.



Moskvada iki azərbaycanlı boksçunun iştirak etdiyi "boks gecəsi" keçirilib.

Ardını oxu...

.


31 Dekabr – Dünya Azərbaycanlılarının Həmrəyliyi günü və Yeni il münasibətilə  Tovuz  rayon idman idarəsi tərəfindən yarış təşkil olunub. Yarış yeniyetmələr və uşaqlar arasında keçirilib.

Ardını oxu...

.



“Qarabağ”ın ilk qış transferi braziliyalı Reynaldo Azərbaycana qayıdışından sonra ilk müsahibəsini təqdim edirik

– Kluba qayıdışınız necə baş tutdu? Qazaxıstanın “Aktobe” klubu ilə müqavilənizi məhz “Qarabağ”a görə pozdunuz?

– “Aktobe” ilə müqaviləmi pozmadım. Müqaviləm bir illik idi, müddəti bitdi. Bildiyiniz kimi, mən müqaviləmin bitməyinə yaxın Bakıya gəlmişdim. Baş məşqçi Qurban Qurbanovdan komandaya qayıtmağa şərait yaratmağı, yenidən mənə şans verməyi xahiş etdim.

 

Qurban müəllim mənə belə şans veriləcəyini bildirdi. Həmin vaxt “Aktobe” də mənə müqavilə müddətini uzatmaq barədə müraciət etməmişdi. Ona görə də problemsiz şəkildə yenidən “Qarabağ”a qayıtdım.

– İndiki Reynaldo əvvəl gördüyümüz Reynaldodan nə ilə fərqlənir? Çatışmazlıqların aradan qaldırması üçün nə qədər zamana ehtiyacınız var?

– İndi daha yetkinləşmişəm, düşüncə tərzim dəyişib. O vaxt bir çox səhvlərə yol verdiyimi bilirəm. İndi daha fərqli düşünürəm. Danışmaq yox, bunu meydanda göstərmək lazımdır. Söz verirəm ki, əvvəlki formamı qaytarıb komandama yenidən kömək edəcəyəm.

Çempionatın başlanmasına bir aydan bir qədər artıq vaxt alıb. Ona görə də əvvəlki formama qayıtmağım üçün vaxtım olacaq. Düşünürəm ki, budəfəki qayıdışım əvvəlki kimi faydalı olacaq və komandama kömək edə biləcəyəm.

– “Qarabağ”ın avrokubok matçlarını izləyirdinizmi?

– Təbii ki, “Qarabağ”ın bütün avrokubok oyunlarına baxmağa çalışırdım. İkili hisslər yaşayırdım. Həm qürur duyurdum, həm də kədərlənirdim. Məyus olurdum ona görə ki, bu komandanın tərkibində deyiləm. Çünki “Qarabağ”a ilk gəldiyim vaxtda qarşımıza məqsəd qoyulmuşdu ki, qruplarda oynayaq, Çempionlar Liqasına düşək.

“Qarabağ”ı Çempionlar Liqasında görəndə fəxrlə oyunlarını izləyirdim. Həmin vaxt komandada olmağı çox istərdim. Artıq hər şey keçmişdə qalıb. Keçmişlə yaşamaq olmaz. Qarşıda Avropa Liqası və Çempionlar Liqasına düşmək imkanlarımız olacaq. Mən də bu istəyimizi reallaşdırmaq üçün əlimdən gələni edəcəyəm.

– Azərbaycanda ən çox nə üçün darıxmışdınız?

– Ən çox darıxdığım şey insanların mənə qarşı münasibəti, göstərdikləri isti davranışları idi. Bir neçə gündür ki, Bakıdayam. İnsanlar küçədə məni görəndə onların da sevindiyini görürəm. Mən də çox sevincliyəm. “Qarabağ”a qayıtmağımla bağlı saysız-hesabsız mesajlar alıram. Bu da məni sevindirməyə bilməz. İndi oyunlar zamanı bu sevginin qarşılığını vermək mənim vəzifəmdir. Onların etimadını doğrultmağa çalışacağam.

– Qurban Qurbanov intizamsız davranışlarınız, əyləncəyə meyilli olmağınızla bağlı sizinlə danışacağınızı bildirmişdi. Oldumu belə söhbət?

