.

Atlantik okeanda formalaşan “Dorian” qasırğası güclənib və ABŞ-ın Florida ştatının sahillərinə doğru yaxınlaşır.


APA xəbər verir ki, bu barədə ABŞ-ın fırtınalara nəzarət milli mərkəzi məlumat yayıb.

Mütəxəssislərin proqnozuna görə, yaxın bir neçə gün ərzində ABŞ-a bağlı Puerto-Riko ada dövlətində, eləcə də ABŞ-ən Virciniya adasında sel təhlükəsi qaçılmazdır. Bu həftə və gələn həftənin başlanğıcında isə Floridada və Baham adalarında leysan yağışları gözlənilir.

“Dorian” qasırğası hazırda Puerto-Riko bölgəsindədir və saniyədə 5,8 metr sürətilə şimal-qərb istiqamətində hərəkət edir. Küləyi sürətinin isə 33,5 m/san. təşkil etdiyi deyilir.

Prezident Donald Tramp qasırğanın yaxınlaşması ilə əlaqədar Puerto-Rikoda fövqəladə vəziyyət elan edilməsinə dair sərəncam imzalayıb.

Xəbər lenti