.
Müğənni Nadir Qafarzadə son 2 gündür ki, sosial şəbəkələrdə yazdıqlarının saytlar vasitəsilə tirajlanmasına münasibət bildirib.

AzNews.az xəbər verir ki, Nadir instagram səhifəsini bağladıqdan sonra etdiyi paylaşımında oxuculara da kəskin sözlər yazıb: “Deyirəm mən olmasaydım bəzi saytlar necə çörək pulu qazanıb, evlərinə aparardılar. Yazın, yazın, mənim sayəmdə yalanlarla dolu məqalələrinizi savadsız oxucularınız da oxuyub savadlansınlar. Yenə sayəmdə. Bu günlər gündəmi ələ almışam”. 

N.Qafarzadə el arasında ona “it oynadan Nadir” deyildiyini xatırladıb: “Hətta sənətdə heç bir şey etməyib kaftar yaşına çatanlar da sayəmdə reklam olunmaq üçün dəridən-qabıqdan çıxırlar. Var ol Nadir, nə yaxşı ki, varsan. Allah məni xarici yox, daxili düşmənlərdən qorusun. Dahi Nadir. Demə, erməni düşmənim deyilmiş, düşmənim öz içimdədir, indi anladım”. 

Xatırladaq ki, dünən N. Qafarzadə sosial şəbəkədə onu tənqid edənlərə sərt münasibət bildirib.

“Məni sevənləri Allah saxlasın, sevməyənlər onsuz da, savadsız ve zövqsüz, cahillərdir! Onların sevgisi də özləri kimi kalitəsizdir! Çünki mənim varliğım onları narahat edir! Mən, Allahın mübarək ve seçilmiş bəndəsiyəm! Nə, xoş mənə! Səhifəmə girib, təhqir ve söyüş yazanlar, yazdıqlarınız özünüzə, ananıza, bacınıza və bütün nəslinizə… İndi ürəkli oğlan yazsın, amma telefon nömrəsini də yazsın. Mən isə kefdəyəm, Allah sizi kölə, şanssız və yazıq yaradıb”- deyə N. Qafarzadə bildirib.
.

Əməkdar artist Tünzalə Ağayeva Türkiyədə istirahət edir.

 

Teleqraf.com xəbər verir ki, Tünzalə Ağayeva Türkiyədə bazarlıq edərkən çəkdirdiyi fotonu instaqramda paylaşıb. Foto izləyicilər tərəfindən maraqla qarşılanıb.

.
Məşhur müənni İbrahim Tatlısəs, assistenti Damla Buket Çakıcıyla nikah masasına oturmağa hazırlaşır.

Asiya.info-nun məlumatına görə, İbrahim Tatlısəs nikah masasına oturmağa hazırlaşır. İbrahim Tatlısəs, 2011-ci ildə silahlı hücuma məruz qaldığı zaman yanında olan və özü kimi yaralanan assistenti Damla Buket Çakıcıya evlilik təklif edib.

Tatlısəs, bir müddət əvvəl Çakıcıyla təkrar birlikdə çalışmağa başladıqlarını bir mətbuat toplantısı açıqlamışdı.
Ayrı qaldıqları zaman ərzində evlənib İzmirə yerləşən və bir qızı olan Çakıcının boşandığını eşidəndə yenə də yanına alan Tatlısəsin," Damcı gəldi, həyatım dəyişdi. Özümə gəldim. Ən qısa zamanda nikah kəsəcəyəm" dediyi iddia edilir. (Mənbə: Sözçü)
.

Əslən Tovuz rayonundan olan Rusiya vətəndaşı Aynur Əhməd qızı Sadıqova Ölkə.az-ın redaksiyasına müraciət edib.

