.

Asiya Fakt İnformasiya Agentliyi nəzdində fəaliyyət göstərən "Sizi Tanıyaq" layihəsinin növbəti çəkilişi baş tutdu.

Ardını oxu...

.

Türkiyənin Konya şəhərində “Anatolian Phoenix-2019”
beynəlxalq axtarış-xilasetmə təlimlərinin yekun mərhələsi icra olunub.

Müdafiə Nazirliyindən Asiya.info-ya verilən məlumata görə, təlimlərin son günündə helikopter ekipajları və axtarış-xilasetmə əməliyyatlarına cəlb olunan heyətlər müxtəlif epizodlar üzrə tapşırıqları icra ediblər.

Beynəlxalq təlimlərdə Azərbaycan Ordusunun 4 hərbi helikopteri və 60 yaxın şəxsi heyəti iştirak edib.


.

12 may 2019-cu il tarixində Sabunçu Gənclər evində Asiya Fakt İnformasiya Agentliyi nəzdində fəaliyyət göstərən Sizi Tanıyaq layihəsinin 1 illik hesabat konsert tədbiri keçirildi. 

Ardını oxu...

.

Millət vəkili Adil Əliyev Asiya Fakt informsiya Agentliyi nəzdində fəaliyyət götərən  "Sizi Tanıyaq" layihəsinin iştirakçıları ilə görüş keçirib. Layihə rəhbəri Vüsalə Qələndərli tədbiri açıq elan edərək iştirakçılar haqqında məlumat verib.

Ardını oxu...

.

Asiya Fakt İnformasiya Agentliyi nəzdində Sizi Tanıyaq layihəsinin növbəti buraxılışının qonağı İTV-nin əməkdaşı, tanınmış Rejissor-Prodüser  Minarə Əskərovadır.



O, 1979 cu il 28 iyun Bakı şəhərində doğulub. 17 nömrəli tam ota məktəbi bitirdikdən sonra İncəsənət Universitetinə daxil olub. 18 yaşından televiziyada fəaliyyət göstərir. Soy Prodakşn, Lider, Space-də çalışan Minarə xanımın son iş yeri İctimai TV olub. 13 ildir  İTV-də çalışan Minarə xanım "Gənclər Elm və Təhsil Deparatmentində Prodüser , bir neçə verilişin rejissor və  layihə rəhbəri olub. Hazırda isə  İctimai Televiziyada Gənclər, Elm və Təhsil Departamentinin, "Film və Media" "Keçmişdən salam var", " "Addım-addım" , "Nübarlı bağ", " Yadigarlar", "Din və Cəmiyyət"," Növbədəkilər"  və bir-birindən maraqlı, izlənilən verilişlərin Prodüseri olan qəhrəmanımız həmçinin  Beynəlxalq 23 Aprel Uşaq Şənliyində də gördüyü işlərə görə mükafatlanmış, Türkiyə mətbutının manşetlərində yer almışdır.

Ailəlidir, iki övladı var.

Xatırladaq ki, bir müddət öncə Minarə xanım ağır beyin şüa əməliyyatı keçirib. İzləyicilərimizin çoxsaylı zənglərini nəzərə alaraq, həmçinin öz narahatçılığımıza son qoymaq məqsədilə bayram günündə Minarə xanımın qonağı olduq. Müsahibəsi zamanı Minarə xanım tez -tez çətin günlərindən, xəstəliyindən söz açır, ona maddi və mənəvi dəstək olanlara sonsuz təşəkkürünü bildirirdi.

Minarə xanım qeyd etdi ki, Heydər Əliyev Fondunun Prezidenti, Azərbaycanın 1-ci Vitse Prezidenti Mehriban Əliyeva və Fondun İcraçı Direktoru Anar Ələkbərovun köməkliyi ilə təcili olaraq beyin şüa əməliyyatı üçün Bahçeşehir Universite Hastanesi Medikal Park Göztepedeye göndərilib. Uğurlu əməliyyatdan sonra vətənə dönən Minarə xanım ağır günlərini geridə qoyduğunu və ona dəstək olan hər kəsə təşəkkürünü bildirdi.
Minarə xanım ona dəstək olanlardan başda çalışdığı İctimai kanalın Baş direktoru Balakişi Qasımov olmaqla, bütün  İTV kollektivinə və dostlarına, sənətçilərimizə,  həmçinin tanınmış jurnalist, "Yadigarlar" verilişinin müəllif və aparacısı Flora Xəlilzadəyə ona dəstəyi üçün təşəkkür etdi. Verilişin produsseri olan Mİnarə xanım Flora xanımla yaxın münasibətindən, Flora xanımın ona "balaca bacı"- deyərək çağırmasından da danışdı.

