.


Qazaxıstanın liman şəhəri olan Aktauda təyyarədən düşəndən sonra əvvəlki paytaxt “Alma-ataya hələ 3 saatdan çox təyyarə yolu var” düşüncəsi ilk baxışdaca bu ölkənin əzəmətini göstərir. Sözsüz bir ölkə üçün ərazinin bu qədər böyüklüyü ciddi üstünlükdür. Elə bu faktor regionda bir-biri ilə qarşılıqlı əlaqədə olan dövlətlər içərisində Qazaxıstanın strateji potensialına əhəmiyyətli təsir göstərən sistem elementlərinin ən böyüyüdür. Yeri gəlmişkən qeyd edək ki, ərazisinin böyüklüyünə  görə Qazaxıstan 197 ölkə arasında 9-cu yeri tutur.

Ardını oxu...

.



Qocalar evindən buz bağlamış  gənclik evimə... 

Ardını oxu...

.
Şəfayət Avılbəyli 

      Gəncədə nə baş verdi. İndi hamı bir ucdan bu hadisəni şərh edir,yaxud hadisənin fövqündə kimisə ittiham edir,birindən qəhrəman, o birindən düşmən obrazı yaradır. Əslində bizim vətəndaşlar məhz bu cür hadisələrə yanaşmasında bir “təbii”lik var. Çünki,informasiya məkanının bu qədər xaotik  bolluğunun nəticəsi belədə olmalıdır.

 

       Gəncə nə baş verir? Hamı yazır, biri o birinin yazdığını paylaşır, bir tərəfdən kopyalayır,eyni zamanda bilmədən,ya da bilərəkdən fikir bildir.Bir neçəsi isə terroçu üçün müdafiə  komitəsi yaradır. Bax! Bu ağır və təhlükəli məsələdir.Yapmayın..Bu adam kim?  Əlini-qolunu sallaya-sallaya gəlib,bir şəhərin merinə,onun mühafizəçisinə güllə atacaqsan,sənə müdafiə komitəsi yaradacaqlar..Yenə həmin dalğa,həmin “siyasi” gedişlər.Hadisə törənir,hadisə şərh edilir,terror həyata keçirmiş “şəxs” ətrafında qəhrəman obrazı yaradılır..sonra isə bu adamdan siyasi fiqur yaradırlar.Mənnən deməkdi,  siyasi məhbus siyahalarında Yunis Səfərovun adını görsəniz heç təccüblənməyin..

 

 

 Ümumiyyətlə Gəncə maraqlı şəhərdi. Burda nələr baş vermədi ki, 1993-ci il, “Zobik”  ləqəbli “adam” adamlarını vəzifəyə təyin etməyən Hacı Vaqifə güllə atdı. O zaman Gəncə hadisələri zamanı Prezident Qvardiyasının Komandanı Tahir Məmmədova güllə atdı.Bunlar Gəncədə baş verdi.

 Bu günlərdə isə  Gəncə şəhər İcara Hakimiyyətinin başçısı Elmar Vəliyevə atılan güllələrin səs-sədası maraqlı ünvanlardan gəlir.

Kimdir Yunis Səfərov?

 

Nədən bu adam tez bir zamanda Rusiya vətəndaşlığı ala bilir? Gəncədə polisi tərksilah edir? Sonra sərhədi əlini-qolunu salalaya-sallaya keçir və Gəncədə terror həyata keçirir? Və sonra nə baş verir? Keçmiş baş nazirimizin müavininin oğlu Aydın Abbasov bu adamı müdafiə etməyə başlayır..Və nəhayət millətimizin “vəkili” Fəzail Ağamalı bu məsələlərdə Elmara atılan gülələri dövlətə atılan güllə hesab etmir?
Ama bir tərəfdən bozqurçü,sonra cəbhəçi,sonra amipçi,indi isə ANA VƏTƏNÇİ olan millətimizin vəkilinə elə milli məclisdə atılan yumruğa görə nədən BANDİT ləqəbi verdirib sürgünə göndərdirdi.Bəli, banditi,terrorçunu öz adı ilə çağırmaq lazımdı Fəzail Ağamalı! Axı sizdə bu təhdidlər altında İDİNİZ...Sənə atılan yumruğun sahibi həbs olunmayana qədər.

Çox qəribə detallar açıqlanır Elmar Vəliyevin əleyhinə kompaniyaçılıq aparanlar deyir ki,guya Elmar Vəliyev aşura günüdə şərab festifalı keçirdib.Baxın radikal dindarlar məsələnin kökünü gətirib hara calayır. Halbuki həmin festifal tamam fərqli bir gündə keçirilib. Bir qrup jurnalistlərin Elmar müəllimlə görüşünü xatırlayıram.Səmimi ortamda mediaya tam açıq olan bu şəxs barədə hökm yürütmək Fəzail Ağamalı kimi deputatların köhnə adətidir.Elmar Vəliyev xurafatdan kənar dinimizə hörmət edən bir şəxs olduğunu hər kəs bilir. Bizimlə görüşündədə Gəncə kimi qədim şəhərimizə necə bağlı olduğunu nümayiş etdirdi.

Budur dövlət orqanları açıqladı..

Baş ProkurorluqDaxili İşlər Nazirliyi və Dövlət Təhlükəsizlik Xidməti Gəncə şəhər İcra Hakimiyyətinin başçısı Elmar Vəliyevin güllələnməsi faktı ilə bağlı növbəti açıqlama yayıb.

 

"Xəbər verildiyi kimi, 2018-ci il iyul ayının 3-də Gəncə şəhərində anadan olmuş Yunis Səfərov Gəncə Şəhər İcra Hakimiyyətinin başçısı Elmar Vəliyevə və Gəncə şəhər Baş Polis İdarəsinin əməkdaşı polis serjantı Qasım Aşbazova odlu silahdan atəş açaraq müxtəlif dərəcəli bədən xəsarətləri yetirib. Fakt üzrə başlanılmış cinayət işi üzrə həyata keçirilən istintaq hərəkətləri və əməliyyat-axtarış tədbirləri ilə müəyyən edilib ki, Rusiya Federasiyasının vətəndaşı olan Yunis Səfərovun törətdiyi bu cinayət məqsədyönlü şəkildə həyata keçirilən, əvvəlcədən planlaşdırılmış terror aktıdır. O, 2016-cı ildə İran İslam Respublikasına gedərək 8 ay Qum şəhərində yaşamış və bu müddət ərzində Azərbaycan vətəndaşı olan Rasim Əsədovla birgə Suriya Ərəb Respublikasının ərazisində olan silahlı birləşmələrin tərkibində döyüş təlimi keçib.

 

2017-ci ildə isə Azərbaycana qayıdaraq Gəncə şəhərinə gəlmiş, həmin ilin iyun ayında odlu silah əldə etmək üçün "Kapitalbank"ın Gəncə  filialında postda duran polis əməkdaşına hücum edib, başına küt alətlə xəsarət yetirərək "Makarov" markalı xidməti tapançasını ələ keçirib. Bundan sonra Gəncə Şəhər İcra Hakimiyyətinin başçısı Elmar Vəliyevi öldürmək məqsədilə 2018-ci ilin yanvar ayında Elmar Vəliyevi izləyib, şübhəli davranışı polis əməkdaşının diqqətini cəlb etdiyindən həmin tapançadan atəş açaraq onu yaralayıb hadisə yerindən qaçıb.

