.
Bu gün “Euro Fight” kikboksinq klubunun prezidenti Aydın Əhmədov 16-18 fevral 2018-ci il tarixlərində Azərbaycan Kikboksinq Federasiyasının təşkilatçılığı ilə "Narkomaniya və uşaq cinayətkarlığına qarşı" mübarizə adı altında keçirilən kikboksinq üzrə XXIV Respublika çempionatında medal qazanan idmançılarla görüşüb.


Klubun baş məşqçisi, dəfələrlə Dünya və Avropa çempionu olmuş “Ağ Canavar” ləqəbli Eduard Məmmədov yarış haqqında məlumat verərək idmançıların gələcək planlarından bəhs edib. O qeyd edib ki, XXIV Respublika çempionatında doğma komandasının idmançıları 5 qızıl, 1 gümüş və 1 bürünc medal qazanıblar. Eduard Məmmədov AKF-nin prezidenti, millət vəkili Adil Əliyevə, vitse prezident Güloğlan Cabbarova, klubun prezidenti Aydın Əhmədova onlara göstərdikləri diqqət və qayğıya görə təşəkkürünü bildirib və dünya standartlarına cavab verən avadanlıqlarla təmin olunmuş belə gözəl zalda görüşlərin, o cümlədən idmançıların fiziki hazırlıqlarının, məşqlərinin keçirilməsinə hər cür şərait yaradan Olimpiya Peşəkar Döyüş Klubunun rəhbərliyinə minnətdarlıq ifadə edib. “Euro Fight”-ın prezidenti Aydın Əhmədov Respublika çempionatında bir neçə ağır döyüş keçərək rəqibləri üzərində qalibiyyət qazanan kikboksçulara daha əzmlə çalışmağı, məşqlərdən yayınmamağı tövsüyə edərək gələcək yarışlarda uğurlar arzu edib. A.Əhmədov diqqətə çatdırıb ki, dünyada baş verən proseslər fonunda cənab Prezident İlham Əliyevin apardığı uğurlu daxili-xarici siyasət nəticəsində ölkəmizdəki sabitlik, inkişaf uşaqların, gənclərin gələcəyə inamını artırır, onları daha böyük işlər görməyə ruhlandırır: “İnanıram ki, bu gün burada iştirak edən çempionlarımız dünyanın ən mötəbər arenalarında himnimizi səsləndirəcək, Azərbaycanımızın adını daha yüksəklərə qaldırmağa müvəffəq olacaqlar”. Klubun direktoru Ruslan Quliyev də çempionlardan daha böyük qələbələr gözlədiyini, onlara inandığını söyləyib. Sonda idmançılara BF hədiyyə təqdim olunub, xatirə şəkli çəkdirilib.
Nuranə Abdullayeva
.
Avstriyanın Obervart şəhərində cüdo üzrə Avropa açıq çempionatına yekun vurulub.
Axar.az Azərbaycan Cüdo Federasiyasının saytına istinadən xəbər verir ki, millimiz yarışın ikinci günündə də medalsız qalmayıb.
90 kq çəki dərəcəsində mübarizə aparan Firudin Dadaşov beynəlxalq turnirin bürünc medalını qazanıb. Kanada, Avstriya, Rusiya və İtaliya cüdoçularına qalib gələn yığmamızın üzvü yalnız çempionatda birinci yeri tutan Yaponiya təmsilçisinə uduzub.
Beləliklə, Azərbaycan cüdoçuları Obervart turnirini 2 qızıl, 1 gümüş və 2 bürünc medalla başa vurublar. Dadaşova qədər Orxan Səfərov, Mehman Sadıqov "qızıl", Telman Vəliyev "gümüş", Vüqar Şirinli isə "bürünc"ə sahib olub.
Yekun nəticədə cüdo yığmamız medalların sayı və əyarına görə bütün ölkələri qabaqlayaraq, birinci yeri tutub.
.
Dağ xizəkçisi, Azərbaycanı bu günlərdə Cənubi Koreyanın Pxençxan şəhərində keçirilən Qış Olimpiya Oyunlarında təmsil edən yeganə idmançı, əslən avstriyalı Patrik Braxner bu gün ilk startına çıxmayıb.
Azerisport.az xəbər verir ki, bu gün Pxençxanda kişilər arasında qrand-slalom yarışları keçirilib. Təsnifat mərhələsində starta 110 idmançı çıxıb, lakin Braxnerin adı bunların arasında olmayıb.
Hələlik dağ xizəkçimizin starta niyə çıxmaması ilə bağlı rəsmi məlumat yoxdur.
Bundan sonra Braxnerin Olimpiadada çıxış etmək üçün daha bir şansı qalır. Növbəti yarışın təsnifat mərhələsi fevralın 22-də keçiriləcək.
.
Avropa Liqasında 1/16 final həyəcanı davam edib. Apasport.az saytının məlumatına görə, mərhələnin ilk oyunları çərçivəsində daha 15 görüş baş tutub.
 
