.


Neftçala rayonunda piyadanın vurulması ilə nəticələnən yol-nəqliyyat hadisəsi baş verib.

“Report”un Aran bürosu xəbər verir ki, rayon sakini, 1953-cü il təvəllüdlü Nəbiyev Qulu Rəşid oğlu yolu keçmək istəyən zaman minik avtomobili onu vurub. Avtomobilin sürücüsü yaralını Neftçala Rayon Mərkəzi Xəstəxanasına çatdırıb.

Faktla bağlı araşdırma aparılır.

.

Bakıda iki nəfər dənizdə batıb.

Fövqəladə Hallar Nazirliyinin məlumatına görə, nazirliyin Böhran Vəziyyətlərində İdarəetmə Mərkəzinə Səbail rayonunda dənizdə, qeyri-çimərlik ərazidə iki nəfərin çimərkən batması barədə məlumat daxil olub.

Dərhal hadisə yerinə cəlb olunan Kiçikhəcmli Gəmilərə Nəzarət və Sularda Xilasetmə Dövlət Xidmətinin müvafiq xilasetmə qüvvələri batan şəxslərin meyitlərini sudan çıxararaq aidiyyəti üzrə təhvil veriblər.

 
.
Bakıda sürücü sükan arxasında ölüb.
Asiya.info APA-ya istinadən xəbər verir ki, hadisə bu gün Heydər Əliyev prospektində olub.
Hərəkətdə olan “QAZ 24” (Volqa) markalı minik avtomobilinin sürücüsü Bakı sakini Əliyev Vahab Samir oğlu həyatını itirib.
Faktla bağlı araşdırma aparılır.
.

Şirvan sakini çoxlu həb qəbul edərək dünyasını dəyişib.
Oxu.Az-ın bölgə müxbirinin məlumatına görə, Şirvan şəhəri, Xanlar küçəsində yaşayan 1990-cı il təvəllüdlü Gülməmmədli Rəfael Eyyub oğlu intihar məqsədilə çoxlu dərman qəbul edib.
Bundan xəbər tutan yaxınları dərhal onu Şirvan Şəhər Mərkəzi Xəstəxanasına çatdırıblar. Həkimlərin səylərinə baxmayaraq, R.Gülməmmədlinin həyatını xilas etmək mümkün olmayıb.
Faktla bağlı araşdırma aparılır.
.

Bu gün Qusar rayonunda ölümlə nəticələnən yol nəqliyyat hadisəsi baş verib. Hadisə Qusar-Həzrə yolunun 2-ci km-də qeydə alınıb. Qusar rayonu, Köhnə Xudat kənd sakini, 57 yaşlı Əlağa Məlikəhməd oğlu Ağakişiyevin idarə etdiyi motosikletlə Kürdəmir rayon sakini, 34 yaşlı Vasif  Osmanovun idarə etdiyi yük avtomobili toqquşub. Nəticədə motosikletin sürücüsü  hadisə yerində ölüb. 
Faktla bağlı araşdırmalar davam etdirilir. (apa)
.

Mingəçevirdə yanğın qeydə alınıb.
FHN-dən  verilən məlumata görə, Mingəçevir şəhərində beşmərtəbəli yaşayış binasının 3-cü mərtəbəsində ümumi sahəsi 57 m² olan 2 otaqlı mənzilin yanar konstruksiyaları 8 m² sahədə yanıb.
Evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
.

Bərdə rayonunun Mustafaağalı kəndində yaşayan Məmmədova Lalə Fəxrəddin qızı bədbəxt hadisə ilə üzləşib.

Ardını oxu...

.

Mingəçevirdə qardaşını bıçaqlayan şəxs saxlanılıb.
APA-nın Mingəçevir bürosunun verdiyi məlumata görə, ötən gecə 1997-ci il təvəllüdlü Məmmədov Mirzəli Elnur oğlu bıçaq xəsarəti ilə xəstəxanaya yerləşdirilib.
Polis əməkdaşlarının həyata keçirdiyi əməliyyat tədbirləri nəticəsində hadisənin M.Məmmədovun qardaşı tərəfindən bıçaqlandığı məlum olub. Hadisəni törətməkdə şübhəli bilinən 18 yaşlı Elmir saxlanılıb.
Faktla bağlı araşdırma aparılır.
.

Ağstafada yerli sakin ehtiyatsızlıqdan ağır xəsarət alıb.
Rayonun Yaradulla kənd sakini, 34 yaşlı Turxan Hüseynov taxıl sahəsində biçin zamanı kombaynın altında qalıb. O, ağır bədən xəsarətləri ilə xəstəxanaya yerləşdirilib.
Faktla bağlı araşdırma aparılır (Report).
.

Neftçala sakini odlu silahdan açılan atəş nəticəsində xəsarət alıb.
Hadisə rayonun Astanlı kəndində baş verib.
Kənd sakini, 1990-cı il təvəllüdlü Fərzəliyev Şəhrizad Nail oğlu sağ bud nahiyəsindən aldığı güllə yarası ilə Neftçala Rayon Mərkəzi Xəstəxanasına yerləşdirilib. Yaralının dediyinə görə, o, Məhəbbət adlı şəxs tərəfindən güllələnib.
Faktla bağlı araşdırma aparılır.(Report)

Xəbər lenti