 

Cari il iyul ayının 3-də isə Gəncə şəhər İcra Hakimiyyətinin qarşısına gələrək, qeyd olunduğu kimi, Elmar Vəliyevi və onun yanında olan polis əməkdaşını qətlə yetirməyə cəhd edib.

 

Araşdırmalar göstərib ki, Yunis Səfərovun terror aktını törətməkdə əsas məqsədi Azərbaycanda şəriət qanunları ilə idarə olunan islam dövləti qurmaq, bunun üçün bir neçə tanınmış dövlət məmurunu öldürməklə respublikada ajiotaj, xaos, vahimə yaratmaq, nəticə etibarilə hakimiyyətin zorla ələ keçirilməsini təşkil etmək olub. O, bu məqsədini həyata keçirmək üçün "Müsəlman birliyi hərəkatı" adından Azərbaycan vətəndaşlarına videomüraciət də hazırlayıb, onu xarici ölkədə yaşayan məsləkdaşlarına göndərib və iyul ayının 3-də Gəncə şəhərində törətdiyi terror aktı baş tutacağı halda həmin müraciətin respublikada yayılmasını nəzərdə tutub. Videomüraciətdə Yunis Səfərov "Müsəlman birliyi hərəkatı"nın sədri Taleh Bağırzadənin üç körpəsini başsız qoyan şəxsi öldürmüşəm, bundan nümunə götürün. İslamın düşmənlərini öldürün, Azərbaycanda hakimiyyəti islam birliyi ələ almalıdır" deyərək, ölkə əhalisini respublikanın vəzifəli şəxslərinə qarşı silahlı mübarizəyə qalxmağa çağırış edib.

 

Həyata keçirilmiş istintaq-əməliyyat tədbirləri ilə Yunis Səfərovla birgə cinayətin hazırlanmasında iştirak edən mütəşəkkil cinayətkar dəstənin üzvlərindən daha 3 nəfər tutulub. Bu cinayətkar dəstənin digər üzvlərinin müəyyən edilib məsuliyyətə cəlb olunması üçün tədbirlər davam etdirilir. Eyni zamanda bildiririk ki, terror aktlarına, dövlətin konstitusiya quruluşunun zorla dəyişdirilməsinə çağırış edənlərə qarşı qanunla müəyyən edilmiş ən ciddi tədbirlər görüləcək. Müvafiq cinayət işi üzrə istintaqın gedişi haqqında əlavə məlumat veriləcək".

 

Məncə çox bəsit və sadə izahda məsələlər var.. Rəsmi orqanların bu məlumatından sonra Aydın Abbasov bir “Gəncə” li kimi  müdafiə etməyəcək?

 

 

 Məlumata görə bu adamın anası erməni əsilli, Rusiya da müəyyən dairələrə xidmət göstərən,eyni zamanda Gəncə şəhərində dini radikalizimi yaymaqla məşğul olan bir şəxsdir..Və bunun sübutu sosial şəbəkələrdən gələn statuslarda öz əksini tapır.Əgər bu adamın Elmar Vəliyevlə şəxsi ədavəti olsa idi,təbii ki, bunun əks-sədası çoxdan çıxmışdı. Əks tədqirdə qolundakı kips arasında gizlətdiyi silahla(belə metodlardan istifadə ancaq  terrorçulara xasdır ) gələrək –“Sizinlə işim var Elmar müəllim” deyərək ona yaxınlaşaraq atəş açması, hər şeyin planlı olmasına işarədir.Yox əgər Elmar bu adamı tanıyırdısa onu mühafizəçilərdən özünə tərəf niyə buraxmalı idi?

Bəli çox suallar var, Fəzail Ağamalı!-orqanlar bu barədə öz sözünü  dedi.

Ama sonuncu sözü əvvəlcə demək çox təhlükəlidir.Kimin kim olmasını hamı görür.Elmar Vəliyev əsl Türk,millətini sevən, təəsübünü çəkən dövlətinə,xalqına sadiq bir məmurdur.Və tezliklə sağlığına qovuşaraq öz vəzifəsinin icrasına dönəcək.

Kimin ermənilərlə Rusiyada bağlılığını hər kəs bilir,kimin ermənilərlə qohumluq əlaqələrinidə o cümlədən BİLƏNLƏR VAR..Bunu Abbas Abbasovun oğluda bilir.

   

.


Erməni baş nazir 8 mayda Şuşaya gəldi, “tarixi qələbə”lərini qeyd etdi. Bizdə elədik, ancaq ondan bir gün sonra ....Həmdə guya deyib ki, yaxşı ki, azərbaycanlılar biznən qonşudurlar, yəni 25 ildir ki, heç “zad” eləmirlər, sakitdirlər, üzü yoladırlar...yada eləməyə ...Hətta Şuşanın yeni kadrlarını da bizə göstərdi. Demək istədi ki, torpağa belə sahib olurlar.Yerazlar da bu tərəfdən  deyir ki, Paşinyan İcevan rayonunun Haqqıxlı kəndindəndir.Demək istiyirlər  ki, burda baş nazirin əməlli yerlililəri də var?
      
O vaxtlar yaylaqdan  azuqə üçün,yəni qənd, şəkər, un almaq üçün Krasnoselsk rayonuna (Çənbərək) gedərdik. Qadınlarımız (arvadlar) başında şal, ayaqlarında qaloş, qabaqlarında da eşşək , eşşəklərində üstündə üşaqları...Heç yadımdan çıxmaz orda unun kisəsi 15 manat 30 qəpiyə satılırdı. Bizdə bu qiymət 18 manat 50 qəpik olduğundan hamı o tərəfə üz tutardı. Arvadlar deyirdi ki, 3 manat ermənistanda un ucuzdu, bu 3 manta isə 1 cüt QALOŞ düşürdü. Qınamıyın, o zaman bizim qadınların ayağında qara,içi məxməri Qaloş görəndə deyirdilər ki, “krasnı”danmı almısan?! Hətta ermənilər bu qaloş istehsalını gücləndirmişdilər, çünki qaloşu da bizdən başqa alan yox idi. Mənimdə qaloşum var idi. Hər dəfə futboldan sonra təmizləyib yerinə qoyardım.
 
