.

Ermənilər işğal altında saxladıqları Azərbaycan ərazilərinə müxtəlif xarici ölkələrin nümayəndələrinin, siyasi dairələrdə təmsil olunan şəxslərinin qanunsuz səfərlərini təşkil etməkdə davam edirlər. Qondarma “Dağlıq Qarabağ Respublikası”na səfərə gələnlər sırasında Almaniya nümayəndələri də var.
Erməni mətbuatının yazdığına görə, qondarma “respublika”nın “Xalq yığıncağı” təşkilatının sədr müavini Vaqram Valayan Almaniyadan olan “Almaniya üçün alternativ” adlı qrupun nümayəndələrini qəbul etdiyinə dair məlumat yayıb. Bu şəxslərin Almaniyanın federal və regional parlamentinin nümayəndələri olduğu bildirilir. Görüşdə Ermənistanın Baş naziri Paşinyanın “Mənim addımım” fraksiyasının üzvləri də iştirak ediblər.
Məlumata görə, 26 may tarixində Avropa Parlamentində keçirilən seçkilərlə bağlı Valayan gələn qonaqları təbrik edib və onların yerli parlamentdə möhkəmlənməsini alqışlayıb.
Maraqlıdır ki, qondarma rejimin təmsilçisi ilə görüşdə Almaniya ilə qondarma rejim arasındakı əlaqələrin perspektivindən də danışılıb, bu əlaqələrin zəruriliyi barədə fikir bildirilib. Nümayəndə heyətində təmsil olunan Stefan Konen qeyd edib ki, bundan sonra da “Artsax”la (qondarma “respublika”) Almaniya arasındakı əlaqələrin möhkəmlənməsi istiqamətində fəaliyyət göstərəcəklər.
Qəribədir ki, bu şəxslərin qanunsuz olaraq bizim torpaqlara səfər etdikləri azmış kimi, onlar Xankəndidə Qarabağ müharibəsində ölən erməni əsgərlərinin xatirəsinə qoyulan abidəni də ziyarət ediblər.
Bütöv Azərbaycan Xalq Cəbhəsi Partiyasının sədr müavini, tanınmış QHT sədri, ictimai fəal Niyaməddin Orduxanlı “Moderator.az”a bildirdi ki, Almaniyadan qondarma “respublika”ya səfər edən qrupun sərgilədiyi mövqe tamamilə əsassızdır. N.Orduxanlının sözlərinə görə, bu şəxslər Almaniyadakı erməni lobbisinin təsiri altında olan adamlardır və bu səfərdə də həmin xətlə təmsil olunurlar. Hansısa bir qrupun səsləndirdiyi fikirlərin Almaniya dövlətinin mövqeyi olmadığına inandığını deyən N.Orduxanlının bildirdiyinə görə, Almaniya Azərbaycanın ərazi bütövlüyünü tanıyır. 
“Birincisi, bu səfər bütün diplomatik, demokratik qaydalara, prinsiplərə ziddir. Yəni Almaniya dövləti rəsmi olaraq Azərbaycanın ərazi bütövlüyünü tanıyır. Bu şəxslərin Dağlıq Qarabağa səfəri hər şeydən əvvəl öz dövlətlərinə hörmətsizlik kimi qəbul edilməlidir. Onu da qeyd edim ki, qondarma rejimin “müstəqilliyini” bu gün Ermənistanın özü belə tanımayıb. Dağlıq Qarabağ bütün dünyada Azərbaycan ərazisi olaraq tanınmaqda və qəbul edilməkdədir. Onların bu hərəkəti həmin şəxslərin özfəaliyyətidir, bu, siyasətçiyə yaraşmayan bir hərəkətdir. Bu şəxslərin səfərini, burada etdiyi çıxışları Almaniyanın mövqeyi kimi qəbul etmək olmaz. Bu şəxslər bu addımı atmaqla öz dövlətlərinin qanunlarını ayaq altına atırlar”.
N.Orduxanlı hesab edir ki, bununla belə, Azərbaycan dövləti Almaniya vətəndaşlarının Dağlıq Qarabağa qanunsuz səfərinə öz narazılığını bildirməli və bu barədə Almaniya dövlətinə etiraz edilməlidir. Həmin şəxslərin Azərbaycan üçün arzuolunmaz şəxs kimi elan edilməsinin də vacib olduğunu deyən N.Orduxanlının sözlərinə görə, o insanların mövcud hərəkətinə siyasi mənada qiymət verilməlidir. “Düşünürəm ki, Azərbaycanın Xarici İşlər Nazirliyi bu istiqamətdə işlər aparır. İnanıram ki, bu addımlar susqunluqla qarşılana bilməz. Onlara qarşı qanunlara uyğun addımlar atılmalıdır və atılar da. Qondarma rejimlə “Almaniya üçün alternativ” adlı qrupun hansısa sahədə əməkdaşlığının baş verəcəyi inandırıcı görünmür, bu mümkün olmayan bir məsələdir. Tanınmayan qondarma rejimin hansısa bir müstəqil siyasi davranışının olması mümkünsüzdür. Almaniyanın bu qrupunun erməni lobbisinin təsiri altında olması şübhə doğurmur. Həmin siyasətçilər erməni lobbisinin təsirinə düşüblər. Bu insanlar bizim ölkənin ərazisinə qanunsuz səfər ediblər. Bu halda da dünyanın tanımadığı “DQR”ə səfər təşkil edilib və bu səfər üçün Azərbaycandan viza alınmayıb. O insanlar dərhal öz layiqli cəzalarını almalıdırlar. İnanıram ki, o şəxslər bundan sonra Azərbaycana gəlmək şansını birdəfəlik itirəcəklər. Bu səfər erməni diasporunun planlaşdırdığı bir səfərdir. Onlar bununla rəy yaratmaq istəyirlər ki, dünyanın inkişaf etmiş ölkələrindən olan Almaniyadan da deputatlar qondarma rejimə səfər edirlər. Bu, ermənilərin marağına birbaşa xidmət edən məsələdir. Biz bu halı qətiyyətlə pisləyirik və hesab edirik ki, Azərbaycan bu qanunsuz səfərlə bağlı Almaniyanın ölkəmizdəki səfirliyinə nota təqdim etməli, etirazını bildirməlidir” - deyə N.Orduxanlı vurğuladı.