Qeyd etdi ki, Gənclər Elm və Təhsil verilişləri departamentinin müdir müavini Gülnarə Kərimova və adını sevərək tez-tez xatırlatdığı  Leyla Quliyeva da çətin anlarında Minarə xanıma  dəstək olanlardandı.

***
Qəhrəmanımız Minarə Əskərovanın əməkdaşı olduğu İTV Azərbaycanın informasiya-əyləncə telekanallarından biridir. Verilişləri 24 saat ərzində  bütün Azərbaycan ərazisində, yayımlanır.

Minarə Əskərovanın ən böyük uğuru isə ailə həyatından başlayıb. Onun iş həyatında hər zaman dəstək olan həyat yoldaşı və yaşlarının az olmasına baxmayaraq analarının işinin ağırlığını anlaya biləcək qədər düşüncəli övladları, ailə üzvləri var. Belə olan halda Minarə xanımın iş həyatında qazandığı nailiyyətlər əlbəttə sonsuz olacaq. Aldığı fəxri adlar, dilpmlar da onun əməyinin bəhrəsidir.

Evində qonağı olduğumuz qısa müddətdə diqqətimizdən yayınmayan bir məsələ də 13 ildir televiziya sahəsində çalışan Minarə xanımın sadə, alçaq, kiçik otaqda yaşaması, buna görə keçirdiyi sıxıntı və narahatçılığı isə bir dəfə də olsun dilinə almaması oldu. 2-ci qrup əlil Minarə xanım kiçik və birotaqlı evdə 2 övladı ilə birgə hansı sıxıntıyla yaşaması əslində elə də qaranlıq deyildi. Üstəlik aldığımız məlumata görə Əmək Və Əhalinin Sosial Müdafiə Nazirliyinə, şəxsən cənab nazir Sahil Babayeva fevral ayında müraciət edib.Məktub onlara çatsa da hələ ki cavab almayan Minarə xanım xəstəliyiylə yanaşı övladlarının bu cür darısqal evdə böyütməyin sıxıntısını  kövrək qəlbində gizlətsə də, əslində narahat ana baxışlarıyla biruzə verirdi.İnanırıq ki hörmətli nazirimiz aztəminatlı ailə kimi, həmçinin 3 dəfə ağır beyin əməliyyatı keçirən, 2-ci qrup əlil Minarə xanımın müraciətini cavabsız qoymayacaq.  

 

***

Qeyd edək ki yüzlərlə insan hazırda Minarə xanımı feysbuk səhifəsi üzərindən izləyərək xoş xəbərini gözləyir. Biz də yaxın dostumuz, Minarə xanımın ağır günlərini geridə qoyduğunu onu sevərlərə çatıdırır, tezliklə tamamilə sağalmasını diləyirik.
Daha sonra nələr baş verdi? Minarə Əskərovanın hazırda səhhəti necədir? Əməliyyatdan öncə və sonra nələr baş verdi? Keçirdiyi əməliyyatın iş həyatına təsiri oldumu?... Bu və ya digər suallarınıza Sizi Tanıyaq layihəmizin Minarə Əskərovaya həsr etdiyi Sənədli Filmdə cavab  tapa bilərsiz

Vüsalə Qələndərli




.


Asiya Fakt İnformasiya Agentliyi nəzdində fəaliyyət göstərən Sizi Tanıyaq layihəsinin 8 Mart - Beynəlxalq Qadınlar Gününə həsr olunmuş bayram tədbiri keçirildi.

Ardını oxu...

.

Sabiq nazirin 30 il zəmanət verdiyi Bakı-Rusiya yolunun hər iki istiqaməti darmadağındır; nə sürmək mümkün, nə də qəzadan sığortalanmaq... yeni pullu yol isə 2021-də hazır olacaq

Bu yolda maşın sürmək üçün gərək ya Şumayher olasan, ya da şahmatçı. Söhbət Bakı-Quba yolundan gedir. Beton yol elə günə düşüb ki, hər addımbaşı çuxurları, dağılmış yerləri ziq-zaq edib keçməyə pilot lazımdır.