A.Sadıqova iş adamı-müğənni Ruhi Əliyevanın ona iki min dollar borclu olduğunu qeyd edir:

"Ruhini on beş ildir ki, tanıyıram. O vaxt Moskvada "Çertanovo" adlanan meyvə bazarlarında qarpız satırdı, mən isə "Pokrov" deyilən bazarın anbarında çalışırdım. Həmin dövr üçün müəyyən zahiri oxşarlığımız olduğundan bir çox yerlərdə mənim adımdan istifadə edirdi. Günlərin birində yaxın qohumlarımdan biriylə söhbətində deyib ki, adım Aynurdur, özüm Tovuzdanam və sair. Qohumum mənə zəng vurdu ki, burada belə bir adam var, sənin adından istifadə edir. Dəfələrlə adımdan istifadə edib insanlardan pul götürürdü, sonra qaytarmırdı. Axırıncı dəfə adımın ləkələnməməsi üçün 2 min dollar borcunu ödədim. Efirdə deyir ki, mən hacı xanımam. Əvvəla, məndən halallıq alsın və iki min dollarımı qaytarsın. Dəfələrlə Zaur Baxşəliyevə müraciət etdim, söz verdi, amma sonradan çəkindi, işıqlandırmadı".

 
.
Türkiyədə serial, film və reklam çəkilişləri üçün yüksək ödənişlər tələb edən aktrisa Məryəm Uzərli bu dəfə də rekort qırıb.
Belə ki, aktrsa, Ərəb müğənnisi Fayez AlSaeedin klipində oynamaq üçün 1 milyon dollar istəyib.
Aktrisanın bir dəqiqə üçün bu qədər pul istəməsi həm müğənnini, həm də onun pərəstişkarlarını təəccübləndirib.  
Onun  5 dəqiqəlik çəkiliş üçün isə 3 milyon dollar istəməsi hər kəsin, “O, özünü Hollywood ulduzu” sayır deməsinə səbəb olub./Atv.az
.
“America`s Got Talent” istedad yarışmasında Doroti Uilyams adlı qadın hər kəsi təəccübləndirib.
BAKU.WS xarici KİV-ə istinadən məlumat verir ki, 90 yaşlı qadın səhnədə striptiz göstərib.
Münsiflər tərəfindən bəyənilən Doroti 12 yaşından rəqs etdiyini deyib. Şounun aparıcısı Nik Kennon “qızıl düymə”ni basaraq onu birbaşa yarımfinala keçirib.

.
Əməkdar artist Mehriban Xanlarova Binəqədi Rayon Polis İdarəsinə şikayət edib.
"Report"un əldə etdiyi məlumata görə, M.Xanlarova şikayət ərizəsində bir nəfərin onu şantajla hədələdiyini bildirib.
Belə ki, əməkdar artistin sosial şəbəkələrdə tanış olduğu bir nəfər kişi onun intim şəkillərini yayacağını deyib. 
Həmin şəxs M.Xanlarovadan 500 manat pul tələb edir.
.

