.
Ermənistanın baş naziri Karen Karapetyan qanunsuz olaraq Azərbaycanın işğal altındakı ərazilərinə gəlib. Xəbər verildiyi kimi, o, yay tətilini Qarabağda keçirməyə qərar verib.
Musavat.com erməni mediasına istinadən xəbər verir ki, Qarabağdakı separatçı rejimin “baş naziri” Araik Arutyunyan K.Karapetyanla Kəlbəcər rayonu hüdudlarında yaradılmış Şaumyan rayonunda görüşüb.
Daha sonra onlar işğal zonasında reallaşdırılan iqtisadi layihələrlə tanış olublar. Arutyunyan və Karapetyan Qarabağa Ermənistandan çəkilən ikinci yolun - Vardenis-Ağdərə avtomagistralının tikintisi ilə tanış olublar. Bu yolun xüsusi əhəmiyyət kəsb etdiyini bildiriblər.
Bundan sonra onlar Kəlbəcərdəki su zavodunun təməlqoyma mərasimində iştirak ediblər. İşğalçılar iddia ediblər ki, bu layihənin reallaşması nəticəsində ilkin mərhələdə 50 nəfər işlə təmin olunacaq. İşğalçılar suyun ixracını da planlaşdırırlar.
İşğalçı ölkənin baş naziri və separatçıların nümayəndəsi həmçinin “Lev-1” və “Djermadjur” hidroelektrik stansiyalarına da baş çəkiblər. İşğalçı ölkənin baş nazirinin özgə torpağına başını soxmasına isə hələlik beynəlxalq təşkilatlardan və ATƏT-in Minsk Qrupunun həmsədrlərindən kimsə reaksiya verməyib.
 
.
Bakıda vətəndaşlara qarşı dələduzluq edən qadının cinayət işi üzrə növbəti məhkəmə prosesi keçirilib. Bakı Ağır Cinayətlər Məhkəməsində hakim qarşısına çıxarılan Aygün Akimova ilə birlikdə İlham Baxışov da həbs edilib.Musavat.com xəbər verir ki, hakim Əlövsət Abbasovun sədrliyi ilə keçirilən məhkəmə prosesində hökm oxunub. Hökmə əsasən A.Akimova 12 il, İlham Baxışov isə 3 il müddətinə azadlıqdan məhrum edilib.
Xatırladaq ki, prokuror Aygün Akimovanın 13 il, İlham Baxışovun isə 4 il müddətinə azadlıqdan məhrum edilməsini istəmişdi.
Qeyd edək ki, Aygün Akimova Cinayət Məcəlləsinin 178.3.2-ci (dələduzluq, külli miqdarda olduqda) və 313-cü (vəzifə saxtakarlığı) maddələri ilə təqsirli bilinib. İlham Baxışov isə onda təqsirli bilinib ki, Akimovanın xahişi ilə onun evinə “kupça” düzəltməli imiş. Ancaq Baxışov vədinə əməl etməyib və aldığı pulu geri qaytarıb.
Aygün Akimova bir neçə şəxsə qarşı dələduzluq etsə də İlham Baxışovun adı yalnız bir epizodda keçir.
Bildirək ki, Aygün Akimova aldatdığı şəxslərə naxçıvanlı iş adamı Abdulla Abdullayevlə evli olduğunu, uşaqlarının atasının iş adamı olduğunu deyib. Bu iş üzrə istintaqda şahid kimi ifadə verən naxçıvanlı biznesmen Aygün Akimova ilə evli olmadığını, ancaq Aygünün uşaqlarının doğum şəhadətnaməsində ata adı kimi onun adının yazıldığını etiraf edib. İş adamı bunu Aygünə yaxşılıq məqsədi ilə etdiyini, adıçəkilən qadının onun şirkətində xadimə işlədiyini bildirib.
 
.

“Beynəlxalq Ordu Oyunları - 2017” çərçivəsində Azərbaycan hərbçiləri Ermənistan nümayəndələrini bütün istiqamətlərdə xeyli üstələyir.

Bu barədə Modern.az-ın sorğusuna cavab olaraq Azərbaycan Müdafiə Nazirliyindən bildiriblər.

 

Bildirilir ki, Azərbaycan hərbçilərinin “Beynəlxalq Ordu Oyunları - 2017” çərçivəsində keçirilən yarışlarda uğurlu çıxışı Silahlı Qüvvələrə ölkə rəhbərliyi səviyyəsində göstərilən diqqət və qayğının nəticəsidir.

