.
Dünyada izlənilən tendensiyaya görə, bazarlarda neftin qiyməti ucuzlaşanda yanacaq, o cümlədən benzin ucuzlaşır. 
Yaxud əksinə, neft bahalaşanda, benzin də bahalaşır. Amma nə hacətdirsə, Azərbaycandakı yanacaqdoldurma məntəqələrində satılan benzinin qiymətinə nə manatın dəyər qazanması, nə neftin bahalaşması, nə də ucuzlaşması təsir edir. Bir sözlə, yanacaq qiymətlərində təsir əks təsirə bərabər olur.
Hazırda milli valyutanın – manatın məzənnəsinin sabitliyi və neftin qiymətinin 50 dollar səviyyəsində qərarlaşması benzinin ucuzlaşması üçün zəmin yaradır...
Maraqlıdır ki, dünya bazarında “qara qızıl” bahalaşanda Azərbaycanın müvafiq qurumları buna adekvat operativ reaksiya verir və benzinin də qiymətini qaldırırlar. Əsas səbəb kimi də yüksək oktanlı benzinin bir hissəsinin xaricdən alınması göstərilir.
Dünya bazarında neftin qiyməti ucuzlaşanda isə buna müvafiq olaraq benzinin qiyməti ucuzlaşmır. Həm də diqqətçəkən məqam, hətta qiyməti tənzimlənən malların, müxtəlif məntəqələrdə cüzi də olsa fərqli satılmasıdır ki, bu hal yanacaq qiymətlərində müşahidə olunmur.
Hazırda Azərbaycanın bütün yanacaqdoldurma məntəqələrində “SUPER” markalı benzinin qiyməti 1,20 manat, “Aİ-95 Premium”un qiyməti 1,15 manat, “Aİ-92” markalı benzinin qiyməti 70 qəpikdir. Yəni, heç bir yanacaqdoldurma məntəqəsi benzini 1 qəpik baha, yaxud ucuz satmır, ya da sata bilmir...
Neft Araşdırmaları Mərkəzinin rəhbəri İlham Şaban deyib ki, məsələ ətrafında yaranmış sualları hökumət cavablandırmalıdır:
“2014-cü il 1 aprel tarixindən yüksək oktanlı yanacağın qiyməti dövlət tərəfindən tənzimlənmir. Aidiyyəti qurumlar, heç olmasa, bircə dəfə maraqlanıbmı ki, niyə “Aİ-95 Premium” Bakı şəhərindən Böyük Kəsiyə qədər olan yanacaqdoldurma məntəqələrinin hamısında eyni qiymətədir.
Axı onun qiyməti dövlət tərəfindən tənzimlənmir?.. Əgər kimsə kapitalizmin əsaslarını oxuyubsa, bunun “Kartel sazişi” olmasını anlayır”.
“Qonşu ölkələrə baxın...”
Ekspert fərqi izah etmək üçün qonşu ölkələri misal gətirir:
“Ən azından qonşu ölkələrə - İrana, Gürcüstana, Rusiya təcrübəsinə baxmaq lazımdır. Bu ölkələrin hamısında yanacağın qiyməti mənətəqələrə görə dəyişir. 
Buna uyğun olaraq Azərbaycanda da heç olmasa, bir-iki yanacaqdoldurma məntəqəsindəki qiymətlər fərqlənməli idi. Ölkəmizdə 700-ə yaxın yanacaqdoldurma məntəqəsi var. Onlar cavab verməlidir ki, niyə “Aİ-95 Premium”un qiymətini 1 qəpik ucuzlaşdırmır, yaxud bahalaşdırmır?
Cavabları budur:
“Müştəri itirmək istəmirik”. Onda 1 qəpik ucuz satın. Ona da getmirsiniz axı... Mənə maraqlıdır, antimonopol qurumların işi nədən ibarətdir? Yalnız ətin qiymətinə nəzarət etmək? Axı ət də təxminən hər yerdə eyni qiymətə ya 10 manat 50 qəpiyə, ya da 11 manata satılır. Bakıda da, Şəkidə də, Gəncədə də eynidir. Əslində, bütün bunlar göstərir ki, bizdə sosializmdir, heç bir kapitalist münasibətləri formalaşmayıb”.
“Tənzimlənən qiyməti dəyişmək olmaz”
Milli Məclisin İqtisadi siyasət, sənaye və sahibkarlıq komitəsinin üzvü Vahid Əhmədov məsələ ilə bağlı deyib ki, bu, sual doğuran məsələdir:
“Burada bölgələrə görə qiymət yoxdur. Məsələn, Bakıda da, hansısa bölgədə də yanacağın qiyməti eynidir. Çünki Azərbaycanda yanacağın qiyməti tənzimləndiyindən hər yerdə eynidir.
Buna heç kim toxuna bilməz. Hökumətin qərarına qarşı çıxmaq olmaz”.
 