Ən qəribəsi isə o idi ki, qadınlarımız un kisəsinin üstündə yazılan “Vışıy sort” sözünə də inanmırdılar. Un kisəsinin ağzını açıb barmaqları ilə yoxlayırdılar ki, görək həqiqətənmi əla növdü. Ermənilər bizə baxıb gülürdülər. O zaman elə bilirdim bu gülüş, ora eşşəklə getdiyimizə görədir. Həmdə eşşəyin belində çox miskin görnüşümüz var idi.O üzdən elə fikirləşirdim. Sonralar anladım ki, ermənilər eşşəyə yox, sadacə bizim eşşəkliyimizə gülürlər. Çünki qadınlarımız un kisəsinin ağzını açıb, sonra özləri ilə apardıqları iynə-sapla tikirdilər.Bunun isə özəl tərəfləri var idi.İndi onu açıqlamayım..Bunu qadınlarımızdan biri eləsəydi dərd yarı idi.Təssüf ki, bu “adət” i hamsı edirdi.
Yadımdan çıxmaz erməni uşaqları velosipedlə gəlib univermağın qabağında bizim eşşəkllərə həsrətlə baxırdılar.Təbii ki, bizdə onalrın velosipedlərinə həsrətlə baxırdıq.Hətta fikirləşirdim ki, görəsən nə zamansa bizimdə velosipedimiz olacaqmı? Günlərin bir günü yenə eyni qayda ilə  un almağa gedəndə erməni dığası eşşəyi minmək üçün mənə 20 qəpik verdi, hətta çox mindiyinə görə bir təkəri  qırıq velosipedini mənə verdi.Sevincimin həddi hüdudu yox idi.Mən yaylağa velosipedlə qayıdırdım. Düzdü erməni dığasının eşşəyimizi minməyini nənəmə satmışdılar.O günü yaxşı kötək  yesəmdə təkərinin biri olmayan velosipedin başına o qədər uşaq yığışmışdı ki.. Maraqlı nə idi bilirsinizmi..Biz heç vaxt velosiped minməyi bacarmazdıq. Öz növbəsində erməni dığalarıda eşşək minməyi bacarmırdılar.Ama minməyə cəhd edirdilər.Eşşək bu erməni dığalarını nə qədər yerə çırpsada qalxıb yenidən minirdilər...Bax beləcə eşşək axırda bezib ermənini gəzdirməyə məcbur olurdu.Sadəcə pis başa düşməyin....?
Mənim nənəm 5 nömrə qaloş geyərdi. Heç vaxt ondan başqa ayaq geyiminin olduğunu görmədim. Sonralar, biz bir daha o tərəflərə gedə bilmədik.Nə ermənilər bizim eşşəyə mindi, nə də biz 15 manata un ala bildik. Ən acınacaqlısı o idi ki, sonralar arvadlar geyməyə QALOŞ tapa bilmirdilər.Çünki bizimkilər qaloş istehsal edə bilmirdilər.
Sonralar nə Arinbert, nə Sayut, nə Akdamar siqaretləri oldu.Məni sadəcə bir şey maraqlandırırdı.Nədən, biz erməni istehsalı olan hər şeyi almaq üçün ora gedərdik. Məgər bizdə siqaretmi,çaxırmı, limonadmı yox idi...Var idi özüdə mağazalarda çürüyürdü..Çünki keyfiyyət yox idi.
İndi bildim Paşinyan niyə bizlə qonşu olmaqdan məmnundur..
Şəfayət Avılbəyli
.
   Kimsəsiz

Penitensiar Xidmətin rəis müavini Hüseyn Əlixanovu bu qurumda yaxşı adam kimi tanıyırlar.Həmdə humanist adam kimi..Gəlki bu sistemdə humanistlik o qədərdə yaxşı nəticələrə gətirib çıxarmır.O üzdən general Əlixanovun başına gətirilənlər buna əyani sübutdur.

Bu adam tək bacısı oğlunu pul gələn istiqamətə işə qoya bilmişdi. O da "Qoca" və bir manısın gudazına getdi.İndi deyirlər ki,Əlixanov cənabları 65 yaşla əlaqədar vəzifədən "penitensiardan-pensiyaya" göndərilib. Baxanda “Pen” sözü ikisindədə var .Ama “siyarla siya“ nında fərqi çox imiş. Əlixanov bundan əvvəl bu quruma xeyli rəhbərliyi əvəz edib. Və deyilənə görə bu vəzifəyyə iddialı da olub.Çünki ətrafında cəmləşən “qohum-əqraba” da bu “izdivaca” dəstək verəcəkləri gözlənilirdi.Nədən bunun baş tutması isə hələdə sual doğurur.

  Bacıoğludan nədir çəkdiklərimiz?

Daha sonra Bakıda məhbusların qaçması faktı ilə bağlı Ədliyyə Nazirliyi Penitensiar Xidmətin 11 əməkdaşının işdən çıxarıldı. Məlum oldu ki, Bakı-Astara-Bakı qatarında xüsusi təyinatlı vaqonda məhbuslara nəzarət edən Penitensiar Xidmətin əməkdaşları — Elvin Namazov, İlkin Emilov, Vüsal Məmmədov, Tehran Musayev və adı hələ açıqlanmayan daha 4 nəfər işdən kənarlaşdırıldı. Və məhkəmə qərarı ilə qarovul rəisi Ceyhun Səmədov, qarovul rəisinin müavini Fuad Hacıyev və qarovul rəisinin digər müavini Tural Poladxanov da ədliyyə orqanlarından xaric edildi.

Bunlara səbəb isə o idi ki, Bakı-Astara-Bakı qatarında xüsusi təyinatlı vaqonla paytaxtda Bakıya gətirilən məhbuslar “Qoca” ləqəbli Əli Ağami və Etibar Məmmədov vaqondan qaçmışdı.

 İndi biri yazır ki,bu adam yaşla bağlı təqaüdə göndərilib. O biri isə yazır ki, bu dezinformasiyadı General təqaüdə getməyib...HƏTTA. Ya getsə nə olasıdı,getməsə nə olasıdır?

Bu sistemdə hər şey baş verdi.Bir vaxtlar türmədən çıxan Lamiyəni ulduz kimi qarşılayan televiziya kanallarımız,sonra avtoritet  üçün min hoqqa çıxardan Fədayə Laçınsız ..ın əməlləri film kimi yani...Nələr gəldi nələr getdi.Mən deyim ki,əslində bu adam xəcalətdən getdi bu sistemdən.Ama yaxşı adam deyirdilər...

 

.


Dünya inkişaf edərkən, yaxşı və pis olan nə varsa  bərabər inkişaf edir. Dünyanın inkişaf etməsi önəmlidir.

Ardını oxu...

.

Azərbaycanla Türkiyənin növbəti dəfə qardaşlıq sevgisini nümayiş etdirməsi üçün gözəl fürsət yarandı. Varmı dünyada bu qədər birlik, bu qədər vətən sevdalıları, qardaşlıq bağlılıqları. Əlbəttə ki, iki qardaş ölkənin müttəfiqliyinin dünyada ikinci nümunəsini tapmaq çətindir. Bunun üçün ən gözəl fürsət Afrin Zəfər Festivalının birlikdə qeyd edilməsi oldu.
Bildiyiniz kimi Rəcəb Tayyib Ərdoğanın rəhbərliyi ilə Türkiyə dövlətinin, millətinin təhlükəsizliyi naminə Suriyanın Afrin bölgəsində terrorçulara qarşı TSQ-nin başladığı əməliyyat uğurla başa çatıb. Azərbaycandan da  bu əməliyyatlar yaxından izləndi, ictimai-xalq dəstəyi verildi. Türkiyəmizin uğuruna bərabər sevindik. Elə bu sevinci birlikdə bölüşmək və Afrin zəfərini qeyd etmək üçün  Martın 28-də Bakıda “Okuklu Holdinq” İdarə Heyətinin sədri Yılmaz Okuklunun təşəbbüsü ilə “Hanlı Pazar” Ticarət Mərkəzində “Bayrağını al gəl! Türkiyəni sevən gəlsin!” şüarları altında Afrin Zəfər Festivalı keçirilib.
Bu festival qürurverici və tədqirəlayiq idi. Ona görə ki, azyaşlıdan tutmuş böyüklərə qədər, sadə vətəndaşlardan tutmuş iş adamlarına qədər hamı bir nəfər kimi xoşbəxt görünürdü, hər kəsin dilində eyni sözlər səslənirdi. Türkiyə Cümhuriyyətinin qurucusu Atatürkün “Azərbaycanın sevinci sevincimiz, kədəri kədərimizdir”, Azərbaycan xalqının ümummilli lideri Heydər Əliyevin “Biz bir millət – iki dövlətik” ifadəsi tədbir iştirakçılarının əsas devizinə çevrilmişdi.