 

Sevindirici haldır ki, müxtəlif yarışlarda güclərini sınayan hərbçilərimiz 28 ölkə nümayəndələri arasında yüksək göstəricilərə nail olublar. Qürurverici məqamlardan biri də odur ki, oyunların ilkin mərhələsinin nəticələrinə görə, Azərbaycan hərbçiləri Ermənistan komandasını bütün istiqamətlərdə xeyli üstələyib.

 

Xüsusi ilə qeyd edək ki, tank ekipajları, snayperlərimiz və artilleriya heyətləri Ermənistan hərbçilərindən qat-qat yüksək nəticələr göstəriblər. Bu da hərbçilərimizin döyüş hazırlığının, peşəkarlığının, bilik və bacarıqlarının göstəricisidir.

.
Peşə məktəbinin vəzifəli şəxsləri tərəfindən məktəbin pedaqoji və işçi heyətinə əsassız olaraq artıq əməkhaqqı ödənilməsi barədə Maliyyə Nazirliyindən daxil olmuş material Baş prokuror yanında Korrupsiyaya qarşı Mübarizə Baş İdarəsində araşdırılıb.
Baş Prokurorluğun mətbuat xidmətindən Axar.az-a verilən məlumata görə, müəyyən edilib ki, Xızı Peşə məktəbinin vəzifəli şəxsləri tərəfindən öz qulluq səlahiyyətlərindən sui-istifadə edərək məktəbin tədris bazası olmamasına, istehsalat təcrübəsinin faktiki keçirilməməsinə baxmayaraq gözətçi, sürücü, paltarsaxlayan və ocaqçı kimi rəsmiləşdirilən artıq ştat vahidlərinə, əlavə tarifləşdirilmiş dərs saatları verilən, əvəzçiliklə işləyən, habelə şagirdlərin davamiyyəti olmadığı halda qrup jurnallarında əsassız olaraq rəsmiləşdirilmiş pedaqoji işçilərə 47 min 971 manat məbləğində artıq əməkhaqqı ödənilib.
Həmin fakta görə Cinayət Məcəlləsinin 308.1-ci (vəzifə səlahiyyətlərindən sui-istifadə) maddəsi ilə cinayət işi başlanıb.
Hazırda cinayət işi üzrə qeyd olunan qanunsuz halların tam və hərtərəfli araşdırılmaqla təqsirli şəxslərin dairəsinin müəyyənləşdirilərək məsuliyyətə cəlb edilmələri, habelə vurulmuş ziyanın ödənilməsinin təmin edilməsi istiqamətində zəruri istintaq-əməliyyat tədbirləri davam etdirilir.
.
Beynəlxalq Ordu Oyunlar çərçivəsində “Tank biatlonu” müsabiqəsinin  “Fərdi sürmə” mərhələsinə start verilib.
T-72B3 tankında yarışlarda iştirak edən Azərbaycan heyəti Küveyt və Monqolustan komandalarını geridə qoyaraq ilkin mərhələni öz qruplarında 2-ci yerdə başa vurublar.
“Tank biatlonu” müsabiqəsində 19 ölkədən 55 tank heyəti iştirak edir və yarışlara avqustun 12-də yekun vurulacaq.
Asiya.info
.
İstanbula yağan şiddətli dolu və  yağış həyatı iflic edib. 
Asiya.info Türkiyə mediasına istinadən xəbər verir ki, İyulun 18-də İstanbulun hər yerini gölə döndərən və Baş Nazirin "Bu bir fəlakətdir" dediyi yağışın ardından, İstanbul bu axşam yeni və yenə eyni şiddətdə bir yağış dalğasının təsirinə girdi"-dediyi yağışın ardından kəskin hava şəraiti İstanbulda həyatı iflic etdi. 
İstanbulun bir neçə rayonunda yağan leysan yağış insanlara və şəhər təsərrüfatına xeyli ziyan vurub. Atatürk hava limanında bütün uçuşlar təxirə salınıb.
Məlumata görə, şiddətli yağış bu gecəyə qədər davam edəcək.
Nargül Qələndərli
 


.
Bu gün Azərbaycan Respublikası Səhiyyə Nazirliyinin Baş Oftalmoloqu, Əməkdar Elm xadimi, Milli Elmlər Akademiyasının Müxbir üzvü, Akademik Zərifə Əliyeva adına Milli Oftalmologiya Mərkəzinin Direktoru, Tibb Elmləri Doktoru, Professor Elmar Qasımovun təşəbbüsü ilə media gününə həsr olunan "Gələcəyə sağlam baxış "devizi altında aksiya başa çatdı. Aksiyada iştirak edən 100 -dən çox media təmsilçiləri müayinədən keçdilər.
Asiya.info bildirir ki, aksiyada iştirak edən media nümayəndələri Akademik Z.Əliyeva adına Milli Oftalmologiya Mərkəzinin xidmətlərindən yararlanıblar. 