İddialılardan "Arsenal" "Ostersund"u, "Milan" isə "Ludoqorets"i səfərdə darmadağın edib. Dortmund "Borussiya"sı öz meydanında "Atalanta" ilə üz-üzə gəlib Almanlar çətin qələbə qazanıblar. "Lion" - "Vilyarreal" matçında da meydan sahibləri seviniblər.
 
Cari mövsümdə “Qarabağ”ın Çempionlar Liqasında rəqibləri olmuş “Kopenhagen”lə “Atletiko”nun dueli də maraqlı olub. Madridlilər səfərdə qalib gəliblər. Ağdamtəmsilçisi danimarkalıları pley-offda mübarizədən kənarlaşdırmışdısa, ispaniyalılarla qrupda keçirdiyi hər iki görüşdə heç-heçəyə (0:0, 1:1) imza atmışdı.
 
Qeyd edək ki, bu mərhələnin bir görüşü fevralın 13-də keçirilib. "Srvena Zvezda" (Serbiya) - MOİK (Moskva, Rusiya) matçı qolsuz bərabərliklə nəticələnib.
 
 
Avropa Liqası
1/16 final mərhələsi, ilk oyunlar
 
15 fevral
"Astana" (Qazaxıstan) - "Sportinq" (Portuqaliya) - 1:3
Qollar: Tomasov, 7 - Fernandez, 47, Martins, 50, Dumbia, 56
 
"Borussiya" (Dortmund, Almaniya) - "Atalanta" (İtaliya) - 3:2
Qollar: Şürrle, 31, Batçuay, 65, 90+1 - İliçiç, 51, 56
 
"Ludoqorets" (Bolqarıstan) - "Milan" (İtaliya) - 0:3
Qollar: Kutron, 45, Rodrigez, 62, Borini, 90+2
 
"Marsel" (Fransa) - "Braqa" (Portuqaliya) - 3:0
Qollar: Cermeyn, 4, 69, Tauvin, 74
 
"Nitsa" (Fransa) - "Lokomotiv" (Rusiya) - 2:3
Qollar: Balotelli, 4, 28 - Fernandez, 45, 69, 77
 
"Ostersund" (İsveç) - "Arsenal" (İngiltərə) - 0:3
Qollar: Monreal, 13, Uellbek, 24, Məsut, 58
 
"Real Sosyedad" (İspaniya) - "Zalsburq" (Avstriya) - 2:2
Qollar: Odriozolo, 57, Yanuzay, 80 - Oyarzabal, 27 (avtoqol), Minamino, 90+4
 
"Spartak" (Moskva, Rusiya) - "Atletik" (İspaniya) - 1:3
Qollar: Adriano, 60 - Aduriz, 22, 39, Riko, 45+1
 
AEK (Yunanıstan) - "Dinamo" (Ukrayna) - 1:1
Qollar: Ajdareviç, 80 - Tsiqankov, 19
 
"Seltik" (Şotlandiya) - "Zenit" (Rusiya) - 1:0
Qol: Makqreqor, 78
 
"Kopenhagen" (Danimarka) - "Atletiko" (İspaniya) - 1:4
Qollar: Fişer, 15 - Nigez, 21, Qameyro, 27, Qrizman, 71, Vitolo, 77
 
"Styaua" (Rumıniya) - "Latsio" (İtaliya) - 1:0
Qol: Qnore, 29
 
"Lion" (Fransa) - "Vilyarreal" (İspaniya) - 3:1
Qollar: Ndombele, 46, Fekir, 49, Depay, 82 - Fornals, 63
 
