.
NASA Xəzərdə anomal proses sayılan "süd qasırğası"nın fotoşəklini dərc edib.
 
Asiya.info  APA-ya istinadən xəbər verir ki, fotoşəkil yanvarın 9-da "Terra" kosmik aparatı ilə çəkilib.
NASA-nın məlumatında qeyd olunur ki, külək suyu səthdən qarışdırır və dənizin təkindəki çöküntüləri üzə qaldırır. Bu da dənizin sahilində "süd kölgəsi" yaradır. Alimlər bu təbiət hadisəni araşdırmağa çalışır, çünki bu, balıqçılığa mənfi təsir göstərə bilər.
NASA peyk təsvirlərinin Xəzərdə monitorinq üçün əsas üsul olduğunu açıqlayıb.
.
Tayvanda ötən gecə baş verən 6,5 ballıq zəlzələnin səhərisi sakinlər qorxulu mənzərə ilə qarşılaşıblar.
“Qafqazinfo” xəbər verir ki, dörd nəfərin öldüyü 145 nəfərin isə itkin düşdüyü təbii fəlakət bəzi binaların əyilməsinə səbəb olub. İtkin düşən 60 nəfərin həmin binalarda köməksiz qaldığı təxmin edilir. 
Xilasetmə dəstələri binanın uçmaması üçün ona polad dirəklər dayayıblar. Təlim görmüş itlər isə insanların axtarışına cəlb edilib. 
 
.
Dünyanın nüfuzlu xəbər portallarından olan “Business Insider” dünyanın ən gözəl 14 hava limanının siyahısını açıqlayıb.
Oxu.Az xəbər verir ki, siyahıda Heydər Əliyev Beynəlxalq Aeroportu 6-cı yerdə qərarlaşıb.
Siyahıda ilk beşlikdə isə Adolfo Suares Madrid-Baraxas Aeroportu (İspaniya), Vankuver Beynəlxalq Aeroportu (Kanada), Sinqapur Çangi Aeroportu, Kuala-Lumpur Beynəlxalq Aeroportu (Malayziya), Münhen Aeroportu (Almaniya) yer alıb.
.
Dekabrın 23-də itkin düşən "Gilavar" - hava və ekstrim idman klubunun üzvləri Cəbrayılzadə Fəridə Zəbiyulla qızı, Hüseynov Babur Vaqif oğlu və Bünyatzadə Namin Nizami oğlunun axtarışları davam edir.

Bu barədə Lent.az-a “Gilavar” Hava və Ekstrem İdman Klubunun rəhbəri Ziya Qasımov məlumat verib.

Onun sözlərinə görə, axtarışlar alpinistlər tapılana qədər davam edəcək: "Onların tapılmasına ümidlərimiz böyükdür, hər 3-ü təcrübəli dağçıdır. Baburun üzərində 27 kq-lıq ruqzak olub, ola bilməz ki, bu sumkadan hansısa bir əşyanı biz tapmayaq. Bəzən saytlar uydurma xəbərlər verirlər, az qala onları diri-diri basdırılar. Onların sağ olduğuna inanmalı və dualarımızı əsirgəməməliyik".

Z. Qasımov bildirib ki, axtarışlar Mahmuddərə ərazisində davam edir. Hazırda axtarışlarda FHN-nin 10 əməkdaşı və 10 nəfər idmançı iştirak edir.

Qeyd edək ki, “Gilavar” Hava və Ekstrim İdman Klubunun alpinistləri Hüseynov Babur Vaqif oğlu, Bünyatzadə Namin Nizami oğlu,Cəbrayılzadə Fəridə Cəbiyulla qızı dekabrın 23-də Quba rayonunun Xınalıq kəndindən Tufandağı istiqamətində yürüşə çıxıb və onlarla əlaqə kəsilib.

.
Yeni ilin gəlişinə artıq bir neçə saat qalıb. Bakı bu il ötən illərlə müqayisədə daha da al-əlvan, bayram ab-havasındadır. 

Təsadüfü deyil ki, paytaxt Bakı MDB dövlətləri arasında Yeni il bayramı ərəfəsində rus turistlərin ən çox istirahət edəcəyi ikinci şəhər sırasındadır. Belə ki, Rusiyanın Tvil.ru şirkətinin reytinqinə görə, 2017-ci il dekabrın 30-dan və 2018-ci il yanvarın 8-ə qədər olan müddətdə rus turistlərin səfər edəcəkləri şəhərlər sırasında ilk sıranı Belarusun paytaxtı Minsk, ikinci sırada Bakı, üçüncü sırada isə Qazaxıstanın Almatı şəhəri tutur.

Elə Bakı sakinləri də Yeni ilə bir neçə saat qalmış şəhərin mərkəzində yaradılmış şəraitdən istifadə edib, əylənirlər. 

Kimisi şaxta baba və qar qızla şəkil çəkdirir, kimisi də uşaqlarını atraksionlara mindirib, şənlənir. Həmçinin Dənizkənarı Milli Park ərazisində xüsusi şənlik də qurulub. Orada isə şaxta baba və qar qız mahnılar oxuyaraq uşaqları şənləndirirlər.

