.

YPG terrorçularından təşkil olunan Suriya Demokratik Güclərinin (SDG) rəhbərliyində təmsil olunan Mustafa Bali ABŞ liderliyində yaradılan anti-İŞİD koalisiyasının sözçüsü, polkovnik Klyes Kagginslə görüşüb.

Teleqraf.com türk mediasına istinadən xəbər verir ki, SDG adından açıqlama verən Mustafa Bali görüşün Hasekedə baş tutduğunu bildirib.

Polkovnik Klyes Kaggins SDG rəhbərləri ilə İŞİD-lə mübarizə məsələlərinin müzakirə olundu]unu deyib.

O, özünün Tvitter hesabında kürdcə etdiyi paylaşımda “İŞİD-in yatan hücrələrinin ortadan qaldırılması üçün atdığımız ortaq addımları Mustafa Bali və SDG-nın sözçüsü ilə müzakirə etmək qürur vericidir” ifadələrini işlədib.

Amerikalı polkovnikin SDG terrorçularla görüşü kritik bir tarixə təsadüf edir. Sabah Türkiyə Prezidenti Ərdoğanın ABŞ səfəri başlayır.
Asiya.info

.

“Əminəm ki, qısa zaman kəsiyində üçrəngli bayrağımız işğal olunmuş bütün torpaqlarımızda dalğalanacaq...”

Ardını oxu...

.

.


ABŞ prezidenti Donald Tramp və Türkiyə prezidenti Rəcəb Tayyib Ərdoğan arasında telefon danışığı olub.

Bu barədə Donald Tramp «Twitter» səhifəsində bildirib.

«Türkiyə prezidenti Ərdoğanla çox yaxşı telefon söhbətimiz oldu. O, münaqişə zamanı qaçdığı bildirilən çox sayda İŞİD döyüşçüsünü, o cümlədən terrorçu qatil əl-Bağdadinin həyat yoldaşı və bacısının ələ keçirilməsi barədə məlumat verdi. Biz, həmçinin Suriya və Türkiyə sərhədi, terrorizmin aradan qaldırılması, kürdlərlə düşmənçiliyin sona çatması və digər məsələlər barədə danışdıq. Gələn çərşənbə günü, 13 noyabrda prezident Ərdoğanı Ağ Evdə görməyi səbirsizliklə gözləyirik», — deyə ABŞ prezidenti bildirib.(APA)
Asiya.info

.

Azərbaycan Prezideni İlham Əliyevin rəsmi «Facebook» səhifəsində Dövlət Bayrağı Günü münasibətilə videoçarx paylaşılıb.


Paylaşımda deyilir:

«Bayrağımız mübarizə əzmimiz, zəfər sorağımız, istiqlaliyyət salnaməmizdir!».

.

Azərbaycan Respublikasının Dövlət Sərhəd Xidmətinin rəisi gene­ral-polkovnik Elçin Quliyev və Azər­baycan Respublikası Baş prokurorunun müavini – Azərbaycan Respublikasının Hərbi prokuroru ədliyyə general-leytenantı Xanlar Vəliyev Dövlət Sərhəd Xidmətinin Sərhəd Qo­şun­ları­nın Ermənistanla dövlət sər­hə­dinin mühafizə və müda­fiəsini həyata keçirən “Qazax” əlahiddə sərhəd diviziyasının hərbi hissə və bölmələ­rinə səfər ediblər.

Bu barədə Asiya.info-ya Dövlət Sərhəd Xidmətindən məlumat verilib.

Səfər çərçivəsində əlahiddə sərhəd diviziyasının struktur qurum­larının xidməti-döyüş fəaliyyəti yoxlanılıb, sərhəd döyüş mən­təqələ­rində şəxsi heyətlə görüşülüb, xidməti və yaşayış şərait­lə­rinə baxış keçirilib.

Azərbaycan Respublikasının Prezidenti Si­lah­lı Qüvvələrin Ali Baş Komandanı cənab İlham Əliyevin tap­şırıqlarının icra və­ziy­yəti, dövlət sər­hədində zəruri sərhəd mühafizə və müdafiə infra­struk­tu­runun yara­dıl­ması məqsədilə görü­lən işlərlə tanış olunub, hərbi hissə və bölmələrin döyüş hazırlığının yük­səldilməsi, dövlət sər­hədi­nin toxunul­mazlığının və şəxsi heyətin təh­lükə­siz­liyinin təmin edil­məsi, hərbi qulluqçular arasında hərbi intizamın möhkəmlən­diril­məsi, hü­quqi maarifləndirmənin gücləndirilməsi istiqamətin­də zəruri tapşı­rıqlar verilib.

Qeyd edək ki, Dövlət Sərhəd Xidmətinin əsgəri Babək Vəli oğlu Aslanov Qazax istiqamətində şəhid olub və ötən gün doğulduğu Xaçmaz rayonunun Mollabürhan kəndində dəfn olunub.

.

Baş prokuror yanında Korrupsiyaya qarşı Mübarizə Baş İdarəsinin rəis müavini vəzifəsinə təyinat olub.

Asiya.info-nun Oxu.Az-a istinadən məlumatına görə, bununla bağlı müvafiq əmri Baş prokuror Zakir Qaralov imzalayıb.

Əmrə əsasən, bu vəzifəyə Mürsəliyev Emin Ramiz oğlu təyinat alıb.