"Napoli" (İtaliya) - "Leypziq" (Almaniya) - 1:3
Qollar: Ounas, 52 - Verner, 61, 90+3, Bruma, 74
 
"Partizan" (Serbiya) - "Viktoriya" (Çexiya) - 1:1
Qollar: Tavamba, 58 - Reznik, 81
.
Su polosu üzrə millimizin sabiq baş məşqçisi Azər Babayev saytımıza açıqlamasında yığma komandanın olmadığını demişdi: "Hazırda bizim əsas milli komandamız yoxdur. Milli komandanın İslam Oyunlarında pis iştirak etməsi, yaş hədlərinin də çox olmasına görə onlarla vidalaşmalı olduq”. 
Ancaq Su İdmanı Növləri Federasiyasında su polosu üzrə komanda olmasa da, A.Babayev həmin quruma məxsus Su İdman Sarayında fəaliyyətini davam etdirirdi. Ancaq bu açıqlaması ona baha başa gəlib. 
Unikal.org-un əldə etdiyi məlumata görə, A.Babayevin bu açıqlaması federasiyada qalmaqala səbəb olub. Belə ki, qurumdakıların fikirincə sabiq məşqçi sözügedən açıqlama ilə daxildəki sirri kənara ötürüb. Məlumatda bildirilir ki, bu səbəbdən onu qurumdan tamamilə uzaqlaşdırıblar. Aldığımız digər məlumata görə, su polosu üzrə milli komandada idmançı yoxdur. Səbəb isə bu idman növü üçün idmançı toplaya və xaricdən heç bir idmançı gətirə bilmədikləridir. 
Təbii ki, Su İdman Növləri Federasiyasında problem bununla bitmir. Üzgüçülük idman növündə ən böyük problemlərdən biri də təlim məşqlərin ancaq ölkə daxilində keçirilməsi və maaşların gecikdirilməsidir. Belə ki, üzgüçülərin bildirdiyinə görə, bəzi idmançılara maaş müəyyən olunub. Onlar bu il başlayandan maaaşlarını ala bilməyiblər. Təbii ki,ötən ildən də borclar qalıb. Ancaq qurum tərəfindən açıqlanıb ki, bu il ödəniləcək məvaciblər ötənilkinə nisbətən azaldılıb. Buna baxmayaraq federasiyadan pullarını ala  bilməyiblər. 
.
Fransanın paytaxtı Parisdə cüdo üzrə “Böyük Dəbilqə” yarışı keçirilib. 
Oxu.Az-ın məlumatına görə, beynəlxalq turnirdə 71 ölkədən 399 cüdoçu mübarizə aparıb.
Milli komandamız mötəbər çempionatda bir bürünc medal qazanıb. 
Qadın cüdoçumuz İrina Kindzerska (+78 kq) Paris turnirində 3-cü yeri tutub. 
ABŞ, Belarus və Fransa idmançılarına qalib gələn Azərbaycan cüdoçusu yalnız Yaponiya təmsilçisinə uduzaraq ölkəmizə bürünc medal qazandırıb.
.

Alpaqut Federasiyasının Prezidenti istefa verdi.

Asiya.info xəbər verir ki, Aqil Acalov mətbuata açıqlamasında bildirib: "Azərbaycan Alpaqut Federasiyasının prezidenti kimi artıq bir neçə ildir ki, Turan döyüş sənətinin ölkəmizdə və dünyada tanınması, inkişafı uğrunda yorulmadan səy göstərirəm. Vətənpərvərliyi təbliğ edən, gənclərimizə milli ruh aşılayan bu idman növünün inkişafına çalışmaqla dövlətçiliyimizə sadiq bir vətəndaş kimi idman sahəsinə öz töhfələrimi verməyə çalışmışam. Müharibə şəraitində olan bir ölkənin vətəndaşı kimi qədim döyüş sənətimizin təbliğinin necə prioritet olduğunu görərək bir federasiya prezidenti kimi əlimdən gələni əsirgəməmişəm. Lakin artıq digər sahələrdə apardığım işlərin, ictimai fəaliyyətimin çoxluğu səbəbindən federasiya ilə bağlı məsələlərə vaxt ayırmaqda çətinlik çəkirəm. Vaxt imkanlarımın məhdudluğunu nəzərə alaraq, Alpaqut Federasiyasındakı vəzifəmi aktiv gənclərimizə həvalə etmək qərarına gəldim. Əminəm ki, vəzifəmi təhvil alan şəxs də milli döyüş sənətimizin inkişafı üçün layiqli şəkildə fəaliyyət göstərəcəkdir. Bu illər ərzində öz köməklərini əsirgəməyən, daim mənə dəstək olan hörmətli dövlət xadimlərimizə, ictimai xadimlərə, idman sahəsini təmsil edən dostlarımıza, media mənsublarına, hər bir vətəndaşımıza minnətdarlığımı bildirirəm. Sizlərin sayəsində, sizlərlə çiyin-çiyinə çox uğurlu işlərə imza atdıq. Bu uğurların bundan sonra da davam edəcəyinə inanıram".