Müğənni Səidə Sultanın “Qafqazinfo”ya müsahibəsi
- Səidə, mətbuata müraciət etdiz ki, sizi şantaj edirlər, fotoşoplu şəkillərinizi yaymaq istəyirlər. Nə məsələdir?
-Bu işi belə qoymayacam. Həmin şəxsin kimliyi mənə maraqlıdır. Lazımi orqanlara müraciət etmişəm. Xahiş etmişəm ki, bu məsələyə ciddi yanaşsınlar. Kimlərın adı məlum olacaqsa, sizə məlumat verəcəm. Onlardan biri mütləq şəkildə şou-biznes üzvlərindən biri olacaq. Hər şeyi qayda-qanun çərçivəsində həll edəcəm. Bir insan olaraq hər kəs qanunu bilməli, həmin qaydalara riayət etməlidir. Azadıq, müstəqilik, ancaq bu, o demək deyil ki, kiminsə abırını açıb ortaya qoyaq. Bunu ən axırıncı adamlar edir. Naməlum şəxslər instaqramda profil açıb, fotoşoplu şəkillərimi paylaşırlar. İnstaqramın “direkti”nə yazırlar, məni hədələyirlər.
“Onlar maska taxıb özünü xalqa satırlar”
- Nədənsə, bu kimi qalmaqallı hadisələr sizin başınıza gəlir...
- Sizə bir şey deyim, balaca vaxtı həyətdə bütün uşaqlar oynayardıq. Allah şahiddir ki, hasarın o biri tayından daş atırdılar. O daş hərlənib-firlanıb xeyli uşağın arasında mənim başıma düşürdü. Ömür boyu problemli biri olmuşam. Harda gic şeylər var başıma gəlib. İnsanlara çox güvənmişəm, səmimiliyimdən istifadə ediblər. Mənim əslində xalqdan gizlədiləsi heç nəyim yoxdur. Bir quru canım var. Elə şeylərim olub ki, şou-biznesə heç bir aidiyyatı olmayıb. Ancaq evimin söhbətləri şou aləminə gəlib çıxıb. Elə insana çevrilmişəm ki... Bu xalqdan, millətdən gizlədəsi, utanacağım, çəkinəcəyim heç nəyim yoxdur. Mən özümü tanıyıram. Həyatdı, heç nə asanlıqda əldə olunmur.
Mən bilirəm ki, Allah məni darda qoymur. 33 yaşım var, bu yaşa kimi heç kəsin daşımadığı yükü daşımışam. Ağır zərbələrim çox olub, amma həmin Səidə olaraq qalmışam. Rahatam ki, çox səmimi insanam, saxta deyiləm. Bir şey var ki, müğənniləri müğənnilər daha çox tanıyır. Xalq onları yaxından tanımır. Efirdə bəziləri ilə birgə qonaq oluram, onlar maska taxıb özünü xalqa satırlar. Yəni ki, özlərini “mələk” kimi təqdim edirlər. Mən isə belə şey edə bilmirəm. Məndə nə varsa, elə də hərəkət edirəm. Saxta olan insanlar da mənim onları yaxşı tanıdığımı bilirlər, belə danışırlar yanımda, daha sonra üzümə gülür, lakin aqressiv olurlar. Bilirəm ki, onlardan mənə nəsə pislik gələcək.
- Şou-biznes üzvlərini onsuz da qeyri-səmimi olmaqda ittiham edirlər. Səmimi olanları da qəbul etmirlər...
- Mənim nəyim olubsa, üzdə olub. Mən də istəyərəm ki, özümdən razı olum, maska taxa bilim. İnsan olaraq belə addımlar atmıram, elə bilərəm ki, süniləşərəm, qocalaram. Qoy məni belə tanısınlar. Məni görəndə istəmirəm desinlər ki, buna baxın, özünü artistliyə qoyur. Öləndə özümlə rəhmət aparmaq istəyirəm.
“Mən kütlənin arxasıyca qaçmamışam, heç vaxt da qaçmaram...”
- Artıq 33 yaşınız var, həyatda çox zərbələr aldığınız deyirsiz. İndi həmin zərbələrin qarşısını almaq mümükün deyil?
- Çox insan deyir ki, zərbələrin qarşısını almaq üçün dəyişmək lazımdır. Mən Allaha görə dəyişərəm, onun dediyi qanunlarla getməliyəm. Bilirəm ki, düz olan təkcə Allahdır. İnsanlar məni pis qələmə verir deyə dəyişməliyəm? Uzun geyinib, daha sonra başımı aşağı gəzərək özümü millətə satım? Mən onlar üçün yaşamalıyam? Gözüm aydın, özümə görə yaşayıram, öz səhvlərimə görə də Allah qarşısında cavab verəcəm. Birinci insanlar öz səvhlərini görməlidir, bu xoşbəxtliyə nəsib olandan sonra sakit durur, başqasına rəy bildirmirlər. Öz səhvlərini görmür, gözünü torla örtür, başqasına isə pislik edirlər.
