.
Cizgi Film qəhrəmanına bənzəmək istəyən modelin son halı inanılmazdır!


Asiya.info bildirir ki, heyranı olduğu cizgi film xarakterinə bənzəmək üçün bir çox estetik cərrahiyyə əməliyyatı keçirən Foks adlı model, ən son yanvar ayında Türkiyədə olub.
Əməliyyatı İstanbulda bir estetik cərrahı tərəfindən etdirən 26 yaşlı model bu günə qədər 100-dən çox estetik əməliyyat keçirib. Hədəfi isə real həyatda yaşayan bir Disney cizgi film obrazı olmaqdır. O, bu günə qədər 500.000 TL xərclədiyini bildirib!
Bu əməliyyatlardan ən iddialısı isə qabırğa sümüklərini aldıraraq bel ölçüsünü 30 sm-ə salması olub.
Hədəfi uğrunda 100-dən çox əməliyyat keçirən modelin- Fotosessiyası
Hədəfi uğrunda 100-dən çox əməliyyat keçirən modelin- Fotosessiyası
Hədəfi uğrunda 100-dən çox əməliyyat keçirən modelin- Fotosessiyası


.
Türkiyənin TRT 1 televiziya kanalı martın 1-dən Azərbaycanda rəqəmsal yayıma başlayacaq.
 
TRT-nin Bakı nümayəndəliyindən APA-ya verilən məlumata görə, TİKA, Milli Televiziya və Radio Şurası (MTRŞ) və Nəqliyyat, Rabitə və Yüksək Texnologiyalar Nazirliyinin Teleradio İstehsalat Birliyi arasında əldə olunmuş razılığa əsasən TRT 1 telekanalının yayımı bərpa edilib.
 
Qeyd edək ki, Azərbaycanda rəqəmli TV yayımına keçildikdən sonra TRT-nin yerüstü yayımı ötən ildən dayandırılıb. Noyabrın 1-dən etibarən Bakı şəhəri və Abşeron yarımadasında, dekabrın 1-i, 10-u və 20-si bölgələrdə analoq TV yayımı dayandırılıb. Azərbaycanda yalnız rəqəmli TV yayımı həyata keçirilir. TRT-1 Azərbaycan və Türkiyə arasında hökumətlərarası müqaviləyə uyğun olaraq Radiotezliklər üzrə Dövlət Komissiyasının 8 dekabr 1995-ci il tarixli razılığı əsasında yayımlanır.
.

Müğənni Səidə Sultan şəxsi həyatından danışıb.  Lent.az-ın “Canlı yayım”ında qonaq olan ifaçı bildirib ki, bu yaxınlarda ona elçi gəlib:

“Mənlə ailə qurmaq istəyən insan var. Bu yaxınlarda da mənə elçi gəlib. Ərə getmək baxımından heç vaxt problemim olmayıb. Günü bu gün də gedə bilərdim. Amma xarakterim elədir ki, elə belə oğlana gedə bilmərəm. Mənim ailə qurduğum şəxs əsl kişi xarakterində olmalıdır. Amma düşünmüşəm ki, ailə qursam, Azərbaycanda qalmayacam, gedəcəm. Ailə qurduğum şəxs Qəhrəman, Koroğlu olmalıdır. Bilməliyəm ki, qarşımdakı kişidir, gözünü ağardan kimi özümü yığışdırım”.

Müğənni bildirib ki, artıq onun istədiyi kimi bir bəy var. Artıq ailə qurmaq niyyətindədir: “Həyatımda elə bir mərd bir oğlan var. Bunu ilk dəfə açıqlayıram. Heç vaxt bunu mətbuata deməmişəm. İllərdir arzuladığım bir insandır. Necə arzu edirdimsə, Allah qabağıma çıxardı. Bu ağ yox, qar atlı oğlandı. Toyun vaxtını, məqamını indidən demirəm. Hər şeyin öz məqamı var. İndi mərdimazar da çoxdur”. 