"Türk əsgərinə eşq olsun!”, "Bir bədəndə iki can, Türkiyə Azərbaycan!” –bu ifadələri "Mehmetciyə salam olsun” layihəmin çəkilişinə başlayanda orta məktəb şagirdlərinin dilindən eşidərkən necə böyük Türk sevdalılarının, böyük bir vətənpərvər ordusunun yetişdiyinə bir daha əmin oldum. (Mehmetciyə salam olsun Videoçarxımızı buradan izləyin)
Gözlərində sevinc, qəlblərində inam hissi olan məktəblilər elə Hanlı Pazara da coşğuyla "Türkiyə Azərbaycan bayraqlarını dalğalandıraraq gəldilər. 
Mehmetciyə məktublarında onlara inandığını, tezliklə qələbə sevincini alacaqlarına inandıqlarını yazan şagird və tələbələr yanılmadılar- O böyük gün gəldi  və Afrin Zəfər Festivalında əsgər düzülüşü ilə tədbir iştirakçılarını qarşıladılar, Mehmetyciyə salam göndərdilər.



Afrin  zəfəri həm də bizim zəfərimizdir, tarixdəki azsaylı qələbə günlərimizdən biridir
 
İş adamı, "Okuklu Holdinq” İdarə Heyətinin sədri Yılmaz Okukluya bu gözəl və gərəkli festivalı  məhz Bakıda təşkil etdiyinə görə təşəkkür edirik. İnanırıq ki  dəstəyimizdən Türkiyə əsgərləri və xalqı da qürur hissi keçirdi.
 
Asiya Fakt İnformasiya Agentliyinin Etibarlı Əllərlayihəsinə müsahibəsi zamanı Yılmaz Okuklunun söylədiyi kimi "Türkiyənin bölgədə qazanacağı zəfər sabah Qarabağdakı qələbəmiz olacaq!"
İnanırıq ki tezliklə Qarabağ  öz əsl sahibiblərinə azərbaycanlılara qaytarılacaq və növbəti zəfər festivalı Qarabağ zəfər festivalı olacaq
 
Vüsalə Qələndərli
Asiya.info


Bakıda Afrin Zəfər Festivalı keçirilib
Bakıda Afrin Zəfər Festivalı keçirilib
Bakıda Afrin Zəfər Festivalı keçirilib
Bakıda Afrin Zəfər Festivalı keçirilib
Bakıda Afrin Zəfər Festivalı keçirilib
Bakıda Afrin Zəfər Festivalı keçirilib

Bakıda Afrin Zəfər Festivalı keçirilib
Bakıda Afrin Zəfər Festivalı keçirilib
Bakıda Afrin Zəfər Festivalı keçirilib
Bakıda Afrin Zəfər Festivalı keçirilib
Bakıda Afrin Zəfər Festivalı keçirilib
Bakıda Afrin Zəfər Festivalı keçirilib
Bakıda Afrin Zəfər Festivalı keçirilib
Bakıda Afrin Zəfər Festivalı keçirilib
Bakıda Afrin Zəfər Festivalı keçirilib
Bakıda Afrin Zəfər Festivalı keçirilib
Bakıda Afrin Zəfər Festivalı keçirilib
Bakıda Afrin Zəfər Festivalı keçirilib


.

İnsan komediyası..


Qərbi Avropa realizminin zirvəsi hesab edilən Onore de Balzak  yazdığı əsərlərin hamsına bir ad verib verib - İnsan komediyası. O, bütün bu epopeyada sadəcə Faransız həyatının bütün sahələrini 143 kitabda əks etdirməyi bacarsada bu əsər həm də cəmi bəşərin görnüşünü özündə ehtiva edir. Doğrudan da böyük yazıçının cəmiyyətə və dünyada baş verən proseslərə komediya kimi baxması sözün əsl mənasında DAHİLİK IDİ.


         
Məsələn, “Polkovnik Şaber” əsərində Fransa hökuməti böyük sərkədəsinin döyüşdə qəhrəmancasına həlak olduğuna görə abidə ucaldır. Lakin 1-ci dünya müharibəsində itkin düşən Şaber illərdən sonar səfil gündə vətəninə qayıdır və deyir ki, mən polkovnik Şaberəm. Hamı onu məsxərəyə qoyur,  heç kəs inanmır.Hətta milli qəhramanın adını aşağıladığına görə tutub Şaberi dəli kimi türməyə salırlar.Küçələrdə heykəlləri ucalan Şaber türmədə özünü isbat edə bilmir ki, bilmir..Türmədə işgəncələrə məruz qalan sərkərdə -ona sən kimsən? sualını ünvanlayanlara artıq: 
-Mən 416-yam- deyirmiş.Yəni məhbus nömrəsini..
Doğrudan da dahi Balzak gündəlik həyatımız və bu yaşamın sadəcə bir adını qoymasının nə qədər dərin fəlsəfəsi varmış-İnsan komediyası..
Təbii ki,bizim ədəbi simalarımızda, müasirliyi baxımından heç də Balzakdan geri qalmayaraq bir çox əsərlər yaradıblar. H.Cavid dramaturgiyasında Insan, Iblis, Tanrı kоnsepsiyası (“Şeyх Sən`an”, “Iblis”, “Peyğəmbər”) öz mahiyyətinə görə mürəkkəb bədii, dini, fəlsəfi prоblemləri özündə ehtiva edir və görünən odur ki,istər Cavid,istərsədə Balzak və digərləri  “kürə” şəklindəki dünyaya sanki yuxarıdan baxmış kimi-  sadəcə İnsanın necə bir məxluq olduğunu anlatmağa çalışıblar.(Təsəvvür edin ki,biz kənardan arıların,yaxud qarışqaların həyatına kənardan baxmış kimi..)Və yazdıqca,yazıldıqca düşünürlərmiş ki,bəlkə gələcək bu əsərlərdən heç olmasa bir damcı qablarına nəsə qoyacaq?! Allah Sabirə də,Cəlilə də,Fətəliyə də rəhmət eləsin!Elə günümüzün bu günü də yazarlar hey yazır..Ama  insan komediyası bitmir, Və bitməz….Məsələn Ayaz Arabaçının yazdığı kimi..

