.
Ağ Ev təmas xətti boyu topların işə düşməsindən narahatdır, ancaq eyni zamanda separatçı bölgədə “seçkilərlə” bağlı ikili və prinsipsiz mövqe sərgiləyir; politoloq: “Hər şey Azərbaycanın xeyrinə inkişaf edir...”
 
Azərbaycan qoşunları ilə erməni işğalçı qüvvələri arasındakı təmas xəttində və Ermənistanla sərhəddə hərbi durum gərgin olaraq alır. Vəziyyətin kritikliyinə dəlalət edən amillərdən biri də hər iki tərəfdən ağır toplardan istifadə edilməsidir. Hələ ki atəşkəsin geniş miqyaslı pozulması halları permanent xarakter almasa da, düşmən tərəfin təxribatları da səngimir
Reallıq həm də ondan ibarətdir ki, son zamanlar cəbhə xəttində gərginliyin artması, hər iki tərəfin irimiqyaslı təlimlərə başlaması müharibənin bərpası ehtimallarını gücləndirib. Belə ehtimallar indi həm Ermənistan, həm Azərbaycan tərəfindən siyasi müşahidəçilər səviyyəsində səslənməkdədir.
***
Sözsüz ki, işğal altındakı Dağlıq Qarabağda sentyabrın 13-də nəzərdə tutulan növbəti qanunsuz “seçki” vəziyyəti bir qədər də ağırlaşdıracaq, “ocağa əlavə yağ tökmək” anlamına gələcək. Görünür, bunun fərqində olduqları üçün artıq həmsədr ölkələr, nüfuzlu beynəlxalq təşkilatlar öz mövqelərini tələm-tələsik ortaya qoyub, “seçkiləri” legitim saymadıqlarını bəyan ediblər. 
ABŞ da məsələyə mövqe bildirib. Belə ki, dünən Dövlət Departamentinin rəsmi nümayəndəsi Con Kirbi jurnalistlərlə ğörüşdə Dağlıq Qarabağ məsələsi ilə bağlı bəyanatla çıxış edib. Musavat.com-un xəbərinə görə, departament rəsmisi separatçı bölgədə sentyabrın 13-də nəzərdə tutulan qanunsuz seçkilərə münasibət açıqlayarkən deyib: “ABŞ konfliktin geniş miqyaslı həlli çərçivəsində Dağlıq Qarabağ əhalisinin öz gələcəyini müəyyən eləməsində rolunu tanıyır. Ancaq Birləşmiş Ştatlar Dağlıq Qarabağı suveren müstəqil dövlət kimi tanımadığı üçün ”13 sentyabr seçkiləri" adlandırılan seçkilərin regionun hüquqi statusuna təsir etdiyini qəbil eləmir".
Yada salaq ki, ABŞ Dağlıq Qarabağda bu ilin mayında keçirilmiş saxta “parlament seçkiləri” ilə bağlı da analoji, faktiki ikibaşlı bir mövqe ortaya qoymuşdu. İstənilən halda qondarma seçkilərin tanınmayacağı artıq dəqiqdir. Əfsus ki, artıq üçüncü on illiyə adlamış münaqişənin ədalətli və həmişəlik həlli üçün saxta seçkiləri tanımamaq kifayət deyil. Bundan ötrü ilk növbədə konflikti, onun iştirakçılarını - təcavüzə məruz qalanı və təcavüzkarı öz adı ilə çağırmaq, onlara öz adlarına müvafiq şəkildə də münasibət bəsləmək gərəkdir - ən azından, Ukrayna (Donbas, Krım) timsalındakı kimi.
***
Belə ədalətli, prinsipial yanaşma ləngidikcə heç şübhəsiz,  müharibə ehtimalı da aradan qalxmayacaq. Çünki Azərbaycan heç vaxt işğalın nəticələri ilə barışmayacaq. Təmas xəttindəki son eskalasiyanın mühüm səbəblərindən biri də məhz elə budur.
Yeri gəlmişkən, Dövlət Departamentinin rəsmisi Kirbi təmas xəttindəki son durumla da bağlı açıqlama yayaraq Birləşmiş Ştatların narahatlığını dilə gətirib. Sitat: “Ermənistan və Azərbaycan qüvvələrinin beynəlxalq sərhəd boyunca minaatanlardan, digər ağır artilleriyadan istifadə etməsi, nəticədə dinc sakinlərin ölümü və kəndlərə ziyan dəyməsi barədə etibarlı məlumatlar almışıq. Münaqişənin kəskinləşməsindən dərin narahatlıq hissi keçiririk, dinc sakinləri hədəfə alan istənilən hərbi hərəkəti pisləyirik. Belə zorakılığa dərhal son qoymağa, gərginliyin azaldılmasına və dinc sakinlər arasında itkidən qətiyyətlə qaçılmasına çağırırıq”. 
“Biz Ermənistan və Azərbaycan prezidentlərinə ATƏT-in Minsk Qrupu həmsədrləri ilə yaxından işləyərək Dağlıq Qarabağ münaqişəsinin danışıqlar yolu ilə həlli üçün öhdəliklər götürdüklərini xatırladırıq” - əlavə edib departament yetkilisi.
Yeni müharibə sarıdan nigarançılığı həmçinin amerikalı vasitəçi Ceyms Uorlik orijinal formada bəyan edib. Özünün twitter səhifəsində o, Qarabağ münaqişəsinin həll perspektivi ilə bağlı yazıb: “Məsələ ondadır ki, Azərbaycan və Ermənistanın öz cəsarətli Avraam Linkolnu varmı? Avraam Linkoln (ABŞ-ın 16-cı prezidenti-red.) siyasətdən yuxarı qalxaraq və tariximizdə yeni səhifə açaraq, bizi müharibədən sülhə gətirdi. Azərbaycan və Ermənistanın öz Avraam Linkolnu varmı ki, barışıq və sülh gətirsin? Region xalqları dinc yanaşı, təhlükəsizlikdə və rifahda yaşamağa hazırdımı”.  
İş də ondadır ki, Qarabağ məsələsi o məsələdən deyil ki, onun yoluna qoyulmasında linkolnlar lazım olsun. Problemin həlli üçün linkolnlar gərək deyil, beynəlxalq hüquq normalarını, BMT Təhlükəsizlik Şurasının, digər mötəbər beynəlxalq təşkilatların Qarabağa dair qətnamələrini yerinə yetirmək kifayətdir.
Bundan ötrü də yalnız ermənilərə bir Linkoln lazımdır ki, onların başına ağıl qoysun, işğalçılığın erməni xalqını hara apardığını ona anlatsın... 
*** 
Hələliksə, Azərbaycan istənilən vasitə ilə öz ərazilərini geri qaytarmaq hüququnu əlində saxlayır. Bu yöndə təbii ki, ən böyük imkanlar Rusiyanın əlindədir. Rusiya isə...
 