Nuranə Abdullayeva

 
.
Cənubi Koreyanın Pxençxan şəhərində XXIII Qış Olimpiya Oyunları start götürüb. “Qafqazinfo” xəbər verir ki, oyunlarda 92 ölkə iştirak edəcək. 
102 dəst medal uğrunda 2902 idmançı yarışacaq. 
Azərbaycan isə yarışda 1 idmançı ilə təsmil olunacaq. Belə ki, milliləşdirilmiş avstriyalı Patrik Braxner həm bayraqdarımız olacaq, həm də medal qazanmağa çalışacaq. Bu onun ölkəmiz adına ikinci Qış Olimpiya Oyunlarıdır. Braxner dağ xizək idmanında (slalom və nəhəng slalom üzrə) nəyə qadir olduğunu nümayiş etdirəcək.
.
Moik idman karate KYOKUSHİN Federasiyasının Prezidenti  Akif İsgəndərov karateçilərlə görüş keçirib.

Yanvarın 3-də Moik idman karate  KYOKUSHİN federasiyasının idmançıları Mərdəkanda yerləşən şağan olimpia kompleksində Moik idman karate  KYOKUSHİN federasiyasının prezidenti  Akif isgəndərov ilə  görüşüb.
Asiya.info bildirir ki, görüşdə idmançılarımız öz güclərini nümayiş etdirib. Həmçinin Adil Heydərli 2-ci dan, Abbasov İlqar 1-ci dan, İmanov Yaşar 1-ci dan, Abbasov Abbas 1-ci dan, Nəzərov Rəşad 1-ci dan,  İnşallah Camalov 3-cü dan qara kəmər ustası adına layiq görülmüş idmançılarımız da iştirak ediblər.
Asiya.info








.
Sabah bütün Avropanın diqqəti İsveçrənin Lozanna şəhərinə yönələcək. Apasport.az saytının məlumatına görə, burada UEFA-nın yeni layihəsi olan Millətlər Liqasının ilk mövsümünün püşkatma mərasimi keçiriləcək.
 
Quruma üzv olan 55 ölkənin millisi 2018/19 mövsümünün qalibi adı uğrunda mübarizədə rəqiblərini tanıyacaq. Püşkatma mərasimi Bakı vaxtı ilə saat 15:00-da başlayacaq.
 
Yığmaların UEFA reytinqinə görə yarış iştirakçıları 4 liqada qüvvəsini sınayacaq. A liqasında yer alan ən güclü 12 komanda kubok və medallar üçün “döyüşəcək”. B liqasında 12, C liqasında 15, D liqasında 16 yığma mübarizə aparacaq.
 
Bütün liqalarda komandalar 4 qrupa bölünəcək. A liqasında qrup qalibləri mükafatlar uğrunda yarımfinal və finalda oynamaq imkanı qazanacaq. Digər liqaların qrup birinciləri isə 2020/21 mövsümündə daha yüksək dəstədə çıxış etmək imkanına yiyələnəcək. A, B və C liqalarında qrup sonuncuları növbəti mövsümdə aşağı dəstədə qüvvəsini sınamalı olacaq.
 