Dəftər-kitabnan deyil, kəl hər yaşda kəl qalır, 
Əlimizin üstəki yekə qıllı əl qalır, 
Bizi seyr eləyənlər baxıb məəttəl qalır, 
Necə can saxlayırıq acgöz itlər içində. 

Mən də istədim Balzak kimi xırda hadisələrin komediyasını yazam.. 
 
İtlərin tərbiyyəsi
Yer kürəsində bütün canlıların can atdığı ilahi varlıq olan əzəli, əbədi bir qüvvə var. Bu qüvvənin adı məhəbbətdir. “Məhəbbət hər adamda bir cür şəfqət edir., ehtiras, təşviş, qısqanclıq, qəzəb, sevinc və Hərislik ...Bunlar adəm oğlu insana xas olduğu qədər heyvanata daxildi.Böyük Nəsimi demişkən “Cahilin tərzi həyatı heyvanatın tərzi həyatı ilə uyğundur”…Məsələn təxminən 2 gün öncə hansısa radioverlişdə itlərin tərbiyəsindən söhbət danışılırdı.Verlişin qayəsi isə o idi ki,itlərə davranışda çox həssas olmaq lazımdı.İtləri yumruqla vurmaq olmaz,sadəcə hirslənəndə əlin içi ilə arxa tərəfinə yavaşca vurursan ki,bu tənbeh növüdür.Əslində  verlişdə itlə  insanın tərbiyəsində elə  bir fərq olduğunu görmədim.Ən pisi isə odur ki,itlər insanın yaxşısını pisini seçə bilir.Məsələn kənddə bizim itimiz hər adama hürməzdi..Və yaxud itlər “insanın” qoyduğu  bombanı tapa bilir,itlər sahibini heç vaxt darda qoymur.. Amma biz? 
“Pəncərədən uzun müddət həmişə baxdığım yerlərə sonuncu dəfə kədərlə, dərdlə baxa-baxa quruyub qaldım.Evimlə, yurdumla beləcə vidalaşdım, sağollaşdım.Həyətə çıxanda isə daha özümü saxlaya bilmədim.
Titrəyə-titrəyə üstümə atılan itlərim sanki fəryad qoparıb, mənnən imdad diləyirdilər.Başa düşürdülər ki,son görüşdü-itlərimi,evimi qoyub gedirdim.Aşağı əyildim,itlərlə vidalaşmaq üçün.Hər ikisi də dal ayaqları üstə qalxaraq titrəyirdilər.
Yaşla dolu gözlərimlə bir təhər gözlərinin içinə baxdım.Hər iki itin gözündə yaş parıltısı gördümBu dəfə hönkürtümü saxlaya bilmədim.İtlərin çox duyumcul olduğunu eşitmişdim.Axır ki,gözlərimlə də gördüm”. Bu sətirlər Qərbi Azərbaycandan qaçqın taleyli şairimiz Tahir Talıblının öz el-obası ilə son görüşünün tablosudu..
Fədayə Laçın komediyası...
Bizdə criminal aləmi bəzəyən müğənnilərin söz -söhbəti bitmir.Hacı Məmmədovun  Mətanətindən,İlhaməsindən sonra Fədayəsi çıxdı.İndi də deyirlər ki,sən demə bu qoca kişi Lənkərannan xüsusi avtoynan yola salınıb.Orda heç Fədayə olmayıb.Bəs görəsən Fədayə nə üçün həbs olunub?
Əlqərəz,maraqlısı odur ki,heç utanmadan sənətkar Birilyant  Mehriban xanım Əliyevaya həbsdə olan bir anaya dəstək olmasını xahiş edib. Bir az bu ana söhbəti yerinə düşməyib bəlkə də)…Müraciətin komediyası aşağıdakı kimidir..
Sizə müraciət edib, istedadlı müğənni, gənc qadın, ən əsası bir övlad anası Fədayə Laçına dəstək olmanızı xahiş edirik. Mən onu şəxsən tanımıram. Yalnız sizin ədalətli, xeyirxah, heç kəsin dərdinə indiyə kimi biganə qalmadığınızı bildiyim üçün Fədayə Laçına dəstək olacağınıza ümid edirəm".
Təhlükəli oğru...
Bizdə hər kəs sadəcə öz işi ilə “məşğul”dur. Kimin yolda qalması,kimin xəstəxanada ölməsi o qədərdə əhəmiyyət kəsb eləmir. Zabratdakı "Ayxan" marketdən oğurluq edən. 40-45 yaşlarında bir qadın marketdən makaron və yağı gödəkçəsinin altında gizlədərək marketdən çıxır. Adam oğurluqda deyə bilmir. İşçilər elə həmin vaxt nəzarət kamerasından hadisəni görüblər. Müdirə məlumat verilib. Müdirsə deyib ki, "dəyməyin, getsin. Ehtiyacı var deyə götürür". Məncə bir yağ və makaron götürməyə ehtiyacı olan adam təhlükəli deyil. Təhlükəli olanlar milyon yeyir (oğurlayır).(Frzalar İlkin Muradova məxsusdur).
Bax bu miliyonu kimlər yeyir…Market rəhbərliyi açıqlamayıb.
Allah Balzaka rəhmət eləsin!
Şəfayət Avılbəyli Əliyev
.
Mən hər gün sadəcə iki şey haqqında fikirləşə bilirəm: bir evdən işə çatmaq,birdə işdən evə qayıda bilmək ...Hər gün bu iki fikri həyata keçirmək uğrunda beynimə min cür şeytanlar gəlir. Məsələn, deyirəm ki, görəsən, nə vaxt uçacayıq. Uçsaydıq, bu zəhrimar Koroğlunu görməzdik. Bax, beləcə gic-gic fikirlərlə gəlib çıxırıq metro Koroğluya...