Şərh yaz


21 Sentyabr 2019 Rus ekspert: Ərdoğan doğru olanı etdi - Səudiyyə olayları
20 Sentyabr 2019 Türkiyədən ABŞ-a xəbərdarlıq: B planımız da var!
18 Sentyabr 2019 Millət vəkili: “Hara gedirik, bizdən uşaqpulunu soruşurlar”
17 Sentyabr 2019 Paşinyanın məsuliyyətsiz davranışı gərginliyi artırır - Nazir
13 Sentyabr 2019 Ərdoğan: "Terrorçuların tutulması üçün nə lazımsa ediləcək"
12 Sentyabr 2019 ABŞ-la danışıqların mənası yoxdur - Ruhani
11 Sentyabr 2019 Əli Kərimli tədbirə niyə çağırılmayıb? - Açıqlama
09 Sentyabr 2019 Dövlətin milli maraqlar hər şeydən üstün olmalıdır - Əli Həsənov
07 Sentyabr 2019 Sabah yağış yağacaq, külək əsəcək
07 Sentyabr 2019 Uşaq pulu bərpa olunacaq? - Əli Əhmədov açıqlama verdi
06 Sentyabr 2019 Türkiyədə "SOM-B2" qanadlı raketləri sinaqdan keçirilib
04 Sentyabr 2019 Əmlak Məsələləri Dövlət Komitəsindən "jurnalistlər binası -2"dəki kupça məsələsinə münasibət
03 Sentyabr 2019 Azərbaycan-Türkiyə birgə təlimlərinə helikopterlər də qoşuldu - FOTO/VİDEO
03 Sentyabr 2019 Yaxın Şərq qarışır: İranın aqibəti... - Ekspert
02 Sentyabr 2019 BMT İsrail və Livanı sülhə çağırır
30 Avqust 2019 "Relaks"da vergi yoxlamaları dayandı? - İcra hakimiyyətindən AÇIQLAMA
29 Avqust 2019 “Biz Rusiyaya elə-belə getmədik” - Ərdoğan
29 Avqust 2019 MiQ-29-un qalıqları necə tapıldı? - General danışdı
28 Avqust 2019 Azərbaycan XİN: Nikol Paşinyan hüquqi baxımdan savadsızdır və yalana əl atır
27 Avqust 2019 Rəsmi Bakıdan Mnatsakanyanın çıxışına sərt reaksiya: Vəziyyətin gərginləşməsini istəyirlər?!
27 Avqust 2019 Həftəsonu hava soyuyacaq, temperatur enəcək
24 Avqust 2019 BMT-dən ŞOK SƏNƏD - Dağlıq Qarabağ müstəqil respublika kimi təqdim olundu - FOTOFAKT
24 Avqust 2019 Putin İlham Əliyevi parada dəvət etdi
22 Avqust 2019 Əslində “Relax”da insdentə səbəb nə olub?- “Söyüş”
22 Avqust 2019 MN: MiQ-29-un qəzaya uğrama səbəbi müəyyən edilib: Təyyarə yad cisimlə toqquşub
21 Avqust 2019 Pilotumuz son mənzilə belə yola salındı
21 Avqust 2019 Tramp Rusiyanı “Böyük səkkizliyə” qaytarmaq istəyir
20 Avqust 2019 İtkin pilotumuz Rəşad Atakişiyevin nəşi TAPILDI
19 Avqust 2019 “Bu kimi xəbərlər gülüş doğurur” - Müdafiə Nazirliyi
15 Avqust 2019 Mehriban Əliyeva Vladimir Putinə məktub ünvanlayıb

Xəbər lenti