.
ABŞ prezidenti Donald Trampın keçid komandasının üzvü və daha sonra cəmi 22 gün onun milli təhlükəsizlik müşaviri işləmiş kəşfiyyat generalı Maykl Flinnin adı bu dəfə türkiyəli biznesmenlə evli olan azərbaycanlı seksual modellə hallanır. 


Asiya.info Virtualaz.org- a istinadən xəbər verir ki, bu barədə ABŞ-ın nüfuzlu “Mother Jones” jurnalının araşdırmasında deyilir.
ABŞ hərbi kəşfiyyatının rəhbəri olmuş general Flinnin adı həm Rusiya ilə şübhəli əlaqələrdə, həm Türkiyə hakimiyyətinin lobbiçiliyini etmək üçün Ərdoğana yaxın iş adamından iri məbləğdə pullar almaqda hallanır. Xəbər verildiyi kimi Maykl Flinn milli təhlükəsizlik müşaviri təyin edilməzdən əvvəl Trampın keçid komandasının üzvü kimi Rusiyanın Vaşinqtondakı səfiri Sergey Kislyakla gizli telefon danışıqlarına görə istefaya məcbur olub. Həmin telefon danışıqlarında Flinn demişdi ki, Tramp səlahiyyətlərinin icrasına başlayanda Obamanın Rusiyaya qarşı tətbiq etdiyi sanksiyaları ləğv edəcək.
Habelə Maykl Flinn ABŞ-dakı prezident seçkilərindən əvvəl Moskvaya etdiyi səfər və “Rossia Today” telekanalının yubileyində prezident Putinlə yanaşı oturması ilə də tanınır. Flinn etiraf edib ki, bu iştiraka görə ona 45 min dollar ödəyiblər. Hazırda həm Konqresin xüsusi komissiyası, həm Federal Təhqiqatlar Bürosu Maykl Flinin həm Türkiyə hakimiyyətinin xeyrinə lobbiçilik fəaliyyətini, həm Rusiya ilə əlaqələrini araşdırmaqdadır.
“Mother Jones” yazır ki, Flinnlə bağlı qalmaqalların içərisində onun ötən il Trampın seçki komandasının əsas müşavirlərindən biri olduğu halda Türkiyə hakimiyyətinin maraqlarının müdafiəçisi kimi çıxış edərək üst-üstə 530 min dollar aldığı daha çox diqqəti cəlb edir. Amerika qanunvericiliyinə görə xarici ölkələrin maraqlarını təmsil etmək qanunsuz deyil, bir şərtlə ki, lobbiçilik müqaviləsini vaxtında Ədliyyə Nazirliyində qeydiyyatdan keçirəsən. Flinn isə Türkiyənin xeyrinə lobbiçilik edəndə müqaviləni qeydiyyatdan keçirməyib.
Sənədlərə əsasən Flinni Türkiyə hakimiyyətinin xeyrinə lobbiçilik etmək barədə müqaviləni Hollandiya konsaltinq şirkəti “İnovo BV” ilə 2016-cı ilin avqustunda bağlayıb. Həmin firma Türkiyə-Amerikan Biznes Şurasının sədri Ekim Alptekinə məxsusdur. Müqaviləyə əsasən Flinn Pensilvaniyada mənzillənən və Türkiyə üçün “bir nömrəli terrorçu” statusunu daşıyan Fətullah Gülən barədə araşdırmalar aparmalı, kompromatlar toplamalı idi.
Lakin Alptekinin vəkilləri deyir ki, “İnovo BV” firması İsrailin “Ratio Oil Explorotion” qaz şirkətin təmsil edirdi və onun Flinnlə müqaviləsinin məqsədi İsrailin Türkiyəyə təbii qaz ixracı üçün lobbiçilik idi. Lakin bu ilin martında Alptekin özü jurnalistlərə açıqlamasında Flinnlə müqavilə bağladığını təsdiqləyib, bunun Türkiyə və regionla bağlı geosiyasi analiz aparmaq, Türkiyəyə investisiya qoymaq istəyən energetika şirkətləri üçün biznes mühitini araşdırmaq məqsədi daşıdığını deyib. Habelə Alptekin onun Hollandiyadakı firmasının Türkiyə hakimiyyəti ilə hər hansı əlaqəsinin olmadığını bildirib.