Submit to DiggSubmit to FacebookSubmit to Google PlusSubmit to StumbleuponSubmit to TechnoratiSubmit to TwitterSubmit to LinkedIn

Şərh yaz


06 Dekabr 2017 Ətlik heyvanların gömrük rüsumu qalxıb? - Açıqlama
02 Dekabr 2017 ABŞ "bitcoin" fyuçersləri ilə ticarətə razılıq verib
29 Noyabr 2017 Azərbaycandan növbəti ixrac missiyası Dubaya gedəcək
26 Noyabr 2017 Əfqanıstan, Türkmənistan, Azərbaycan, Gürcüstan və Türkiyə nəqliyyat dəhlizi yaradacaq
25 Noyabr 2017 Qızılın qiyməti yaxın 6 ayda 1 225 dollar/unsiyaya enəcək- "Societe Generale"
21 Noyabr 2017 Baş bankirdən açıqlama: Gələn il də...
20 Noyabr 2017 2018-ci ilin dövlət büdcəsi layihəsi müzakirəyə çıxarılır
19 Noyabr 2017 Benzinin bahalaşması avtomobil bazarına necə təsir edəcək? – ŞƏRH
18 Noyabr 2017 Benzinin qiyməti nəyə təsir edəcək? - Açıqlama
13 Noyabr 2017 Dünya birjalarında Neft bahalaşır
11 Noyabr 2017 İpoteka krediti ilə bağlı vacib qərar - Nazirlər Kabineti DƏYİŞİKLİK ETDİ
07 Noyabr 2017 “Neftin baza qiyməti 45 dollardan götürüləcək” - Nazir
06 Noyabr 2017 Şahzadələrin həbsi nefti BAHALAŞDIRDI: 27 ayın rekordu vuruldu
04 Noyabr 2017 Problemli kreditlər bank sistemini çökdürür
02 Noyabr 2017 Qızıl 3,5 dollar bahalaşıb
01 Noyabr 2017 “AzəriLayt”ın qiyməti 62 dolları keçdi
29 Oktyabr 2017 Naxçıvandan Türkiyəyə ixrac ediləcək 100 milyon dollar məbləğində məhsul rüsumdan azad edilib
24 Oktyabr 2017 Dollar cüzi bahalaşdı - Sabahkı məzənnə
23 Oktyabr 2017 Bu həftənin önəmli qlobal iqtisadi xəbərləri - TOP-5
22 Oktyabr 2017 Azərbaycan pambığının keyfiyyəti tələblərə cavab verir? — Ekspert rəyi
21 Oktyabr 2017 33 ton Azərbaycan pomidoru niyə geri qaytarıldı? – SƏBƏB
14 Oktyabr 2017 ABŞ-ın ən böyük Ticarət Missiyası Azərbaycana gəlir
13 Oktyabr 2017 Dünya birjalarında neft bahalaşdı
08 Oktyabr 2017 OPEK-in baş katibi Azərbaycan haqda: “Bizim üçün nümunədir”
06 Oktyabr 2017 Neftin qiyməti qalxır – Səbəb açıqlandı
30 Sentyabr 2017 “Neftin qiyməti 85 dollara qədər yüksələ bilər” - nikbin proqnozun arxasındakı əsas faktor
26 Sentyabr 2017 Neftdən rekord göstərici - 59 dollardan satılır
26 Sentyabr 2017 “Qazprom” Azərbaycanla bağlı qərarı oktyabrın 2-də verəcək
25 Sentyabr 2017 Qlobal maliyyə bazarlarında riskə meyllilik pik həddə çatıb
25 Sentyabr 2017 Mobil telefonların idxalı 2 dəfədən çox artıb

Xəbər lenti