Deməli, mənim imtahanım belə imiş... İstədiyim pulum olsa, hər şeyi əldə etsəm, bütün hərəkətlərim unudular, heç kəs də mənim haqqımda danışmaz. Sevənlərim də var, tamaşaçı sevgisini birdən-birə əldə etməmişəm. Bir vaxt var idi ki, kütlə məni olduğum kimi qəbul etmirdi, vəziyyət çox pis idi. İnsanlar isə dəyişib, özümü tam tapmışam. Ətrafımda olan dostlarım da oxuduğu mahnıları pul üçün yox, sənət xətrinə ifa edirlər. Mən kütlənin arxasıyca qaçmamışam, heç vaxt da qaçmaram. Müğənni kütləni dalınca aparmalıdır.
“Həmin insalara demək lazımdır ki, sənin ana-bacında ondan yoxdur?”
- Elə Space TV-də aparıcı olduğunuz veriliş reytinqli idi. Sizdən asılı olmayaraq sinəniz açıldı, tənqid olunduz, daha sonra efirdən uzaqlaşdız... Hətta, siz hər kəsdən üzr istədiz.
-Üzr istəməyə məcbur oldum. Hələ də sosial şəbəkədə görüntülərimi yayımlayırlar. Əslində, sinəmi bulanıq effekt verib yaya bilərdilər, ancaq etmədilər. Öz millətimiz hələ o hissəni dairəyə alır, ox ilə göstərir ki, bura da açılıb. Həmin insalara demək lazımdır ki, sənin ana-bacında ondan yoxdur? Mən istəyərdim ki, abırımı bu qədər açım ortaya qoyum? Söz deyə bilərəm, şıltaqlıq edərəm, amma qəsdən elə şey etmərəm. Biz tamaşaçıya görə niyə dəyişməliyik? Bilirdim ki, mənə qarşı qara reklam çox idi.
Məcbur olub üzr istədim. Səhvim yox idi, həmin günü tamaşaçılara dedim ki, belə şeyin olmağını istəməzdim. Mənə dedilər ki, xalqdan üzr istə, mən pis günə düşmüşəm, millətdən niyə üzr istəyim? Hadisədən sonra iki gün depressiyada oldum. Saytlarda görüntülər yayımlanmamışdı. İki gün sonra hamı videoları yaydı. Daha sonra işlədiyim kanalda prodakşın veriliş hazırlayırdı. Onlarla heç vaxt yola getmirdim. Bilirdim ki, onlar məni işdən çıxarmağa can atırdılar. Belə də oldu... Veriliş həvəskarı deyiləm, ancaq indi təklif gəlib. Bu barədə fikirləşirəm.
-Sizin geyimləriniz də həmişə tənqid olunur. Elə bil ki, toplum qısa geyinən müğənnilərə qərəzlidir...
- Sizə olduğu kimi hər şeyi danışacam. 2000-ci ilə kimi Azərbaycan şou-biznesi çox mədəni idi. İnsanlara çox maraqlı gəlirdi, dövr dəyişdi. Son vaxtlar isə rayonda yaşayan insanlar Bakıya axın edib. Onlar burada məskunlaşdı, yaşamağa başladılar. Təbii, rayon əhlinin hamısına şamil etmirəm. Elələri var ki, səviyyəli, yüksək dil bilmə qabiliyyətinə sahibdirlər. Amma çoxluq “Ayə, hey!” deyənlərdir. Bu tipli insanlar rayonda onun-bunun arxasına baxıb söz danışırlar. Rayonlarda yaranan sözbazlıq Bakıya gəlib. İndi, hamı sözbaz olub.
-Kənardan çılğın və sərbəst bir qadın təəssüratı yaradırsız, əslində necəsiz?
- Mənə dəyirlər ki, qəmli olma, sənə yaraşmır. Nə çəkdiyimi Allah bilir. Məsəl var ki, ən çox gülən insan, dərdli insandır.
“Dərmanları qəbul etmədim, sevgi yaşadım, depressiyanı unutdum”
-Tez-tez depressiyaya düşürsüz...
- Bir müddət depressiyadan müalicə alırdım. 2007-ci ildə atam dünyasını dəyişdi. Düşdüm depressiyada, iki il bundan əvvəl həkimə müraciət etdim. Dərmanlar qəbul etməyə başladım, daha sonra sevgi hissi yaşadım. Elə bil dərmanların məlhəmi sevgiyə ötürüldü. Dərmanları qəbul etmədim, sevgi yaşadım, depressiyanı unutdum. İndi isə yenidən depressiya yaşayıram.
“Onlar evləndilər, mən də ərə getmək istədim...”
- Xanım müğənnilərin elə bil ki, ən böyük problemi ailə həyatı qurmaqdır. Sizdə necə?
- Razıyam, ərə gedəndə bir söz, getməyəndə başqa söz deyirlər. Bacım Pərvanə 2010-cu ildə ailə həyatı qurdu. Bu ilə kimi ərə getmək haqqında heç vaxt düşünməmişəm. Kişi özünü öldürsün, desin ki, Səidə, səni sevirəm. Mən yenə də ciddi yanaşmayacaqdım. Bacılarım ailə qurandan sonra, ərə getmək həvəsinə düşdüm. 2010-cı ildən sonra ərə getmək istəyim daşa dəydi, sevgilimdən ayrıldım. Alınmadı, qorxdu... Müğənni xanımla evlənməyin məsuliyyəti böyükdür. Onları da başa düşmək olar, cəmiyyətimiz başqa cürdür. Elə kişilər var ki, söz götürmək istəmirlər. İstəyərəm ki, özüm kimi kişi qabağıma çıxsın.