Çox qəribə də olsa, bizim yolumuz gedəndə də, gələndə də Koroğlu metrosundan keçir. İndi şəhər əhlinin çoxu bu zonaya axışıb. Təbii ki, bunun da müəyyən səbəbləri var. Evlərini baha qiymətə satıb əlində sərmayə etməyə “məhkum”olanlar məhz bu ərazilərdə yerləşməyə üstünlük verir.
Əslində biz və bizimkimilər günümüzun 4 saatını sadəcə “Koroğlu” uğrunda mübarizəyə ayırırıq- bir növ KAMİKADZELİK ... Axırı ölüm də olsa, biz əsl kamikadzelik edirik.
Əvvəllər bu metronun adı Əzizibəyov idi, onda şükür, pis deyildi abu- hava... Sonralar bu metronun adını dəyişib elədilər Koroğlu...
“Koroğlu” demişkən, bir alimimiz yazmışdı ki, Koroğlu Gədəbəy rayonunun ərazisində yaşamışdır. Bunu əsaslandırmaq üçün bəzi arqumentlər də ortaya qoymuşdu. Məsələn, Gədəbəy ərazisində Koroğlu qayası olması, Şəmkir rayonunda Çənlibel qəsəbəsi kimi yer, yurd adları, sən demə, imkan verir, deyək ki, məhz Koroğlu Gədəbəydə “doğulub” və orada yaşayıb, 7777 dəlisi də elə orda “təşəkkül” və “tənəzzül” etmişdir. Düzdü, indinin özündə də burada “dəlilər” çoxdu. Hətta Koroğlu kimi adamlar da var-yəni bığıburma. Amma ki, nə faydası, hər axşam metro Koroğludan evinə belə getməyə taqəti yoxdu..
Bunlar başqa, məndən deməkdi; 5 əsr sonra deyəcəklər ki, Koroğlu Gədəbəydə yox, məhz elə Bakıda, indi adını verdiyimiz Koroğlu metrosunda yaşayıb. Necə ki, Azərbaycan dili dərsliyində Şirvanşah oğluna deməyibmi ki, oğul bir bina tikdirərsən, özü də İçərişəhər metrosunun yanında...?
Lakin Koroğlu çox qoçaq adam olub, durub Gədəbəydən düz Toqata, Amasiyaya, nə bilim İqdıra, İzmirə qədər gedib... Heç bir dəfə də olsun oxumadım ki, Koroğlu Kürdəmirə, Ucara, Şamaxıya səfər edib...
Deyilənə görə, təkcə Kürdoğlu anasının yanından dədəsinə tərəf gələndə Kürdəmirdən keçib. Kürdəmirə çatanda öz-özünə deyib ki, anama demişdim, heç kimə demə, hələ bir yazıb yola da yapışdırb-KürdƏmir...
İndi hər axşam bu metronun həndəvərində dolaşan dəlilər sadəcə evlərinə getmək uğrunda kamikadzelik edirlər.Bu KAMİKADZELERİN axırı isə məlumdur.
Şəfayət Avılbəyli
Asiya.info
.
Zahid Oruc, 
Milli 
Məclisin  deputatı

Roma hakimləri onlar kimi düşünməyən və dini doqmalarla dünyanın şəklini çəkənlərlə dalaşan Cordano Brunonu edam kötüyünə yola salanda öz dövrünün mahir oratoru və böyük filosofu dizləri əsən kilsə xadimlərinin və izdihamın rəhmli, qəzəbli,qarmaqarışıq baxışları qarşısında sokratcasına belə söyləmişdi:” hökmü dinləmək yox,onu oxumaq sizlər üçün daha qorxuludur”.

İdeyası və sarsılmaz elmi həqiqəti naminə inkvizisiya məhkəməsinə çəkilən alimin canından məhrum edilməsi belə onu əqidəsindən döndərə bilməmişdi.Brunonun ölümdən sonrakı həyatın olmadığını söyləməsi, yeri mərkəz sayan rahiblərə rişxəndlə gülməsi,yaxud Məryəmin övladının ola bilməzliyini iddia etməsinin ona verilən cəzanın qəddarlığına çox az dəxli vardı. Çünki eşefota gedən adam ondan 16 əsr əvvəl çarmıxa yollanan İsa Məsihin Ponti Pilat qarşısında göstərdiyi ölümsüzlüyə şəhadət gətirərək peyğəmbərcəsinə son sözlərini belə söyləmişdi:”yandırmaq, hələ inkar etmək deyil.Növbəti əsrdə məni başa düşəcək və qiymətləndirəcəklər”!

Günəşin “kor etdiyi” kütlənin orta əsr qaranlığına bürünmüş zehniyyətinin əksinə olaraq,zaman Brunonu haqlı çıxardı. Bəlli oldu ki,Yer kürəsi həqiqətən öz oxu və orbitində olduğu planetin ətrafında dəqiq bir trayektoriya üzrə dövr edir. Beləliklə,bizi 1670 km/saat sürətlə fırlayan Yer kürəsinin əbədi səyahətinə çıxan sərnişinlər kainatın sirlərini dərk edincə nə qədər başları edam kötüyünə yuvarlatdılar.Lakin Musa peyğəmbərin Qırmızı dənizdən keçdiyi kiçik bir xilas yolu kimi mütləq həqiqətə doğru gedən adamlar hər zaman tapıldı.Nəticədə,buxar maşını,elektrik cərəyanı,internet kommunikasiyası və nəhayət, smarttexnologiyalar dünyanın əzəli şəklini büsbütün dəyişdi. Beləliklə,son yüz ildə edilən kəşflərin ən yüksək zirvəsi kimi Yeni planetlərə-kosmik fəzaya ucalmağa can atan insan təkcə ruhən deyil,həm də cismən Allaha yaxın olmaq istədi.

Budur,dünən son yüz ildə insanlığı arxasınca aparan və az qala qaranlıq səmada ulduz karvanına çevrilmiş Nobel Komitəsi ilin növbəti qaliblərini elan edirdi.İsveçli bir mühəndisin özündən sonra qoyub getdiyi varidat dövlətlərin və insanların arasındakı sərvət müharibələrindən fərqli olaraq,sülhə,aydınlığa və yeniliyə xidmət edir.Hətta soyuq savaş illərində İvan Buninin,Boris Pasternakın, Aleksandr Soljenıtsının və digər görkəmli şəxsiyyətlərin fərqli ideoloji səngərdə durduqlarına görə onlara mükafatların verilməsi belə sözügedən şəxslərin miqyasını kiçildə,ədəbi fikir xəzinəsinə verdikləri nəhəng əsərlərin üzərindən xətt çəkə bilməz.Axı kimsə Fondun vəd etdiyi milyon dollardan artıq pul uğrunda,yaxud hər ilin 10 dekabrında gecə frakında bal rəqsinə çıxmaq naminə çarpışmır ki.Bir də axı müxtəlif təzyiqlər qarşısında layiq olduqları mükafatlardan imtina edənlərin də sayı onlarladır.Lakin başlıcası, tarixin təkərini irəliyə aparan və “Sizif əməyi” ilə elmi pyedestalın zirvəsinə ucalanlar özləri ilə barəbər,insanlığı da yüksəldirlər.

1 oktyabrda yaşadığımız ilin və zamanın əqrəblərinin hansı səmtə yönəldiyini təyin etmək üçün Nobel Şurası tibb və fiziologiya sahəsindəki laureatları elan edirdi.Bəlli oldu ki,üç amerikalı alim-Cefri Holl,Maykl Rozbaş və Maykl Yanq molekulyar mexanizmləri tədqiq edərək üç yüz ildir bizi düşündürən sualların cavabını tapıblar.

Vaxtilə fransalı bioloq maraqla bir səhnəyə diqqət etmişdi. O,mimozo gülünün gecə və gündüz çağlarında fərqli formalara düşdüyünün səbəbləri üzərində axtarışlara başlamışdı.Alim yarpaqların zamanı hiss etdiyi qənaətinə gəlsə də öz zəmanəsindən irəliyə boylanmağa gücü çatmamışdı.Bəs yaxşı,daha ali canlı olan insanda gün ərzində onu kənar aləmə kökləyən “daxili təchizat qurğusu” necə işləyir və genlərimizi hərəkətə gətirən mexanizm nə formada çalışır?