Qubadan Bakıya qayıdan istiqamət tamamilə dağılıb. Bir tərəfdən keyfiyyətsiz yol çəkilişi, bir yandan da iritonnajlı yük maşınları ucbatından Bakı-Rusiya yolu darmadağın vəziyyətdədir.

Ona görə sürücülər bura beton yol yox, batan yol deyirlər. Onlar bu əzab-əziyyətin nə vaxt qurtaracağı günü gözləyirlər. Çünki bu yolda nə sürmək mümkündür, nə də qəzadan, avtomobilin zərər görməsindən sığortalanmaq.

Yolun tikintisinə 2008-ci ildən başlanılıb. Rəsmi məlumatlara görə, layihəyə ümumilikdə 545 milyon 287 min 800 manat xərclənib.

Həmin vəsaitin 281 milyon 861 min 800 manatı Bakı-Quba Rusiya dövlət sərhədi avtomobil yolunun 120 kilometrlik hissəsinin təmirinə sərf olunub.

Yerdə qalan 263 milyon 426 min manata isə 180 kilometr uzunluğunda beton örtüklü avtomobil yolu tikilib.

Yol istifadəyə veriləndə o vaxt Nəqliyyat Nazirliyi bu yolun 30 il davamlı olacağı barədə məlumat yaymışdı. Çünki yol əməlli-başlı xərc aparmışdı.

Ancaq bir il çəkmədi ki, beton yolda çökmələr, çatlar əmələ gəlməyə başladı. İllərdir davam edən bu problemin, yəni dağılmış, kələ-kötür beton yolun düzəldilməsi sürücülərin ən böyük arzusudur.

“2009-cu ildə istifadəyə vermişdilər, 2012-ci ildə yol təmiz dağılmışdı. Guya 30 il zəmanət veriblər, 10 il keçib, yolun gününə baxın.

Həm də yol normadan artıq yüklənir. İri yük maşınlarına tab gətirmədi. Bəzi yerlərdə təmir işləri aparılıb. Ancaq başdan-ayağa yenidən qurulmalıdır", - deyə sürücülər şikayətlənirlər. 

Onların sözlərinə görə, Qafqazda ən baha qiymətə başa gələn, dünyanın ən bahalı yolları sırasında adı çəkilən Bakı-Quba-Rusiya yolu bu gün dünyanın ən sonuncu məhəllə yolunu xatırladır.

Sürücülər deyirlər ki, Xaçmazın, yaxud Şabranın kəndlərində heç belə yola rast gəlməzsiniz. Beton yol elə dağılıb ki, iri yük maşınları sağ zolaqla getməkdən qorxurlar, hər an düşəcəkləri çuxur maşını aşırda, yükləri yerə tökə, ağır qəzaya səbəb ola bilər.

Ötən ilin yayında avtomobil yolunun 10-20 və 45-52-ci km-də yararsız vəziyyətə düşmüş təhlükəsizlik sədlərinin təmiri işləri aparılmışdı.

Amma hələlik Rusiyaya gedən və qayıdan istiqamətdə təmir işləri getmir. Sürücülər bildirirlər ki, təzə yol çəkilsə belə, o vaxta qədər beton yol təmir edilməlidir.

“Nəqliyyatın ən intensiv hərəkət edən yollarından biridir. Bura hansısa bir kəndə, yaxud rayona gedən istiqamət deyil axı?! Rusiyaya yük daşınır, ordan yük qayıdır. Hər gün minlərlə avtomobil hərəkət edir.

Vallah, ustaya getməkdən bezmişik, bu yola bir girən peşman olur, bir çıxan. Çünki şəhərə çatan kimi maşının sazlığını ustaya baxdırmalısan, “peredok” dağılır, maşında səslər çoxalır", - Xaçmaza hər gün müştəri aparıb-gətirən taksi sürücüsü Namiq belə deyir.

Onun maşını bu yollarda sıradan çıxıb: “Gedən yol yenə bir az babatdır, Bakıya qayıdan tərəf özünüz də görürsünüz ki, nə vəziyyətdədir.