Tibb üzrə fəlsəfə doktoru, Akademik Z.Əliyeva adına Milli Oftalmologiya Mərkəzinin əməkdaşı Yazgül Abdıyeva aksiyaya qatılan jurnalistləri, media günü münasibəti ilə təbrik edib: 


"Sizi milli mətbuat günü münasibəti ilə təbrik edirəm.
Mətbuat cəmiyyətin güzgüsüdür. Cəmiyyətdə baş verən bütün yaxşı və ya pis hadisələr sizin-medianın gözündən yayınmır. Və siz insanları məlumatlandlrmaqla yanaşı həm də bəzən yollar göstərir, problemlərin çözülməsi üçün bir növ şərait yaradırsınız. Hər bir cəmiyyətin inkişafı onun səhiyyəsi və təhsili ilə bağlıdır. Bu hər iki sahə sizin daim diqqətinizdədir. Hərdən mən özüm belə düşünürəm ki, media bizim səhiyyəyə bir növ kənardan nəzarət edir və baş verən hər məqama etinasız yanaşmır. Və biz müzakirələrimizi bitirməmiş xəbərin opretiv yayıldığının şahidi oluruq. Sözsüz ki, qərəzli, dəqiqləşdirilməmiş xəbərlər olur və bu, bizi üzür, cəmiyyəti çaşdırır, narahatlıq yaradır. 

Sizin bu əziz gününüzdə biz də qərara aldıq ki, aksiya keçirək. Məqsədimiz Azərbaycan mediası ilə daha sıx əməkdaşlıq etmək və perspektivləri müəyyən etməkdir. Bir daha qeyd edim ki, mətbuatın hər zaman önəm verdiyi mövzular içərisində səhiyyə sahəsi xüsusi yer tutub. Səhiyyədə baş verən yeniliklər çox qısa bir zaman kəsiyində mediada öz əksini tapır. Xüsusilə göz xəstəlikləri sahəsində atılan bütün addımlar, Səhiyyə Nazirliyinin fəaliyyəti Azərbaycan mediasında ən aktual mövzular sırasındadır. Bu da pasientlərlə həkimlər arasında daha çox yaxınlıq, ünsiyyətə dəstək deməkdir. Akademik Zərifə Əliyeva adına Milli Oftalmologiya Mərkəzində baş verən bütün yeniliklər də medianın diqqətində olur. Nəticədə isə pasientlər mərkəzin fəaliyyətindəki şəffaflığın, problemlərin, yeniliklərin və s. şahidi olurlar. Mərkəz hər zaman media ilə əməkdaşlığa xüsusi önəm verib. Aparılan tədqiqatları, gələcək planları mediadan gizlətməyib, əksinə KİV vasitəsilə cəmiyyətə yayılmasına daha çox maraq göstərib". 

"Gələcəyə sağlam baxış" devizi altında aksiya başa çatdı.
"Gələcəyə sağlam baxış" devizi altında aksiya başa çatdı.
"Gələcəyə sağlam baxış" devizi altında aksiya başa çatdı.