Nəhayət,biosaatı kəşf edən tədqiqatçılar hansı zülalın buna cavabdehlik daşıdığını ortaya çıxardılar.Gecələr toplanıb gündüzlər dağılan və əks əlaqə qaydasında yenidən sintez olunan,nəticədə sanki rəqqasa çevrilən mexanizmin sirri tapılmış oldu.İndi on saat fərqiylə başqa bir qitəyə gedən sərnişin təkcə öz qolundakı saatı deyil,həm də daxili bioloji zamanını həmin məkana uyğunlaşdırmaqla rahatlandığının nədənini bilir.Ona görə də qəlbən başqa bir vaxtı, pəncərəsindən çölə baxanda ayrı saatı görən adamlar sanki ikidünyalılıq yaşayır,özündə olmur,həyata uyğunlaşmaqda çətinlik çəkirlər.

Dünən müsəlman dünyasında da iki saat qurulmuşdu. Məkkədə, Kərbəlada,Hələbdə,Tehranda və Bakıda ayrı meridianların qurşağı altında əqrəblər 680-ci ilin 10 oktyabrına köklənmişdi.Həmin tarix müqəddəs peyğəmbərimizin əziz nəvəsi imam Hüseynin və onun 71 nəfərlik tərəfdarının Yezid tərəfindən amansızlıqla qətlə yetirildiyi gündür.Min illərin yaddaşında dərin izlər buraxaraq islam aləminin ədəbi yaşantısına çevrilən Kərbəla müsibəti həqiqətən də misli bərabəri çox az olan və bəşəri mənaya malik qəhrəmanlıq səlnaməsidir.O üzdən Allahın elçisinin-Məhəmməd əleyhissəlamın ölümsülzüyünə inanan islam ümməti gənc Hüseynin və onun yenilməz silahdaşlarının şəhidliyinə əsrlər boyu kədərlənib,ağı deyib və onu yad ediblər.

Sayca özündən 60 dəfə çox olan bir orduya qarşı çıxmaq gerçəkdən də bənzərsiz hadisədir.Şərə qarşı gedərkən İlahi bir qüvvənin varlığına inanmaq,iradəsinin yenilməzliyini sübuta yetirmək düşmən üzərində böyük qələbədir. Əqidəsində saflıq və təmizlik,etiqadında sabitlik və dönməzlik,Yaradana xidmətdə möminlik və sadiqlik hər kəsi zamanın fövqünə qaldırır,onları Allahın bir zərrəsinə çevirir.Bu mənada imamların müsibəti kimi əbədi kədərə qarşı çıxanlar belə həmin abidənin önündə baş əyməyə məcbur olurlar.
Lakin Hüseyn yolunun davamçıları müxtəlif islam üləmalarının buyurduqları kimi,yalnız şer deyib ağlamaq uğrundamı yarışacaqlar? Müqəddəsləri yad etməyin və onlara ruhi qovuşmağın başqa yolu yoxdurmu?Kim əzadarlıq üçün meydanlara çıxardığı qılınclarla tökdüyü qanın,kütləvi psixoz dərəcəsinə çatdırılan insan naləsinin və ağrı dənizinə axıdılan emosiyaların14 əsrlik müsibətlə ruhi-ekstaz bağlantısına inanırsa,onlar orta əsrlərin qaranlığından hələ çıxmayıblar.Qəlblər arasındakı körpü belə qurulmur,ağalar və cənablar!İmam Hüseyn məktəbi dünyəvi kədəri təlqin edirsə də,onun təməlində dayanan ilahi ideyalar tamam başqadır.

İmamlarımızın cismani qovuşduğu torpaqlardan əsrlər boyudur qan damır.Bu gün İrak və Suriya xarabazarlığında milyonlarla insan terrora və iskəncəyə məruz qalır,adamlar diri-diri basdırılır.Qara bayraqlı xilafətin yayıldığı ərazilərin hamısı bir vaxtlar imam Hüseynin və Yezidin döyüşündə tökülən qanlara şahidlik ediblər.İndi milyonlarla insanı bir araya gətirən,çiyin-çiyinə dayanıb böyük ordulara çevrilən və hayqırtıları ilə dünyanı lərzəyə salan müsəlmanlar tarixi müsibətlərindən dərs alıb böyük islam sərkərdəsinin bayrağı altında niyə birləşə bilmirlər?

Məzlumiyyətə,haqsızlığa və ədalətsilziyə qarşı bundan böyük ideoloji-siyasi platforma işləyib hazırlamaq mümkündürmü?

Məgər,”imam Hüseyn məktəbi”nin məzunları yalnız ağı demək,mərsiyyə söyləmək və onuncu əsr xristianlığının cismani cəza qanunlarından miras qalmış ənənələri təbliğ etmək üzərində ixtisaslaşacaqlar?

Onda Avropa qapılarında boynunu bükən milyonlarla insanın əsir düşərgələrində muzdla yaşaması qaçılmaz olacaq.Əvəzində,zəngin qərblilərin süfrəsinin qırıntıları ilə dolanmaqla müsəlmanlar nəinki vətəni,eləcə də qəlblərində daşıdıqları dini idealları itirmiş olacaqlar.Baxın,məzhəb ayrılığı üzündən Məkkəni bir,qibləgahını ayrı tutan dövlətlərin İmam Hüseyn günündə birləşməsi bir kimsəni qorxutmur.Çünki müsibət günündə çiyin-çiyinə dayananların qarşı səngərlərə çəkilməsi cəmisi bir gün çəkir.

Bayırda hansı təqvimlə hesablasan 7-ci əsr deyil.Halbuki 1 oktyabr Bakısının qara mənzərələri zamanı itirmiş Hələbə bənzəyirdi.Eyni dərdi bölüşən Hüseyn ardıcılları izdihamlı meydanlarda sinələrinə döyüb onların ürəkdən ağrımasını Tanrıya göstərmək istəyirlər.Lakin uşaqlı-böyüklü hər kəsin ruhi dünyasına hakim kəsilməyə yönələn çağırışlar, şüarlar aydınlığı təlqin etmir və Qərbin istehsal etdiyi mikrofonlarla ətrafa yayılan səslər nikbinlik,uğur,qələbə effekti yaratmır.Əksinə, hər addımda cəhalət və gerilik təşfiq olunur.

2017-ci ilin İrak Kərbəlasında bir milyonluq izdihamın qurucu enerjisinin nədən viranəyə çevrilmiş bir məmləkətdə özünü göstərmədiyini sual edənlər haqsızdırmı? Azərbaycanlı dindarlar qəlbən Məkkəyə və Hüseynə bağlılıqlarını sübuta yetirməyə çalışırkən Tel-Afərin xarabazarlığında iki balaca körpənin ürəkdağlayan səhnələrinə necə biganə qaldıqları maraq doğurur.Onlar Quranın yayılmasında müstəsna əməyi olan peyğəmbərimizin xanımı Xədicənin və atası Abdullanın adlarını daşıyırlar.Əl uzatmaq üçün bunlar yetərli deyilmi? Gərək dövlət göstəriş versin ki,yardım edəsiniz?14 əsr əvvəlin döyüş səhnələrini xəyallarında canlandırıb hər dəfə imamları meydanda tək qoyan kufəliləri qınayınca,İrak və Suriyanın hərb düşərgələrində cənnət axtarışı ilə can çürüdən dindaşlarınızı geri qaytarmağa çalışsanız, xeyirxahlıq mücəssiməsi Hüseyn sizi alqışlamazmı?