S.Sultan bildirib ki, ailə qurmağa hazırlaşdığı şəxs onun sənətini dəstəkləyir: “O məni müğənni kimi sevib, hörmət edir, qəbul da edir. Hansı sahə ilə məşğul olduğunu deyə bilmərəm. Bilən bilir ki, oğlan nə işin sahibidir. Bu da mənə ləzzət edir. Bir sözlə seçdiyim insan şou-biznesdən çox uzaqdır. Allahım onu mənə ən pis anımda nəsib etdi. Həmin vaxtda ki, mən insanların içinə çıxmağa qorxurdum, utanırdım. Amma o mənə öz sözü, əməli ilə mənə dəstək oldu. Onun yanında özümü uşaq kimi hiss edirəm”.

.
Azərbaycan "Avroviziya" mahnı müsabiqəsinin birinci yarımfinalında çıxış edəcək.
Modern.az xəbər verir ki, Ukrayna paytaxtı Kiyevdə baş tutacaq mahnı müsabiqəsinin ilk yarımfinalı mayın 9-da, ikinciyarım finalı isə mayın 11-də baş tutacaq.
 
Azərbaycanı təmsil edən müğənni Dinada Hacıyeva ilk yarımfinal mərhələsində İsveç, Çenoqoriya, Finlandiya, Gürcüstan, Portuqaliya, Belçika, Avstraliya və Albaniya ilə yarışacaq.
 
Final şousu mayın 13-də olacaq.
Qeyd edək ki, Diana Hacıyeva 1989-cu ildə Bakı şəhərində anadan olub. Uşaqlıqdan musiqi ilə məşğul olub. Fortepiano dərsləri alıb və caz musiqisi ilə maraqlanıb. "Bəri bax" musiqi kollektivində çalışıb. 2006-cı ildə Bakı şəhərində 16 saylı orta məktəbi bitirib. Bundan sonra Bakı Musiqi Akademiyasına daxil olub. "Xor dirijorluğu" peşəsinə yiyələnib. Bu illər ərzində caz ilə professional şəkildə məşğul olmağa başlayıb. 
Hazırda Bakı Caz Mərkəzində çalışır. 
Diana Hacıyeva evlidir. 2009-cu ildə ailə həyatı qurub.

 

.
Şəbnəm Tovuzlu “Evgördü” verilişinin qonağı olub.
Moderator.az xəbər verir ki, müğənni proqramda maraqlı açıqlama verib. 
Şəbnəm ailəsindən və sənətə gəlişindən söz açıb:
“Bu sənəti seçəndə təkcə atam mənim yanımda idi. Anam və qohumlarım müğənni olmağıma qarşı çıxırdı. Əmiuşaqlarım, xalauşaqlarım müğənni olmağımı istəmirdilər. Evlənib boşanandan sonra rayona getmədim,Bakıda qaldım. Qızım üçün gələcək qurmaq istəyirdim.
Müğənnilliyə başladım. Ayaqlarım üstündə durmağa çalışdım. Tacir müəllim çox sağ olsun, kömək edirdi. Toylarım gəlməyə başladı. Artıq 5 aya maşın aldım. Çox əziyyət çəkdim. Avtomobilə çox marağım var. İldə bir avtomobil dəyişirdim. İndiki maşımın 8-cidir. 10 ildir maşın sürürəm”.
.
"Səhərdən axşama kimi efirdə oxuyub oynamaq olmaz. "Dünya” Tv-nin bu şəkildə Sumqayıt əhalisinə lazım olub olmadığını düşünmək lazımdır”.
Bu fikirləri Unikal.org-a media eksperti, professor Qulu Məhərrəmli Sumqayıtda fəaliyyət göstərən telviziya ilə bağlı fikirlərini bölüşərkən deyib. O, qeyd edib ki, "Dünya” Tv-də özü monitorinq aparıb:
"Hər televiziyanın bir missiyası olur. Biri məlumatlandırır, digəri əyləncəli proqramlar verir, başqa birində kinolar üstünlük təşkil edir və.s. Yayım siyasətinin bir məqsədi, səmərəsi olmalıdır. Respublikadakı telekanallarda bəzən məqsəd aydınlığı bilinmir. Bölgə televiziyalarında da bu hallarla rastlaşırıq. Mən "Dünya" televiziyasında olmuşam, orada monitorinq aparmışam. Görünür, bunların proqram qurmaq və kadr problemi var. Arzu edərdik ki, o şəkildə olmasın. Yalnız əyləncə üzərində köklənən televiziya kanalının olmasını yanlış hesab edirəm. Səhərdən axşama kimi efirdə oxuyub oynamaq olmaz. "Dünya” Tv-nin bu şəkildə Sumqayıt əhalisinə lazım olub olmadığını, cəmiyyətə fayda verib vermədiyini düşünmək lazımdır. Arzu edərdik ki, televiziya yayım siyasətini dəyişsin. Demirik ki, yalnız xəbər versin. Tarixlə, etnoqrafiya ilə bağlı ciddi problemlər var. Efirdə bu mövzu ilə bağlı maraqlı söhbətlər etmək olar. Savadsızlıq baş alıb gedir. Əlbəttə, bu işlər üçün texniki və maddi imkan vacibdir. Hər halda, buna can atmaq lazımdır. Belə olarsa, tamaşaçı da onu normal qarşılayacaq”.
Qeyd edək ki, bir neçə gün öncə Milli Televiziya və Radio Şurasının (MTRŞ) şöbə müdiri Təvəkkül Dadaşov "Dünya” Tv-də verilişlərin əksəriyyətinin "toyxana” xarakteri kəsb etdiyini açıqlayıb: "Qanuna görə, kanalların proqram səbətində maarifçilik və mədəniyyət məsələlərinə üstünlük verilməli, proqramların tarazlaşdırılması yolu ilə efirin kommersiyalaşmasının yaxud digər eynitipli verilişlərlə yüklənməsinin qarşısı alınmalıdır. "Dünya” TV-də isə bu tələblərə riayət olunmadığını müşahidə edirik. Yayımçının efirində şəxsi istehsal olan maarifçilik ruhlu verilişlər yayımlanmır”.
T.Dadaşov vurğulayıb ki, TV-də kommersiyalaşma məsələsində də ciddi problemlər var. Şöbə müdiri qeyd edib ki, "Dünya” televiziyasının efirdə bir neçə klinikanın reklamına həsr olunan kommersiya verilişləri yayımlanır: "Yayımçının efirində gündüz saatlarında milli-mənəvi dəyərlərə zidd məzmunlu mətnlə "Kişi ürəyi” adlı dərman vasitəsinin reklamı efirə verilir. Hazırda yayımçının efirinin monitorinqi davam etdirilir və müvafiq olaraq arayışlar tərtib edilir”.
.