– Təbii ki, oldu. Əslində, bu söhbətə hazır idim. Əvvəldən bilirdim ki, söhbətimiz hansı mövzuda olacaq. Yenə deyirəm ki, əvvəlki “Qarabağ” karyeramın son vaxtlarında səhvlərə yol verdiyimi qəbul edirəm. İndi məşqçinin dediklərini həm məşqdə, həm də oyunda yerinə yetirməliyəm. Çalışacağam ki, daha fərqli davranışım olsun.

– Qış çempionu “Neftçi” oldu. Bu komanda ilə çempionluq mübarizəsi haqda nə deyə bilərsiniz?

– Razıyam ki, bu mövsüm “Neftçi” yaxşı heyətə malikdir, yaxşı kollektivə sahibdir. Bu mövsüm çempion olmaq bizə çətin olacaq. Amma məncə, bizim də yaxşı heyətimiz mövcuddur. Artıq 5-6 ildir ki, yalnız çempionluq uğrunda mübarizə aparırıq. Bu dəfə bu yoldakı mübarizəmiz çətin alınacaq.

Nəzərə alaq ki, komandamız ilk dövrədə avrokubok matçlarına görə çempionata tam köklənə bilmirdi. Amma yanvardan etibarən daha fərqli çempionata şahidlik edəcəyimizi düşünürəm. Əlimizdən gələni edəcəyik ki, müsbət nəticə qazanaq və yenidən çempion olaq.

– “Qarabağ”la 2,5 illik müqavilə bağlamısınız. Müqavilənizin sonunda 32 yaşınız olacaq. Ən yaxşı karyeranızı bu klubda keçirdiyinizi nəzərə alsaq, futbola da burada son qoymağı düşünmüsünüzmü?

– Elə mənim istəyim də karyeramı “Qarabağ”da bitirməklə bağlıdır. Bunu çox istərdim. Sizin də qeyd etdiyiniz kimi, karyeramın ən gözəl çağları “Qarabağ”da olub. Karyeramın sonunadək yenidən ən xoşbəxt anlarımı yaşamaq istəyirəm. Klub rəhbərliyinə, baş məşqçiyə mənə yenidən şans verdiklərinə görə təşəkkürümü bildirirəm. Ümid edirəm ki, hər şey yaxşı alınacaq.
Oxu.Az

.


Futbol üzrə Azərbaycan millisinin baş məşqçisi Qurban Qurbanov istefa verib.

Ardını oxu...

.


Serbiyanın Novi Sad şəhərində sambo üzrə tələbələr arasında keçirilən dünya çempionatında idmançımız üçüncü yeri tutub.

Ardını oxu...

.

Azərbaycanın daha 5 idmançısı dopinq-testdən keçə bilmədikləri üçün cəzalandırılıb.
 

Ardını oxu...

.


Rumıniyanın paytaxtı Buxarestdə 23 yaşadək güləşçilərin dünya çempionatı sona yaxınlaşır.

Ardını oxu...

.

 

Futbol üzrə Azərbaycan milli komandası bu gün UEFA Millətlər Liqasında növbəti oyununa çıxacaq. “Qafqazinfo” xəbər verir ki, Qurban Qurbanovun rəhbərlik etdiyi kollektiv Farer adaları yığmasını qəbul edəcək. Bakı Olimpiya Stadionunda keçiriləcək matç saat 21:00-da start götürəcək.

Millimiz bu yarışın pley-off mərhələsinə yüksələmək və AŞ-2020-yə vəsiqə qazanmaq şansını saxlamaq üçün yer aldığı qrupda birinci yeri tutmalıdı. Bu baxımdan son iki görüş həlledici xarakter daşıyır.

Qrup mərhələsində mübarizəyə Bakıda Kosovo ilə qolsuz heç-heçə etməklə başlayan yığma, Malta ilə hər iki dueldən 1:1 hesablı bərabərliklə ayrılıb. Əvəzində komanda Farer adalarını səfərdə 3 cavabsız qolla üstələməyi bacarıb.

Farer adalarına gəlincə, skandinaviyalılar ilk qarşılaşmada Maltanı 3:1 hesabı ilə məğlub etsələr də, ardınca Kosovoya 2, Azərbaycana isə 3 cavabsız qolla uduzublar. Son turda Kosovo ilə evdə 1:1-lik bərabərə qalan farerlilər 4 xalla 3-cü sıradadılar.