- Müğənnilərimizin çoxu xarici vətəndaşlarla ailə həyatı qurur...
- “Ağciyər” kişilər bizdə daha çoxdu. Yəni ki, dildə deyirlər, əməldə reallaşdırmırlar. Ancaq danışırlar... İndiki zamanda belələrini hər yerdə görmək olar. Bir məsəl var ki, “heç vaxt heç vaxt demə”. Amma mən “heç vaxt” deyə bilərəm. Xarici vətədaşa heç vaxt ərə getmərəm. Qurban olaram Azərbaycan kişilərinə...
“Uşağın halal olması üçün nikah vacibdir”
-Yaxınlarınız övlad sahibi olmaq istəyiniz barədə çox danışır. Uşaq dünyaya gətirmək üçün nikah vacibdir?
- Uşağın halal olması üçün nikah vacibdir. Allah heç bir anaya belə şey qismət eləməsin. Niyə uşaq hamının yanında başıaşağı olmalıdır? Hamı ailə qursun, övlad dünyaya gətirsin. Mən demirəm ki, rəsmi nikah olsun. Dini nikah da ola bilər. Allahın buyurduğu qanuna riayət etməklə, uşaq dünyaya gətirmək olar. Əsas kəbindir...
“100 manata görə ölkədən çıxışıma qadağa qoyublar”
- Adınız vergidən yayınan məşhurlar sırasında hallandı...
- Hazırda mahnılar çıxara bilərəm, gündəmə gəlirəm. Elə olur ki, istəmədiyim halda məndən yazırlar. Vergilər Nazirliyi ilə düşmənçiliyim yoxdur. Elə bir plan qurublar ki... 100 manata görə ölkədən çıxışıma qadağa qoyublar. Diaspora və başqalarının təşkil etdiyi dövlət konsertləri üçün xaricə gedirəm. Mənə deməzlər ki, həm qadağa qoyurlar, həm də konsertə niyə aparırlar? Söhbət puldan getmir, məsələ bu qədər ucuzlaşmayıb. Biz xaricdə yaşamırıq. Onlarda müğənni ilə çalışan şirkətlər vaxtında vergilərini ödəyirlər. Bizdə isə hər şey müğənninin üzərindədir. Rəsmi olaraq iş yerim yoxdu, maaş almıram. Qocalanda pensiya kartı da istəmirəm.
- Bəlkə də, günahkar siz müğənnilərsiz? Bəzi müğənnilər daha çox maşınlarını, evlərini reklam edir, toy qiymətlərini açıqlayırlar...
- Bir nəfər görə hamıya qarşı belə addım atmaq lazım deyil. Olanda susmuşam, olmayanda isə səsimi çıxartmamışam. Vergidən də mənə deyirlər ki, kimlərin daha çox qazandığını bilirik. Bilirsizsə, strukturunuzu düzgün qurun. Guya, hamı vergi verəcək? Hər şey düzələcək?
.
Xəbər verdiyimiz kimi, Vergilər Nazirliyi vergi ödəməyən müğənnilərin adlarını açıqlayıb.
Siyahıda Emil Bədəlov, Səidə Sultan, Brilliant Dadaşova, Abbas Bağırov, Rəqsanə İsmayılova, Gülyanaq Məmmədova, Elza Seyidcahan və Xəyyam Nisanov kimi məşhurların adları yer alıb. 
Adı vergidən qaçan müğənnilərin sırasında olan Əməkdar artist Abbas Bağırov nazirliyi ittiham edib.
Müğənni açıqlamasında vergi borcunun olmadığını deyib.
“Məni heç nə maraqlandırmır. Çünki borcum yoxdur. Borcum varsa, niyə xəbərdarlıq etmirlər, niyə bildiriş göndərmirlər? Ona görə də adımı siyahıya salıblar, ya salmayıblar mənim üçün əhəmiyyətli deyil. Canları sağ olsun”.
Xalq artisti Gülyanaq Məmmədova adının borcluların siyahısında olmasına təccüblənib.
“2008-ci ildən vergi ödəyirəm. Mən qanunu pozmağı sevmirəm. İndiyədək vergi borcumu vaxtlı-vaxtında vermişəm. Adımı siyahıya niyə salıblar, mənə də təəccüblü gəlir.
Hətta Gülyaz üçün də VÖEN açdırmışıq. Baxmayaraq ki, biz dövlət müəssisələrində çalışırıq, maaşımızdan qanunu olaraq vergi tutulur. Bir də getdiyimiz toylara görə də vergi verirəm. Oktyabır ayından bu günə kimi borcum yox idi. Məni çağırdılar ki, sənin 5200 manat borcun var. Dedilər ki, 2015-ci il üçün 25 toya getmisən. Bu sözü eşidəndə dəhşətə gəldim. Deyirlər qohumunun toyunda pulsuz oxumusansa da vergi verməlisən. Özlərinə də dedim ki, mən bu məbləği ödəməyəcəyəm, imkanım yoxdur”.
AzVision.az 
.