 Böyük Britaniyada “The Landmark London” hotelində rusiyalı milyarder, “Domodedovo” hava limanının sahiblərindən biri Valeri Koqanın nəvəsi, 19 yaşlı İrina Koqanın ingilis əsilli yəhudi Daniel Kenveylə toy mərasimi keçirilib.

Qafqazinfo”  xəbər verir ki, gecənin əsas ulduzlarından olan ameriaklı müğənni Merayya Keri 9 milyon lirə, ingilis sənətçi Elton Con isə 7 milyon lirə qazanıb.

Qeyd edək ki, təntənəli mərasimə rus və dünya ulduzları şəxsi təyyarələri ilə gəliblər. 9 saat davam edən toyda dünya ulduzlarından Elton Con, Merayya Keri, Antonio Banderas, yerli şou-biznesdən Filipp Kirkorov, Stas Mixaylov, Aleksandr Serov, İqor Nikolayev, Lev Leşenko, azərbaycanlı müğənni Yusif Eyvazovla xanımı, opera sənətçisi Anna Netrebko, eləcə də Azərbaycanın Rusiyadakı səfiri Polad Bülbüloğlu iştirak edib.

Valeri Koqan 2.5 milyard dollar sərvətə sahibdir.

Bir gecəyə 9 milyon qazandı
Bir gecəyə 9 milyon qazandı
Bir gecəyə 9 milyon qazandı
Bir gecəyə 9 milyon qazandı
.
Ebru Gündeş və Rza Zərrab barışdı... 

Asiya.info bildirir ki, ABŞ-da həbsdə olan Rza Zarraba boşanma davası açacağını söyləyən Ebru Gündeş qərarından imtina etdi. Cütlüyün qısa müddət öncə barışdığı ortaya çıxdı.
Zərrab ötən ilin mart ayında ABŞ-da həbs olunmuş, sentyabr ayında da yazılı bir bəyanatla Gündeşin ondan ayrılmaq istədiyini və vəkilinin cinayət işi açmaq üçün vəkalətnameə göndərdiyini bildirmişdi.