“Rusiya Dağlıq Qarabağ məsələsi istiqamətində vasitəçilik missiyasını gücləndirib. Hazırda bu fonda belə məlumatlar sızmaqdadır ki, Moskva yeddi rayonun Azərbaycana qaytarılması üçün İrəvana təzyiqlər göstərsə də, İrəvanın müqavimətini sonadək sındıra bilməyib”. Bu sözləri axar.az-a açıqlamasında politoloq Qabil Hüseynli deyib. 
Sabiq dövlət müşaviri qeyd edib ki, görünür, İrəvan məsələdə ciddi bazarlaşmaya, sövdələşməyə getmək istəyir: “Rusiyadan 200 milyon dollar kredit və əlavə kömək vədləri alması onu göstərir ki, yalandan da olsa, keçirdikləri təlimlərin əsas məqsədi heç də müharibə olacağı təqdirdə Azərbaycana qarşılıq verə biləcəkləri anlamına gəlmir. Hazırda Putinin Dağlıq Qarabağ probleminin həllinə dair yeni bir variant təklifində 7 rayonun geri qaytarılması başlıca yer tutur. Bu məqsədlə də ”biz heç nəyə razılıq verməmişik və döyüşə hazırıq" mesajları verilir. Sərkisyan çox yaxşı başa düşür ki, bir tərəfdən ölkəsi ağır vəziyyətdədir, digər tərəfdən isə Dağlıq Qarabağla bağlı danışıqlar Bakı və Moskva arasında daha da intensivdir. Ancaq Rusiyanın öz forpostunu Moskvaya dəvət edərək müəyyən təlimatlar verməsi Sərkisyanı sevindirmək əvəzinə, pis vəziyyətdə qoyub. Çünki onun hakimiyyətini uzatmağa çalışdığı anlar arxada qalacaq".
 Q. Hüseynli hazırda proseslərin Azərbaycanın xeyrinə inkişaf etdiyini bildirib: “Dağlıq Qarabağ fonunda mübarizə həm diplomatik sferaya daxil olub, həm də döyüş fazasına keçib. Hazırda vəziyyət elədir ki, ermənilərin əlindəki bütün imkanlar yavaş-yavaş sona çatır. Aydındır ki, sonadək müqavimət göstərə bilməyəcəklər. Hər şey sürətlə xeyrimizə inkişaf edir. Cəbhədə gərginliyin artması ermənilərin son müqavimət çırpıntılarıdır”.