Cəfər Cabbarlı adına Azərbaycanfilm Kinostudiyasının direktoru Müşfiq Hətəmovun “Açıq-saçıq rollara çəkilmədiyi üçün rejissorlar məcburiyyət qarşısında yerli filmlərdə çəkilmək üçün başqa ölkələrdən aktrisalar dəvət edir…” fikirləri gənc aktrisa Mələk Heydərovanı özündən çıxarıb.
 ____________________________

Açıqlama verən aktrisa ittihamı qəbul etməyib: “Bizim rejissorlar kənar yerdən gətirdikləri aktrisaya elə bir məbləğ təklif edirlər ki, həmin aktrisa istənilən səhnəni oynamağa razılıq verir. Amma bizim aktrisalara o səhnəni oynamaq təklifi qarşısında çox cüzi qonorar verirlər. Xaricdə seksual səhnələri oynadığı üçün aktrisa qınaq atəşinə tutulmur. Üstəgəl də bunun müqabilində yaxşı məbləğ alır. Film də dünyada uğur qazanır. Biz isə beş manat pul alırıq, üstəgəl də beş il də camaatın ağzında söz oluruq. Bizi ağ yuyub, qara sərirlər. Hələ bilmirik də ki, o film uğur gətirəcək ya yox. Lazım gələrsə, filmdə öpüşərəm də, yataq səhnəsinə də çəkilərəm. Amma baxır hansı məbləğə. 100 min versələr, filmdə öpüşərəm, milyon versələr, yatağa girərəm”.
 
M.Heydərova onu da bildirib ki, seksual səhnələrin necə çəkilməsindən çox şey asılıdır: “Alen Delonun çəkildiyi bir film var, orada sevgilisinin əlcəyi yerə düşür. Aktyor onu elə ehtirasla yerdən qaldırır ki, ona baxan tamaşaçı ehtiraslanır. O səhnə yüz ilin ən seksual səhnəsi sayılırdı.
Yəni sözümün canı budur ki, rejissordan çox şey asılıdır. Öpüş, yataq, ümumiyyətlə, seksual səhnələri açıq-saçıqlıq olmadan da verə bilər”. publika.az

Azərbaycanlı aktrisa: “İstədiyim pulu versələr, yatağa girərəm”

Xəbər lenti