Lakin “İnovo BV” ilə bağlanmış müqavilə sayəsində ötən il sentyabrın 19-da Maykl Flinn Alptekinin Nyu-Yorkdakı “Essex House” otelində Türkiyədən olan rəsmilərin də iştirakı ilə təşkil etdiyi toplantıda olub. Həmin toplantıda Gülənin oğurlanmasından söhbət gedib. Hərçənd hər iki tərəf bunu təkzib edir.
Flinnin FTB-yə təqdim etdiyi sənədlərə əsasən o, ötən il sentyabrın 9-dan noyabrın 14-nə qədər “İnovo BV” firmasından üç dəfəyə olmaqla cəmi 530 min dollar alıb. Alptekinin amerikalı vəkillərinin bildirdiyinə görə, bu pulların heç biri Türkiyədən göndərilməyib. Bu ilin aprelində Alptekin Hollandiya mətbuatına deyib ki, Flinnin layihəsi üçün pullar onun arvadının və İsrailin təbii qaz şirkəti “Ratio Oil Exploration”un hesabından ödənilib. Ancaq İsrail şirkəti Alptekinlə hər hansı əlaqələrinin olduğunu təkzib edib.
Bəs Alptekinin arvadı kimdir? Jurnal yazır ki, bu, azərbaycanlı model, bir vaxtlar iki digər modellə birlikdə Türkiyənin “Adrenalin” adlı populyar olmayan pop-qrupunda solist olan Nigar Talıbovadır (Nigar Alptekin). Həmin pop-qrupun YouTube-də 2012-ci ildə yerləşdirilmiş videoklipi cəmi 4387 dəfə izləyib. Nigar Alptekinin Tvitter bloquna isə cəmi 155 nəfər yazılıb.
Lakin internetdə Nigar Talıbovanın çoxsaylı açıq-saçıq, hətta lüt fotolarına rast gəlmək mümkündür. Bu gözəlçə ilə bağlı xəbərlər vaxtaşırı olaraq Azərbaycanın sarı mediasının da səhifələrində özünə yer tapır. Onun türkiyəli milyonçu Ekim Alptekinlə evlənməsi barədə xəbərlər də o cümlədən.
“Mother Jones” bildirir ki, Ekim Alptekin ötən həftə Amerika-Türkiyə münasibətlərinə həsr olunmuş konfransda iştirak etmək üçün Vaşinqtonda idi. Jurnalın əməkdaşı ondan Flinnə ödənilmiş pulların mənbəyi və arvadının bu işdəki rolu barədə soruşub, lakin biznesmen suallara cavab verməyib. Flinnin vəkili də məsələ ilə bağlı şərh verməkdən imtina edib.
Ola bilsin Alptekin doğrudan da arvadının və İsrail energetika şirkətinin pullarını Flinnin xəlvəti lobbiçilik fəaliyyəti üçün ödəyib. Lakin həmin pulların mənbəyinin təsdiqlənməsi Flinnlə bağlı təhqiqat aparan FTB əməkdaşları üçün görüləcək işlərin siyahısındadır”-jurnal yazır.
Qeyd edək ki, son günlər Trampın və onun komandasının üzvlərinin Rusiya ilə şübhəli əlaqələrinə dair həm Konqresin kəşfiyyat komitələri, həm FTB tərəfindən aparılan təhqiqat dərinləşib. Senatın kəşfiyyat komitəsi Trampın seçki qərargahından bütün sənədləri, o cümlədən elektron yazışmaları və telefon danışıqlarını təqdim etməyi tələb edib.