.
Bunlardan bəziləri Bakını bizim üçün əvəzedilməz, bəziləri isə hərdən lap dözülməz edir. Bir az əyləncə də qataraq, həmin şeylərin nə olduğunu sizə də təqdim edirik.
1. Zavod Çörəyi
Bakının zavod çörəyi dediyimiz çörək növünün həqiqətən də çox xüsusi ləzzəti var. Hər gün yediyimiz üçün adiləşsə də, bir az uzaqlaşan kimi dadı üçün ən çox darıxdığımız şeylərdəndir. Əvvəllər rayonlarda zavod çörəyinin çox çətin tapıldığı vaxtlarda isə Bakıdan rayona gedənlər mütləq zavod çörəyi gətirmələri üçün evdəkilərdən “sifariş” də alırdılar.
Xüsusilə Bakıda qarşılaşacağınız 8 şey – FOTO
2. “Kartoşka” olmadıqlarını dilə gətirən sərnişinlər…
İşdən çıxandan sonra və ya işə gedəndə – Bakı nəqliyyatının ən qarışıq saatları sizi bir maraqlı cümləni eşitməyə vadar edəcək. “Yarışa çıxan” avtobus sürücüsünə etiraz bildirməyin ən klassik yolu: “Kartoşka daşımırsan, adam daşıyırsan, bir az yavaş sür!” cümləsidir.
Xüsusilə Bakıda qarşılaşacağınız 8 şey – FOTO
3. Ofisiantla doğmalaşmaq
Ofisianta “qaqaş” deyə müraciət edildiyi başqa bir şəhər tapa bilməzsiniz. Bir neçə dəqiqə içində baş verən bu doğmalaşmanın sonu isə adətən belə qurtarır – “Qaqaş, özün məsləhət bildiyin bir şey gətir, yeyək-içək.”
Xüsusilə Bakıda qarşılaşacağınız 8 şey – FOTO
4. “Pulunu verdim, düşərsən!”
Buna avtobuslarımızın klassikası da deyə bilərik. Bəzən dəqiqələrlə 20 qəpiyi vermək üstündə “dəhşətli” savaş, əl-qol hərəkətlərinin də daxil olduğu böyük mübarizə başlayır. Sonda qalib gələn tərəf isə 20 qəpiyi verib, böyük qələbə hissi ilə avtobusdan düşür.
Xüsusilə Bakıda qarşılaşacağınız 8 şey – FOTO
5. “Sənin üçün 50 manata!”
Bizim satıcılarımızın da özünəməxsus fəndləri var. Bakıdan başqa heç yerdə bu dialoqu eşidə bilməzsiniz:
“- Paltar neçəyədir?
– Hamı üçün 100 manatdı, sənin üçün 50 manat. Axırıncı maldır deyə, mayasından da aşağı verirəm!”
Xüsusilə Bakıda qarşılaşacağınız 8 şey – FOTO
6. Bura Zibil atanın…
Bu sözlərdən sonra müxtəlif qarğış və söyüşlər görmək mümkündür. Zibillərin atılmalı olmadığı yerə zibil atanların heç cür öhdəsindən gəlməyən insanların son ümidləri də bu sözləri yazmaqla ölür. Nəticədə adətən həmişə bu yazının yazıldığı yerlərdə zibil olduğunu görürük.
Xüsusilə Bakıda qarşılaşacağınız 8 şey – FOTO
7. “Qapını burax!”
Metroda mütləq qapını tutub-saxlayan bir “ağıllı” olmalıdır – özü də ən pik saatlarda. Elə məhz bu vaxt da sizi qaranlıq dəhliz boşluqlarında dəmir qatarlarla şütüməyə kömək edən sirli maşinistin qəzəbli səsini eşidirsiniz. “Ay …….., qapını burax!”
Xüsusilə Bakıda qarşılaşacağınız 8 şey – FOTO
8. Bakı bizim uşaqlığımızdır!
Bakı hər nə qədər son illərdə dəyişsə də, bizim üçün uşaqlığımızın ən böyük xatirəsi olaraq qalacaqdır. Buna görə də dünyanın harasına getsək də, uşaqlığımızın keçdiyi Bakının doğmalığı da bütün mənfi və müsbətləri nəzərə almadan da, daima yanımızda qalır.
Xüsusilə Bakıda qarşılaşacağınız 8 şey – FOTO
pahoo.az
.
Bu ilin əvvəlindən Biləsuvar rayon İcra Hakimiyyəti ilə 100-ə yaxın fermer arasında başlanmış torpaq qovğası pik həddə çatıb. 
 Asiya.info BakuPost.az-a istinadən  xəbər verir ki, rayonun icra başçısı, adı tez-tez qalmaqallarda hallanan Mahir Quliyevin fermerləri ərazidə aqropark tikiləcəyi adı ilə aldatması təsdiqini tapıb. 
Fermerlərin torpaqlarını əlindən alaraq guya, hansısa şirkətə verəcəyini və aqroparklar tikiləcəyini vəd edən M.Quliyevin dediklərinə inanmayan mülkiyyət sahiblərinin dediklərinə görə, icra başçısı torpaqların hər hektarını 100 manatdan başqalarına satmaqdadır. 
Bu barədə BakuPost.az-a danışan fermer, Azərbaycanın məşhur müğənnilərindən olmuş Xanhüseyn Hüseynov deyib ki, icra başçısı ona aid olan Babaş qışlağından bir neçə hektar ərazini Cəlilabad sakininə satıb. 
 