Qrup mərhələsinin nəticələri təkcə liqalar arasında yuxarı-aşağı hərəkət etmək üçün önəmli deyil. AVRO-2020-nin seçmə mərhələsinin püşkatması zamanı yığmaların səbətlərə bölünməsi məhz Millətlər Liqasının nəticələrinə görə gerçəkləşəcək.
 
Bundan başqa, hər liqadan 1 komanda AVRO-2020-nin final mərhələsinə yüksələcək. Seçmə mərhələdə vəsiqə qazanmayanlar arasında öz qrupunda ən yaxşı olanlar 2020-ci ilin martında pley-offa xoşbəxtlər sırasına düşmək üçün döyüşəcək.
 
Reytinqə görə UEFA-nın 40-cı komandası olan Azərbaycan yığması D liqasında yer alıb. Millimiz ən zəif 16 komanda sırasında 1-cidi.
 
2018-ci ilin sentyabr-noyabr aylarında baş tutacaq qrup mərhələsinin iştirakçıları püşkdən öncə səbətlərə bölünüb. Qurban Qurbanovun baş məşqçisi olduğu yığmamız D liqasının 1-ci səbətində qərarlaşıb.
 
A liqası
I səbət
Almaniya, Portuqaliya, Belçika, İspaniya
II səbət
Fransa, İngiltərə, İsveçrə, İtaliya
III səbət
Polşa, İslandiya, Xorvatiya, Hollandiya
 
B liqası
I səbət
Avstriya, Uels, Rusiya, Slovakiya
II səbət
İsveç, Ukrayna, İrlandiya, Bosniya və Herseqovina
III səbət
Şimali İrlandiya, Danimarka, Çexiya, Türkiyə
 
C liqası
I səbət
Macarıstan, Rumıniya, Şotlandiya, Sloveniya
II səbət
Yunanıstan, Serbiya, Almaniya, Norveç
III səbət
Monteneqro, İsrail, Bolqarıstan, Finlandiya
IV səbət
Kipr, Estoniya, Litva
 
D liqası
I səbət
Azərbaycan, Makedoniya, Belarus, Gürcüstan
II səbət
Ermənistan, Latviya, Farer adaları, Lüksemburq
III səbət   
Qazaxıstan, Moldova, Lixtenşteyn, Malta
IV səbət
Andoora, Kosovo, San Marino, Cəbəllütariq
 
Sabah keçiriləcək püşkatmada iki cütlük eyni qrupda yer ala bilməz. Ölkələr arasında münasibətləri nəzərə alan UEFA B liqasında Rusiya və Ukrayna, D liqasında Azərbaycanla Ermənistanı ayrı qruplara salacaq. Lakin pley-offda oynamalı olacaqları halda bu rəqiblərin də dueli qaçılmaz olacaq.
 
Yeni turnirdə yeniliklər edən UEFA yığmaların uzaq məsafə qət etmələrinin də məhdudlaşdırıb. C liqasında Norveç, Finlandiya, Estoniya və Litva “dördlüy”ündən yalnız ikisi eyni qrupa düşə bilər. Yığmamızın yer aldığı D qrupunda isə 4 cüt uzaq məsafəli sayılıb. Bunlar Azərbaycan/Cəbəllütariq, Qazaxıstan/Cəbəllütariq, Qazaxıstan/Andorra və Qazaxıstan/Farer adaları cütləridi.
 
UEFA bu 4 cütdən yalnız birinin eyni qrupda olmasına icazə verəcək. Bir sözlə, yığmamız Cəbəllütariqlə yalnız o halda eyni qrupda olacaq ki, Qazaxıstan başqa “dördlüy”ə düşsün.
 
Artıq oyunların keçirilmə tarixləri də bəllidi. Qrup oyunları 2018, final mərhələsi 2019, pley-off 2020-ci ildə baş tutacaq.
 
Qrup mərhələsi
I tur – 6-8 sentyabr 2018
II tur – 9-11 sentyabr 2018
III tur – 11-13 oktyabr 2018
IV tur – 14-16 oktyabr 2018
V tur – 15-17 noyabr 2018
VI tur – 18-20 noyabr 2018
Final mərhələsinin püşkü – dekabr 2018
Final mərhələsi – 5-9 iyun 2019
Pley-offun püşkü – 22 noyabr 2019
Pley-off – 26-31 mart 2020

Xəbər lenti