/Musavat.com/

Şərh yaz


20 Avqust 2019 İtkin pilotumuz Rəşad Atakişiyevin nəşi TAPILDI
19 Avqust 2019 “Bu kimi xəbərlər gülüş doğurur” - Müdafiə Nazirliyi
15 Avqust 2019 Mehriban Əliyeva Vladimir Putinə məktub ünvanlayıb
13 Avqust 2019 Xəzərə düşən MİQ-29-un pilotunun qayınatası: "Xəbər almışıq, hadisə yerinə gedirik"
13 Avqust 2019 Nazir yeni tikilən hərbi hospitalda
13 Avqust 2019 İran xəbərdarlıq etdi – MÜHARİBƏ OLACAQ!
11 Avqust 2019 Gənc əsgərlərin andiçmə mərasimi olub
11 Avqust 2019 Güclü külək axşam saatlarınadək davam edəcək
09 Avqust 2019 Eldar Quliyev: “Kabinetdə oturan deputat, nazir camaatın etimadını qazana bilməz” - MÜSAHİBƏ
08 Avqust 2019 Ümumerməni oyunlarının baş sponsoru Rusiya holdinqi oldu...
08 Avqust 2019 “Biz torpaqlarımızı işğaldan azad etməliyik ki, “Paşolyan” kimilərin şouları qurtarsın...”
08 Avqust 2019 ABŞ-da ingilis qız, ardınca isə anası və iki bacısı
06 Avqust 2019 Paşinyanı “oynadan” nədir? - Təxribatçı çıxışın sirri
03 Avqust 2019 Gədəbəy rayonunun Şınıx bölgəsində asfalt örtüyü başa çatmaq üzrədir
03 Avqust 2019 Azərbaycanın Müdafiə naziri “Beynəlxalq Ordu Oyunları - 2019” yarışlarının açılış mərasimində iştirak edib
02 Avqust 2019 Nazirlik tərəfindən bu il 900 nəfərə yaxın əlilliyi olan şəxsin istirahəti təşkil edilib
01 Avqust 2019 İlham Əliyev növbəti müjdəni verdi
31 İyul 2019 Fransa Bakının çoxdan gözlədiyi qərarı verdi – Təhlil
30 İyul 2019 İki ölkə lideri İlham Əliyevə məktub ünvanladı
27 İyul 2019 İlham Əliyev perulu həmkarını təbrik etdi
26 İyul 2019 İlham Əliyev 2 sərəncam, 1 fərman imzaladı
25 İyul 2019 Müdafiə naziri hərbi təyyarənin qəzaya uğraması ilə əlaqədar yaradılan əməliyyat qərargahında olub
25 İyul 2019 Ali Baş Komandanın tapşırığı ilə hərbi hissələrin yoxlanılması davam edir - VIDEO
23 İyul 2019 Türkiyə Naxçıvanda ordu yerləşdirəcək - Safrastyan
22 İyul 2019 Prezident İlham Əliyev Misirin dövlət başçısını təbrik edib
20 İyul 2019 Belçikalıların Kralı Əlahəzrət Filipə
20 İyul 2019 FƏXRƏDDİN CƏBRAYILOVA YALNIZ “AYIB OLSUN” DEMƏK QALIR...
20 İyul 2019 İlham Əliyev Avropa Olimpiya Komitələrinin prezidentini qəbul edib - YENİLƏNİB
19 İyul 2019 İlham Əliyev səudiyyəli nazirlə görüşdü
18 İyul 2019 Zakir Həsənov İranın Azərbaycandakı səfiri ilə görüşdü

Xəbər lenti