 
Fermer bildirir ki, 7 il əvvəl 50 hektar ərazini 15 illik icarəyə götürüb. İcarə müddətinin bitməsinə hələ 8 il qalsa da, icra hakimiyyəti onun torpaqlarını ələ keçirib: 
"İndi sənədlə-sübutla mənim icarəmdə olan torpaqları satıblar. Hazırda Cəlilabaddan olan biri həmin ərazidə tikinti aparır. Bizə yalandan deyirdilər ki, guya, aqroparklar olacaq və bu, Prezidentin sərəncamıdır. Fikirləşdik ki, əgər, bu dövlət layihəsidirsə və cənab İlham Əliyev belə uyğun görübsə, bizim etiraz etməyimiz yersiz olar. Amma indi görürük ki, bu, icra başçısının fırıldağıdır. Kimin ağlına gələr ki, icra başçısı Prezidentin adından istifadə etməyə cürət edər. Sən demə edə bilirmi. Bizim qanuni istifadəmizdə olan, təsərrüfat sahəmizi əraziləri pulla başqalarına satır”. 
X.Hüseynov deyir ki, Babaş qışlağı deyilən örüş sahəsi fermerlərdən məhkəmə qərarı olmadan, qanunsuz şəkildə alınır. 
 
Onun sözlərinə görə, bununla bağlı müxtəlif yerlərə müraciət etmələrinə baxmayaraq, məsələ həll olunmur: "Bu məsələni mətbuata da çıxardıq, amma Mahir Quliyev öz bildiyini edir. 1 hektarı 100 manatdan satır.  Özü də bura örüş sahəsidir. Bunlar isə torpaqları əkin sahəsi kimi satır”. 
Onu da deyək ki, 58 nəfər fermer məsələ ilə əlaqədar Prezident İlham Əliyevə müraciət edib. 6 nəfər isə icra hakimiyyətini məhkəməyə verib və məhkəmə onların xeyrinə qərar çıxarıb.
Qeyd edək ki, Xanhüseyn Hüseynov öz dövrünün məşhur müğənnilərindən olub. O, dillər əzbəri olan 50-dən artıq mahnının müəllifidir. Onun irsini indi oğlu, "Xalq ulduzu” yarışmasının qaliblərindən olan İlham Xanhüseynoğlu davam etdirir.
 


.
Zəhraya (Anasının dilindən) Sərbəst şeir

Körpə qızım, sən ananın qollarında böyüyərək, xoşbəxtlikçün doğulmuşdun.
Bu qollarla yola saldım məzarlığa,
boğulmuşdum...
Ağlamaq da bacarmadım, düşmən sevinməsin  deyə,
Bu gün olub hamı Zəhra, sən yanımda yoxsan deyə...
Mən nə deyim bu qismətə, bu taleyə...
Ədalətmi, 2 yaşlı bir körpənin qan içində rəsimləri ürəyimin xəncəridir, 
düşmənimin ölmüş vicdan əsəridir....
Ədalətmi, gülüş dolu, həyat dolu körpəmizin torpaq altdan səs salması, 
hayqırması bu dünyaya, 
"Ədaləti bərqərar et, ey su alıb susan birlik adlı "böyük" dünya..
Sən balaca Zəhradan da balacasan birlik adlı KİÇİK dünya"...
Ədalətmi 2 yaşlı gözəl bala, anasından ayrılaraq dəfn oluna...
Rəsmin məni yaşadıqca öldürəcək, 
sən ananı gülüşünlə yaşadardın, yaşamırıq sanki sənsiz, partlayacaq sanki bağrım, ay günəşim
sabahlarım bir başqa cür açılardı, sevinc dolu baxışınla
mən özüm də uşaq kimi sevinərdim, axı haradan biləydim, son sözlərin elə ilkmiş...
Axı hardan biləydim ki, mən Zəhramçün ölməkdənsə, Zəhra bizimçün ölərmiş,
Qaranlıqdan qorxan quzum, qorxmazsanmı dar qaranllıq məzarında,
qorxma nənən baş ucunda,
mən laylanı dərdli qəlbimdə çalarkən,
orda nənən çalar sənə...
Ac qalmağa dözümsüzdün, bəs acanda nə edərsən...
qış soyuqda üşüyəndə əllərini ovucumda isidərsən
qorxma qızım qəlbim çətin dözə ayrılığa, bir gün mütləq qovuşacam 
Səni dünya, səni zaman, səni hər kəs xatırlayıb hey anacaq,
Amma bizim evdə gəzən, gülən Zəhra olmayacaq...
bir də mənə sarılaraq qucağıma çıxmayacaq.. 

Böyümədin.. arzuların nə olduğun bilmədən sən, arzuların özü oldun.. 
Səni arzu etsəm də mən, ürəyimdə qaysaq bağlar bundan sonra..
Kor qalmasın barı dünya... 
Sənin üçün qoy oyansın haqq ədalət BÖYÜK ZƏHRA....

Vüsalə Qələndərli

Xəbər lenti