Habelə xüsusi prokuror Robert Müller Trampın və ailə üzvlərinin son illərdə Rusiya ilə birbaşa və ya dolayısı ilə bağlı ola biləcək bütün biznes sövdələşmələrini araşdıracaq. Bu günlərdə təhqiqatın Trampın kürəkəni Cared Kuşneri də əhatə etdiyi açıqlanıb. Kuşner Trampın prezident səlahiyyətlərinin icrasına başlamasından əvvəl Rusiya səfiri Sergey Kislyakla iki dəfə görüşüb, habelə telefonla danışıb. Bu müzakirələrdə Trampın komandası ilə Rusiya arasında xüsusi xidmət orqanlarının nəzarətindən kənar informasiya kanalının yaradılması müzakirə olunub.
Submit to DiggSubmit to FacebookSubmit to Google PlusSubmit to StumbleuponSubmit to TechnoratiSubmit to TwitterSubmit to LinkedIn

Şərh yaz


18 Fevral 2018 Dağıstanda dəhşət: İnsanlar kütləvi şəkildə güllələndi: 4 ölü, 4 yaralı
18 Fevral 2018 Krallıqda baş verən qum fırtınası nəticəsində 1500 nəfər xəsarət alıb
17 Fevral 2018 YPG hücumu: Türkiyə raket atəşinə tutuldu
17 Fevral 2018 Qəbirdən səs gəldi, 11 gün sonra tabut açıldı və dəhşət... – Video
16 Fevral 2018 Türkiyədə hərbi təlim təyyarəsi qəzaya uğrayıb, iki pilot ölüb
15 Fevral 2018 ABŞ dövlət katibi Türkiyəyə səfər edib
15 Fevral 2018 ABŞ-da məktəbdə silahlı insident — 1 ölü, 50 yaralı
11 Fevral 2018 Misir ordusu hərəkətə keçdi: 16 ölü, 4 əsir
07 Fevral 2018 İstanbulda 7 mərtəbəli oteldə yanğın, yaralılar var - Video
07 Fevral 2018 Tayvanda güclü zəlzələ: 2 ölü, 202 yaralı - Video
06 Fevral 2018 Tayvanda helikopter qəzaya uğrayıb: 6 nəfər itkin düşüb
04 Fevral 2018 Türkiyə Afrində daha 2 şəhid verdi - 5 yaralı var
04 Fevral 2018 Ankarada İŞİD-in "informasiya naziri" saxlanılıb
03 Fevral 2018 İranda 4,2 bal gücündə zəlzələ baş verib
02 Fevral 2018 Fransada iki helikopter toqquşdu: Ölənlər var
01 Fevral 2018 Rusiyada prezident seçkilərində terror planlaşdıran İŞİD üzvü öldürüldü –FTB-dən əməliyyat
29 Yanvar 2018 FTB-nin direktor müavini istefa verib
29 Yanvar 2018 Türkiyəyə Afrindən pis xəbər: PKK-ya kömək gəlir
28 Yanvar 2018 Türkiyə ordusunun zərərsizləşdirdiyi terrorçuların sayı 484 nəfərə çatıb
28 Yanvar 2018 Əfqanıstanda matəmdir
27 Yanvar 2018 Melaniya Tramp Ağ Evi tərk etdi – Xəyanət
27 Yanvar 2018 Elbrusda itkin düşən belaruslu alpinistlər tapılıb
27 Yanvar 2018 Sakit okeanda göyərtəsində 50 nəfərin olduğu bərənin axtarışı aparılır
26 Yanvar 2018 200 türk komando Afrinə yola düşdü - FOTO
21 Yanvar 2018 Türkiyəyə 15 raket atıldı - 1 nəfər öldü, 54 nəfər yaralandı
21 Yanvar 2018 İran kütləvi hərbi təlimlərə başladı
18 Yanvar 2018 19 yaşlı qadın -22 dərəcədə dondu, 6 saatdan sonra isə ... - FOTO
18 Yanvar 2018 İranda ardıcıl iki zəlzələ
16 Yanvar 2018 Pələnglər sirkdə ata hücum etdilər - ANBAAN / Video (18+)
16 Yanvar 2018 Hava limanına silahlı hücum - 20 ölü, 60 yaralı

Xəbər lenti