Telefon yolu ilə görüşən cütlük arasındakı buzlar qısa müddətdə əridi  Və məşhur müğənni, boşanma qərarından imtina etdi.
Qeyd edək ki, Ebru Gündeş və Üfüq Ceyran haqqında çıxan eşq iddiaları, ötən həftələrdə böyük səs-küyə səbəb olmuşdu. Bu barışma xəbəri, sözügedən iddianın da əsassız olduğu şəklində şərh olundu. (Mənbə: Hürriyyət)
.
Səni axtarıram” verilişinin dünən yayılan kadrarxası görüntülərinə mən hələ 2014-cü ildə baxmışam”.


Oxu.Az xəbər verir ki, bunu APA-ya Milli Televiziya və Radio Şurasının (MTRŞ) sədri Nuşirəvan Məhərrəmli deyib.
O bildirib ki, həmin vaxt verilişdə saxta ssenarilərin olması ilə bağlı MTRŞ-ya məlumatlar daxil olub: “Bu məsələ hələ 2014-cü ildə bizim diqqətimizdə idi. O vaxt biz bu tip məlumatlar haqda ATV telekanalının rəhbərliyini məlumatlandırdıq, onlar da bundan nəticə çıxartdılar. Verilişin ATV telekanalında yayımı dayandırıldıqdan sonra, veriliş ANS-də yayımlanmağa başlandı. Mən ANS rəhbərliyini Şuraya dəvət edib, məlum görüntülər haqda onlara məlumat verdim və onlardan bu məsələni ciddi nəzarətdə saxlamalarını tələb etdim. Eyni zamanda, onlara bildirdim ki, bu məsələ Şuranın diqqətindədir. Əgər verilişlə bağlı, hər hansı problem olacaqsa, buna qarşı ciddi tədbirlər görüləcək. O zaman şou xarakterli verilişlərə qarşı ciddi tədbirlər görülürdü. Biz işimizi hüquqi müstəvidə görürük. Bu gün yayılan görüntülər efirə getməyib. Lakin biz hələ o vaxt buna qarşı laqeyd qalmadıq, bunu bir informasiya kimi qəbul etdik”.
N. Məhərrəmli qeyd edib ki, MTRŞ sosial problemli insanların üzərində şou yaradılmasının qəti əleyhinədir: “Biz çox istərdik ki, televiziya kanalları sosial problemli insanlar üzərində ciddi proqramlar hazırlayıb, onlara kömək göstərsinlər. Bəzən biz onlara qarşı iradlarımızı bildirəndə telekanallar çoxsaylı insanların müraciətini əsas gətirir. Təbii ki, biz də o kateqoriyadan olan insanların probleminin həll olunmasını çox istəyirik. Amma telekanallar sosial problemli insanlar üzərində şou yox, ciddi xarakterli verilişlər hazırlasalar daha doğru olar”.
“Hazırda Xəzər TV-də yayımlanan “Səni axtarıram” verilişi ilə bağlı bizə hər hansı neqativ məlumat daxil olmayıb” – deyə, MTRŞ sədri qeyd edib.
.
Türkiyədə fəaliyyət göstərən Günel Zeynalova ona pislik edənlərdən danışıb.
 
Teleqraf.com xəbər verir ki, müğənni “Xəzər maqazin”ə açıqlamasında keçmiş sevgilisi Rza Zərrab və Ebru Gündəşdən söz açıb: “Qəlbimi qıranlar vecimə deyil. Sonunda xoşbəxtəm. Artıq mənə heç nə edə bilmirlər. Səsimlə hər kəsi döyərəm. Allahıma şükürlər olsun ki, səsimlə sözümü deyirəm. Başqaları kimi çılpaq fotolarıma görə gündəmdə deyiləm”.
 
Günel Zeynalova nişanlanmasını yaxşı qarşılamayanlara da ismarış göndərib: “Bir anda nişanlanmağa qərar verdik. Bir çoxu qınadı ki, niyə məhərrəmlikdə nişan edirsiniz? Hər kəs öz istəyi ilə baxır”.
 
Günel Zeynalova iş adamı Rza Zərrabla 8 il sevgili olub və Ebru Gündəşə görə ifaçıdan ayrılıb

Xəbər lenti