Bakını baş yarma səhnələrinə və südəmər körpəsini qara libasa bürüməsi ilə öyünən analara peşkəş edərkən dünyanın başqa yerlərindən buraya təşrif buyuran adamların da moizələrini dinləməkdə fayda var.Nobel mükafatçısı və müsəlmanlığı elmin dərinliklərinə yiyələnmək vəzifəsi kimi dərk edən Əziz Səncərin Bakı ziyarətində yüz minlərlə insanın izdihamını görən olmadı.Halbuki onun hər sözündə imam Hüseyn məktəbinin cəfakeşliyi və ədaləti vardı.Yaşının müdrik çağında ziyalı səmimiyyəti və sadəliyi ilə gerçək alim obrazını bizlərə təqdim edən Səncər bir başqa tarixdə dünyanı fəth etməyə çalışan səlcuq hökmdarı Sultan Səncərin qılıncının daha fatehlik üçün yaramadığını təsdiq etdi.Yəqin,tanış ifadə olduğunu deyəcəksiz. Vaxtı ilə şeyx Şamil də o cür silahla imperiyaya qarşı döyüşmək istəmişdi.Amma Osmanlı xanədanı elmin üzərində qurulmadığından heç bir ordu onu saxlaya bilməmişdi.

Səncər qazandığı dünya şöhrətini və təntənəli qəbulları böyük Mustafa Kamalın sayəsində əldə etdiyini deyirdi. Soruşacaqsız,1938-ci ildə dünyasını dəyişmiş bir lider 70 yaşlı alimə necə kömək edib?Əziz müəllimin dilindən bunları eşitsəydiniz,daha gözəl olardı.

Savadsızlığın və dini xurafatın tüğyan elədiyi cəmiyyətdə-yeni qurulmuş Cümhuriyyətdə milyonlarla türk kimi kasıb Səncər ailəsi oxumaq,yazmaq imkanı qazanır.Atatürkün məscidlə məktəbin yerini düzgün müəyyənləşdiriməsi ilə bir millətin taleyi dəyişir.9 uşaqlı ailənin sayca yeddincisi olan bir adam Şimali Karolina Universitetinə qədər gedib çıxır və əsil mücahidliyin-canlı şəhidliyin nədən ibarət olduğunu milyonlarla soydaşına göstərə bilir.

Qazandığı mükafatın pulunu gətirib Ankarada məktəbə qoyan Əziz Səncər 200 uşağın qapanmış gözünü açır,onlara təhsil verir.Sizcə İmam Hüseyn məktəbi bu deyilmi?Səud kralı və İran dini lideri Hüseyn məktəbini belə təşkil etsəydi, yarılan başları və ürək yaralarımızı daha tez sağaltmazdımı? Halbuki iki gün öncə Tehranda eynən Kərbəlanı və Məkkəni simvolizə edən səhnələri düzəldib “islam dünyasının mərkəzi mənəm” deyən bir hərəkata şahidlik etdik.Görün, peyğəmbərin irsinə sahiblik uğrunda necə mübarizə gedir.Halbuki,İsveç kralı 2-ci Oskar Nobel mükafatı üçün qaydaları müəyyənləşdirəndə digər həmkarları üçün də nümunə yaradıb. Axı müsəlman şeyxlərinin və sədr-əzəmlərinin varidatı nobellərin sərvətindən milyon dəfə çoxdur.Yaxşı,elmi axtarışlara vəqflərin ayrıdğı bir neçə milyonun müqabilində bir vaxtlar kitabla döyüşən kilsələrin indi yürütdüyü siyasətə baxmaq da çətin deyil ki.”Hüseyn mükafatı”nı yaxşı bir bənnaya,bir aulu susuzluqdan qurtaran mühəndisə,bir canı xilas edən həkimə və yüzlərlə uşağa gözünün nurunu verən müəllimə təqdim etmək imamların xatirini xoş etməzmi?Qanla boyadığınız Aşurada istismar etdiyiniz ruhun sizdən tələbi başqadır.

Halbuki İran dini liderinin dünyaya səslənişini təmin edən kommunikasiya nəhənglərini-sosial medianı qərbli macəraçı və azad gənclər yaradıblar.Qərbli siyasətçiləri və dövlətləri söymək üçün istifadə etdiyiniz silahların-ayfonların,ağıllı texnologiyaların istehsalçısı da düşmən elan etdyiniz dinin daşıyıcılarıdır.Stiv Cobsun və ya Mark Zukkerberqin hansı meydanda sinə döydüyünü görmüsünüz?Hər halda Hüseynin iztirabı ilə İsanın çarmıxı arasında fərq qoyan yoxdur. Lakin Məsihin qoyub getdiyi mirası 8 əsrə yaxın qan tökməyə yönəltmiş millətlər nəhayət,vuruşan əllərini durdurub,onu insan qəlblərinin şəfaverici məlhəminə çevirməyi bacardılar.Katolik messiyalarını dinləyən milyonlarla insan mənən arınır,.durulur və şeytani qüvvələrə qarşı səfərbər olunur.Siz Romada papa Fransiskin qılınclı və zəncirli ordusunu nə vaxt görmüsünüz?

O üzdən vurduğunuz zəncirlərin harada istehsal olunduğuna yaxşı baxın.Görəcəksiz ki,made in German,USA,Chine,... yazılıb.Kürəyinizə çırpdığınız qırmanclarla və qara libasla düşüncələrinizə də buxov çəkirsiniz.Məgər,sındırdığınız əzaları gedib sabah Qərb klinikalarında müalicə etməyəcəksiz? Yoxsa,onlar da əsatirlərə çevirdiyiniz keçmişdə olduğu kimi bir günün içində öz-özünə sağalacaq?

“Hüseyn ordeni” təsis edib siz də bir Nobel Komitəsinin bənzərini yaradın.Vətən uğrunda döyüşlərdə canını fəda edənlərlə yanaşı,sayca xristian dünyasından min dəfə geri qaldığınız təhsil müəssisələri,milyon dəfə geri qaldığınız kitabxana,milyard dəfə geri qaldğınız kitab yaradanlara verərək müqəddəs peyğəmbərimizin nəvəsinin ruhunu şad edərdiniz.Hüseyn sizə ağlamağı deyil,qeyri-bərabər müharibədə qalib gəlməyi miras qoyub gedib.

Elm də savaş meydanıdır. Ən güclü döyüşçülər alim ordusuna söykənən dövlətlərdir. Hər halda nüvə silahını yaradan başları zəncirləmək mümkün deyil.

Əlbəttə,nə qədər dünyəvilikdən danışsaq da dövlət dinsiz, din də dövlətsiz ola bilməz.Əmzikli körpələrinizə libas seçərkən onlara tale biçdiyinizin də fərqində olun.Çünki peyğəmbərimiz dünyanı qılıncla deyil,qələmlə fəth etmişdi!

Bilirsizmi,tonqalda yandırılan Brunonun mənəvi atası Kopernikin ölümündən sonra onun xatirəsinə doğulduğu Toruni şəhərinin sakinləri ucaltdıqları abidənin önünə bu sözləri yazıblar:”Günəşi durduran,Yeri hərəkət etdirən adam”!

Hə, lap ilahi dərəcədə iddialı!

Xəbər lenti