyüşür. Düşməni ağır itkilərə məruz qoyur, V.Putin kitabında 135 ermenini məhv edildiyi dərc olunur. Mübariz onların zəif cinahlarını üzə çıxarır. Azərbaycan döyüşçüsü səhər saatlarında qeyri-bərabər döyüşdə qəhrəmancasına şəhid olur.


Atası Ağakərim İbrahimovun dediklərindən:

 

Hadisənin səhəri günü tezdən saat 5-6 arasında mənə zəng gəldi. Soruşdular ki, oğlunuz evə gəlməyib ki? Hətta bildirdilər ki, çoxlu silah götürüb və ərazidən uzaqlaşıb. Dedim, mən oğlumu tanıyıram, sərhədə tərəf gedin. Sonra da məktubunu tapmışdılar....

 

 

Mübariz İbrahimovun ölməsinə baxmayaraq, Ermənistan onun cəsədini 141 gün saxlamışdır. Ermənilər İbrahimovun cəsədinin şəkillərini internet saytlarında yayımlamışdır.

Azərbaycan, Ermənistan və Rusiya prezidentlərinin Dağlıq Qarabağ münaqişəsinin tənzimlənməsinə dair 27 oktyabr 2010-cu il tarixli birgə bəyanatına uyğun olaraq, eyni zamanda, Əsir və itkin düşmüş, girov götürülmüş vətəndaşlarla əlaqədar Dövlət Komissiyasının beynəlxalq təşkilatlarla apardığı müntəzəm danışıqların nəticəsində, İbrahimovun meyidi 6 noyabr 2010-cu il tarixdə Ağdam-Bərdə yolunun üzərində, işğal altındakı Baş Qərvənd kəndi yaxınlığında Ermənistan tərəfdən alınmışdır.  Proses Əsir və itkin düşmüş, girov götürülmüş vətəndaşlarla əlaqədar Dövlət Komissiyası və Azərbaycan Respublikası Müdafiə Nazirliyi əməkdaşlarının iştirakı, Beynəlxalq Qızıl Xaç Komitəsinin vasitəçiliyi ilə həyata keçirilmişdir.

2010-cu il noyabrın 7-də Müdafiə Nazirliyinin Təlim-Tədris Mərkəzində keçirilən vida mərasiminə Azərbaycan Prezidenti İlham Əliyev də qatılıb və nitq söyləmişdir. Sonra şəhid, qəhrəman İkinci Fəxri xiyabanda dəfn olunmuşdur. 2010-cu il noyabrın 11-də Təzəpir məscidində prezident İlham Əliyevin adından şəhid hərbçilər İbrahimov və "İgidliyə görə" medalıyla təltif olunmuş baş leytenant Fərid Əhmədovun xatirəsinə ehsan mərasimi keçirilmişdir. 2010-cu ildə Mübariz İbrahimovun valideynlərinə yazdığı son məktubunun əlyazması:

 

Canım, atam və anam. Məndən sarı darıxmayın. İnşallah, cənnətdə görüşəcəyik. Mənim üçün bol-bol dua edin. Vətənin dar günündə artıq ürəyim dözmür. Allaha xatir bunu etməliyəm. Ən azından ürəyim sərinlik tapar. Şəhid olanadək bu şərəfsizlərin üzərinə gedəcəyəm. Şəhid olsam – ağlamayın. Əksinə, sevinin ki, o mərtəbəyə yüksəldim. Allaha ibadətlərinizi dəqiq yerinə yetirin. Çoxlu sədəqə verin. Seyid nəvəsi olaraq bunu etməliyəm. Allah böyükdür. Vətən sağ olsun. Oğlunuz Mübariz.. Haqqınızı halal edin.

 

Həmin ildə Azərbaycan Prezidenti İlham Əliyev Mübariz İbrahimova "Azərbaycanın Milli Qəhrəmanı" adının (ölümündən sonra) verilməsi barədə sərəncam imzalamışdır. Gizirə bu ad Azərbaycan Respublikasının müstəqilliyinin və ərazi bütövlüyünün qorunub saxlanılmasında müstəsna xidmətinə və göstərdiyi rəşadətə görə verilib. Prezidentin başqa bir sərəncamı ilə İbrahimovun xatirəsini əbədiləşdirmək məqsədilə aşağıdakılar qərara alınmışdır:

 

1. Azərbaycan Respublikasının Nazirlər Kabineti Biləsuvar rayonunun orta məktəblərindən birinə Mübariz İbrahimovun adının verilməsini təmin etsin.
2. Biləsuvar Rayon İcra Hakimiyyəti Biləsuvar rayonunda küçələrdən birinə Mübariz İbrahimovun adının verilməsini təmin etsin.

 

.
Tayvanın şərqində 6,1 bal gücündə zəlzələ baş verib.
Axar.az xəbər verir ki, bu barədə RİA Novosti məlumat yayıb.
Yeraltı təkanlar adanın şimal-şərqində - Hualyan şəhərində 5 km dərinlikdə qeydə alınıb.
Ölən və yaralananlar barədə məlumat verilmir.
***
Zəlzələ nəticəsində ölkənin şərq sahilində yerləşən otellərdən biri uçub, 17 nəfər dağıntılar altında qalıb.
Sosial şəbəkələrdə paylaşılan məlumatlarda binaların və magistral yolların da zərər gördüyü bildirilib.
***
Tayvanın şərqində Hualyan şəhərində baş vermiş zəlzələ nəticəsində azı 188 nəfərin xəsarət aldığı açıqlanıb.
Güclü yeraltı təkanlar azı beş binanı dağıdıb, 560 ev elektrik enerjisiz qalıb, körpülər zədələnib, yol örtüklərində, səkilərdə çatlar yaranıb.
Tayvanın Müdafiə Nazirliyi 100 hərbi qulluqçunu axtarış-xilasetmə əməliyyatı üçün göndərib, yaxın vaxtlarda onlara 250 əsgər də qoşulmalıdır.
***
Tayvanda zəlzələ nəticəsində 2 nəfər ölüb, yaralıların sayı isə 202-ə çatıb.

Xəbər lenti