Bu gün millimizin yer aldığı qrupun digər oyununda Malta Kosovonu qəbul edəcək.

UEFA Millətlər Liqası
D Liqası, 3-cü qrup
17 noyabr

21:00. Azərbaycan - Farer adaları 
Hakimlər: Dimitrios Masias, Marios Kalogiru, İoannis Lazaru, Omiros Tsiortsis, Vasilis Dimitriu, Lukas Sotiryu (hamısı Kipr). 
Bakı Olimpiya Stadionu.

21:00. Malta - Kosovo

Kosovo – 8, Azərbaycan – 6, Farer adaları – 4, Malta – 2.

***

Komandalar meydana aşağıdakı tərkibdə çıxacaqlar:

Azərbaycan: 1. Kamran Ağayev, 4. Pavel Paşayev, 5. Maksim Medvedev, 6. Bədavi Hüseynov, 21. Təmkin Xəlilzadə, 2. Qara Qarayev,  7. Araz Abdullayev, 13. Dmitri Nazarov,  17. Mahir Mədətov, 20. Riçard Almeyda, 16. Rüfat Dadaşov

Ehtiyat oyunçular: 12. Emil Balayev, 23. Səlahat Ağayev, 3. Ürfan Abbasov, 8. Emin Mahmudov, 9. Mirabdulla Abbasov, 14. Rahid Əmirquliyev, 15. Cavid İmamverdiyev, 18. Şəhriyar Əliyev, 19. Rahil Məmmədov, 22. Əfran İsmayılov, 10. Ruslan Qurbanov, 11. Ramil Şeydayev

Farer adaları: 1. Qunnar Nilsen, 3. Vilyormur Davidsen, 4. Atli Qreqersen, 5. Raqnar Nattestad, 6. Hallur Hansson, 8. Brandur Hendriksson, 9. Gilli Rolantsson, 10. Solvi Vatnhamar, 15. Odmar Faero, 19. Roqvi Baldvinsson, 21. Klamint Olsen

Ehtiyat oyunçular: 12. Teitur Gestsson, 23. Kristian Yoensen, 2. Maqnus Eqilsson, 7. Kay Bartalstovu, 11. Heyni Vatnsdal, 13. Arni Frederiksberq, 14. Meynhard Olsen, 17. Qunnar Vatnhamar, 18. Yoqvan Rua Davidsen, 20. Yoannes Byartalid, 22. Yakup Tomsen

***

Matç başladı.

***

Dmitri Nazarov 18-ci dəqiqədə hesabı açdı. Azərbaycan 1:0 hesabı ilə öndədir.

***

Mahir Mədətov 28-ci dəqiqədə hesabı 2:0 etdi.

***

Birinci hissə başa çatdı.

Fotolar: Pərvin Zeynal

.



Bayrağımızı Polşada yarışda yüksəltdik

Asiya.info bildirir ki, Polşa Respublikasının Polsk şəhərində 8-10 noyabr tarixlərində qaydasız döyüş MMA üzrə cıxış edən Daxili Qoşunların 2 zabiti 75 kq çəki dərəcəsində Aydın Həşimov və 85 kq çəki dərəcəsində İlqar Nəcəfli qızıl medala layiq görülüb.
 

"9 NOYABR- DÖVLƏT BAYRAĞI GÜNÜ"NDƏ AZƏRBAYCAN BAYRAĞI POLŞADA  YÜKSƏLDİ
"9 NOYABR- DÖVLƏT BAYRAĞI GÜNÜ"NDƏ AZƏRBAYCAN BAYRAĞI POLŞADA  YÜKSƏLDİ
"9 NOYABR- DÖVLƏT BAYRAĞI GÜNÜ"NDƏ AZƏRBAYCAN BAYRAĞI POLŞADA  YÜKSƏLDİ
"9 NOYABR- DÖVLƏT BAYRAĞI GÜNÜ"NDƏ AZƏRBAYCAN BAYRAĞI POLŞADA  YÜKSƏLDİ

 

.



Ukrayna Respublikasının Kiyev şəhərində  Avropa Kyokşin Karate Çempionatl keçirilib.

Ardını oxu...

Xəbər lenti