Ziya Məmmədov sağ olsun, şimal zonasının camaatına yol “hədiyyə” eləyib də, gecə-gündüz sağlığına dua edirik.

Adamda insaf olar, pulunu yemisən, keyfiyyətsiz yol çəkmisən, heç olmasa elə beton yol tikəydiniz 7-8 il dözəydi. Yalandan da deyirlər ki, 30 il zəmanət vermişik".

Digər tərəfdən, yol elə tikilməlidir ki, o, maksimum kütlədən artığını da qaldıra bilsin. Məsələn, yolu elə tikmirlər ki, avtomobilin icazə verilən maksimum kütləsi 30 tondursa, 31 ton olanda o, bizdəki kimi dağılsın.

O yolu 5 dəfə artıq yükə dözümlülüklə tikməlidirlər. Əminliklə demək olar ki, istənilən halda ya yol pis tikilib, ya da istifadəyə veriləndən sonra ona lazımınca nəzarət edilməyib.

Azərbaycan Avtomobil Yolları Dövlət Agentliyinin mətbuat xidməti rəhbəri Anar Nəcəfli “Yeni Müsavat”a bildirdi ki, Bakıdan Rusiya sərhədinə yeni yol inşa olunur və 2021-ci ilə qədər işlər yekunlaşacaq. Qurum sözçüsü bildirdi ki, hazırkı yol hissə-hissə təmir olunub, yenə təmiri davam edəcək.

Onu da deyək ki, Bakı-Quba-Rusiya sərhədi yeni avtomobil yolu ödənişli olacaq. Bunu AAYDA-nın sədri Saleh Məmmədov açıqlamışdı.

S.Məmmədov bildirmişdi ki, 2018-ci ildə qarşıya qoyulan əsas tapşırıq Bakı-Rusiya sərhədi istiqamətində yeni avtomobil yolunun tikintisidir:

“Bu avtomagistral yolun 43-cü kilometrliyində yerləşən Tağıyev qəsəbəsindən başlayaraq 208-ci kilometrədək olan hissəni əhatə edir. Dörd cərgəli, birinci dərəcəli geniş yol gələcəkdə ilk ödənişli yol olacaq”.

Ötən il fevralın 19-da prezident İlham Əliyev Bakı-Quba-Rusiya ilə dövlət sərhədi yeni avtomobil yolunun tikintisi ilə bağlı tədbirlər haqqında sərəncam imzalayıb.

Sərəncamda deyilirdi ki, “Şimal-Cənub” beynəlxalq nəqliyyat dəhlizinin tərkib hissəsi olan M-1 Bakı-Quba-Rusiya Federasiyası ilə dövlət sərhədi yeni avtomobil yolunun H.Z.Tağıyev qəsəbəsindən başlayaraq tikilməsi nəqliyyat xidmətlərinin daha da yaxşılaşdırılması ilə yanaşı, bölgədə turizmin inkişafına əlavə təkan verəcək. Yolun tikintisi üçün Azərbaycan Avtomobil Yolları Dövlət Agentliyinə 150 milyon manat ayrılıb.

“Yeni Müsavat”ın Reportyor Qrupu,
Xaçmaz-Bakı

.



İndi ölkədə 8 dövlət orqanının istintaq departamenti var. Bunların hamısı birləşdirilməlidir.

Ardını oxu...

.


Zahid Oruc etimada görə prezidentə təşəkkür edib.

Ardını oxu...

.

Türkmənistanda Elmlər Akademiyasının maliyyələşdirilməsi dayandırılır.

Total.kz saytı xəbər verir ki, Türkmənistan prezidenti Qurbanqulu Berdıməhəmmədov müvafiq fərman imzalayıb.

Elmlər Akademiyasının maliyyələşməsi mərhələli şəkildə üç il müddətində dayandırılacaq.

Bununla da ölkə hökuməti energetika sektorunda davam edən tənəzzül fonunda iqtisadiyyatı möhkəmləndirmək və vəsaitə qənaət etmək istəyir.

Maliyyəşmədən 26 elmi-araşdırma institutu və Dövlət Seysmoloji Xidmət məhrum ediləcək.

Xəbər lenti