Öyrəndik ki, Dünya Azərbaycanlılarının Həmrəyliyi Günü və Yeni il münasibətilə Dənizkənarı Milli Parkda bu axşam möhtəşəm atəşfəşanlıq da təşkil olunacaq.
Bakıdan fotoları təqdim edirik

Musavat.com
.
Bu gün Dünya azərbaycanlılarının Həmrəyliyi Günü və Yeni 2018-ci  il münasibətilə  Dənizkənarı Milli Parkda atəşfəşanlıq olacaq.
Asiya.info xəbər verir ki, tədbir Bakı Şəhər İcra Hakimiyyəti tərəfindən təşkil olunacaq.
Atəşfəşanlıq saat 24.00-da baş tutacaq. 
.
Bu gün – dekabrın 30-da Bakıda Azərbaycan Yoqa Federasiyasının istiqamətlər üzrə rəhbərlərinin toplantısı keçirilib. 
Oxu.Az xəbər verir ki, görülmüş işlər üzrə hesabat dinlənilib və fikir mübadiləsi aparılıb.
İclasda yoqanın Azərbaycanda populyarlaşmasında xidmətləri olan şəxslər, o cümlədən DTX rəhbəri Mədət Quliyev, olimpiya çempionu Elnur Məmmədli, yoqa üzrə beynəlxalq diplom sahibi, Yoqa Şiromani tituluna yiyələnmiş Elçin Quliyev və Azərbaycanda yoqanın digər təmsilçiləri iştirak ediblər. Heydər Əliyev Fondunun vitse-prezidenti Leyla Əliyeva Azərbaycan Yoqa Federasiyasının prezidenti seçilib.
Azərbaycan Gənclər və İdman Nazirliyi Yoqa Federasiyasının bugünkü iclası barədə məlumatlandırılıb. Leyla Əliyevanın Yoqa Federasiyasının prezidenti seçilməsi haqqında müvafiq hesabat nazirliyə göndərilib.
Xatırladaq ki, Heydər Əliyev Fondunun vitse-prezidenti Leyla Əliyeva Azərbaycanda yoqanın populyarlaşdırılması ilə fəal məşğul olur və tez-tez yoqanın təbliğinə həsr edilmiş tədbirlərdə iştirak edir. Belə ki, Leyla Əıliyeva 2017-ci il dekabrın 24-də Bakıda keçirilmiş yoqa üzrə master-klassda iştirak edib.
.
“Gilavar” hava və ekstrim idman klubunun üzvləri Cəbrayılzadə Fəridə Zəbiyulla qızının, Hüseynov Babur Vaqif oğlunun və Bünyatzadə Namin Nizami oğlunun axtarışları davam edir.
“Qafqazinfo” xəbər verir ki, Fövqəladə Hallar Nazirliyinin Aviasiya dəstəsinin “Mi-17” helikopteri, Şimal Regional Mərkəzinin axtarış-xilasetmə qrupu, Xüsusi Riskli Xilasetmə Xidmətinin dağ-xilasetmə dəstəsi, xüsusi təlim keçmiş itlər və peşəkar alpinistlərdən ibarət könüllü dəstə axtarışlarda iştirak edir.
Alpinistlərin axtarışları ilə bağlı Əməliyyat Qərarqahından bildiriblər ki, bu gündən Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) xüsusi təyinatlı avadanlıqla təchiz edilmiş mütəxəssisləri də axtarışlara qoşulublar.
Əlavə məlumat veriləcək.
 
.
Xəbər verdiyimiz kimi, ötən həftənin sonunda Şahyayalaq, Mahmuddərə marşrutu üzrə hərəkət edər 3 alpinistimiz yoxa çıxıb.

Asiya.info “Qafqazinfo”ya istinadən xəbər verir ki, yoxa çıxan alpinistlər Babur Hüseynov, Namin Bünyatov və Fəridə Cəbrayılzadədir.

“Qafqazinfo” həmin alpinistlər barədə araşdırma aparıb. Məlum olub ki, bu ilin fevral ayında alpinist Namin Bünyatov iki nəfər həmkarı ilə bərabər “Elbrus” zirvəsini fəth edib.

 

Fəridə Cəbrayılzadə isə həm də fotoqrafdır. O , Ötən il “Atlas Travel” təşkil etdiyi “Qış nağılı” fotomüsabiqəsində birinci yerə çıxıb.

 

Babur Hüseynov isə ötən il dekabr ayında Şahdağ massivində yerləşən “İlham” zirvəsinə (4042m) dostları ilə birgə yürüş edib. Həmin komanda 4 nəfərdən ibarət olub. Namin Bünyatov da yürüşdə iştirak edib. Şaxtalı hava şəraitinə baxmayaraq onlar zirvəyə çıxmağı bacarıblar.

 

10:24

***

“Gilavar” - hava və ekstrim idman klubunun itkin düşmüş üzvlərindən olan Babur Hüseynov Daxili İşlər Nazirliyinin (DİN) əməkdaşıdır.

Bu barədə “Report”a klubdakı mənbə məlumat verib.

B.Hüseynovun polis leytenantı olduğu bildirilir.

Xatırladaq ki, dekabrın 26-da Quba rayonunun Xınalıq kəndindən Tufandağı istiqamətində yürüşə çıxmış “Gilavar” - hava və ekstrim idman klubunun 3 üzvü geri qayıtmayıb və onlarla əlaqə kəsilib.

Axtarışlar DSX, FHN, Ekologiya və təbii Sərvətlər Nazirliyi,i və FAİREX üzvlərindən ibarət komanda tərəfindən həyata keçirilir. Axtarışlara helikopterlər də cəlb olunub.

.
Bu gün Azərbaycan prezidenti İlham Əliyev öz doğum gününü qeyd edir.
Prezidentin ailəsi özəl gününü sosial media üzərindən təbrik ediblər.
Bacısı Sevil Əliyeva ailəvi şəkillərini paylaşaraq belə yazıb:
Leyla Əliyeva da “Doğum gününüz mübarək, əziz Prezidentimiz” başlığı ilə İlham Əliyevin doğum günü ilə bağlı çıxış etdiyi videoları paylaşıb.

 

Heydər Əliyev isə atasının fotolarını paylaşaraq özəl gününə münasibət bildirib.

A24.Az

Xəbər lenti