E.Mürsəliyev bundan əvvəl İdarənin Əməliyyat İdarəsinin rəisi işləyib.

Qeyd edək ki, bundan əvvəl bu vəzifəni qısa müddət Fuad Rəsulov yerinə yetirib.

Xatırladaq ki, uzun illər Baş prokuror yanında Korrupsiyaya qarşı Mübarizə Baş İdarəsinin rəis müavini vəzifəsində Əli Nağıyev çalışıb.

Prezident İlham Əliyevin 20 iyun tarixli sərəncamı ilə Ə.Nağıyev Dövlət Təhlükəsizliyi Xidmətinin rəisi təyin olunub.

.

Səbirsizliklə gözlənilən sərəncam verilib.

Belə ki,ölkə başçısının sərəncamı ilə Samir Rafiq oğlu Nuriyev Azərbaycan Respublikası Prezidentinin Administrasiyasının rəhbəri təyin olunub.Məlumat üçün qeyd edək ki,Samir Nuriyev bundan öncə Azərbaycan Respublikası Prezidentinin 21 aprel 2018-ci il-ci il tarixli Sərəncamı ilə Azərbaycan Respublikası Dövlət Şəhərsalma və Arxitektura Komitəsinin sədri vəzifəsini icra edirdi.
Asiya.info
.

“Azəriqaz” İstehsalat Birliyində kadr dəyişikliyi olub.

 Azərbaycan Respublikası Dövlət Neft Şirkətinin (SOCAR) prezidenti Rövnəq Abdullayevin sərəncamı ilə “Azəriqaz”ın baş direktoru Əkbər Hacıyev vəzifəsindən azad edilib. Digər sərəncamla onun yerinə “Azəriqaz” İstehsalat Birliyinin baş direktorunun müavini Ruslan Əliyev gətirilib.

Yeni baş direktor Modern.az-a özəl açıqlamasında təyinatı təsdiqləyib.

R.Əliyev ona göstərilən etimadı doğruldacağını deyib:

“Bəli, məlumat doğrudur. Təbrik edən hər kəsə təşəkkür edirəm. Böyük etimaddır. Bu etimadı doğrultmaq üçün əlimdən gələni əsirgəməyəcəm”.
Asiya.info

.

 

Türkiyənin Ankara şəhərində Azərbaycan Respublikasının Prezidenti yanında Qeyri Hökumət Təşkilatlarına Dövlət Dəstəyi Şurasının maliyyə dəstəyi və "Müstəqil Araşdırmaçı Jurnalistlər Liqası” İctimai Birliyinin təşkilatçılığı ilə “Dağlıq Qarabağın azərbaycanlı sakinlərinin taleyi və doğma yurduna geri dönmə mübarizəsi beynəlxalq kontekstdə. Dağlıq Qarabağ Bölgəsinin Azərbaycanlı İcmasının fəaliyyəti və perspektivlərinin təbliği“ layihəsi çərçivəsində tədbir  təşkil edilmişdir.

Asiya.info xəbər verir ki,tədbirdə AVİM (Avrasiya İncelemeler Merkezi)-in əməkdaşları, Ankara Universitetinin tələbələri, təşkilatın üzvləri, QHT sədri və başqaları iştirak ediblər.

Açılış mərasimində öncə Türkiyə və Azərbaycanın Dövlət himni səsləndirilib. Daha sonra tədbiri giriş sözü ilə açan "Müstəqil Araşdırmaçı Jurnalistlər Liqası” İctimai Birliyinin sədri Qafar Mehdiyev (Çaxmaqlı) layihə haqqında ümumi məlumat verib. Birliyin sədri Dağlıq Qarabağ Bölgəsinin Azərbaycanlı İcmasının beynəlxalq sahədə təbliğinin nəinki Azərbaycan gəncinin, həm də türk gənclərinin öhdəsinə düşən vəzifə olduğunu qeyd edib və bu sahədə  gördüyü içlərdən danışıb. Tədbirdə eyni zamanda  layihə çərçivəsində iki dildə (azəri və ingilis) çap edilmiş “Dağlıq Qarabağda yaşayan azərbaycanlılar” adlı kitabçanı iştirakçılara təqdim edib. Tədbir iştirakçıları və çıxış edənlər təqdim olunan  kitabçanın mübarizədə effektiv metod olduğunu vurğulayaraq bu layihəyəyə dəstək verən qurumlara təşəkkür edib, uğurlar arzulayıblar.

Daha sonra tədbirə qatılan Türk tarixçisi Sərdar Kozaklımövzunun aktuallığına toxunaraq bildirib ki, Ermənistan dünyanın müxtəlif ölkələrində Türkiyə və Azərbaycana, millətimizə qarşı ideoloji təxribatları, ideoloji müharibəni davam etdirməkdədir. Bu təxribatların qarşısını almaq üçün son illər Azərbaycan dövləti qeyri-hökümət təşkilatlarına, dərnək və araşdırma mərkəzlərinə dəstək verməkdədir. O da eyni zamanda  Dağlıq Qarabağda yaşayan azərbaycanlılar” adlı kitabçanın əhəmiyyətindən danışmışdır.

Tədbirdə iştirak edən müxtəlif əhali qruplarından olan iştirakçıların çoxsaylı suallarına cavab verildi.

Qeyd edək ki, bu layihədə növbəti beynəlxalq tədbir Estoniyanın Tallin şəhərində  həyata keçiriləcək.

 

Xəbər lenti