.
Gəncə Dövlət Universitetinin dosenti, texnika elmləri üzrə fəlsəfə doktoru Elçin Cavadov özlərini jurnalist kimi təqdim edib şər və böhtan xarakterli yazılar yazaraq vətəndaşdan pul tələb edən şəxslər barədə tədbir görülməsini istəyir:
"Ölkəmizdə milli mətbuatın inkişafına göstərilən davamlı qayğı, senzuranın ləğvi, söz və fikir azadlığına yaradılan münbit şərait son illər qazandığımız möhtəşəm uğurlar sırasında yer alır. Ancaq qürur doğuran uğurlarla yanaşı, söz azadlığını bayrağa çevirib başı üzərinə qaldıran, lakin dediyi sözün, cəmiyyətə çatdırmaq istədiyi fikrin məsuliyyətini dərk etməyən bəzi kütləvi informasiya vasitələri yalan, böhtan, şər, iftira yazmaqdan hələ də usanmırlar.
Mətbuat Şurası “reket jurnalistika” ilə mübarizəyə başlayanda bunu cəmiyyət məmnunluqla qarşıladı. İctimai maraqdan çox şəxsi məqsədlərə xidmət edən, sözün həqiqi mənasında, reketçiliklə məşğul olan qəzet və saytların adı Mətbuat Şurasının tərtib etdiyi “qara siyahı”ya salınır, ictimai qınağın hədəfinə çevrilirdi. Bu “cəza” ilk zamanlar müəyyən effekt doğursa da, tədricən öz təsirini itirmişdir.
Ona görə ki, belələri “qara siyahı”ya salınmış qəzet və saytlarının adını dəyişsə də iş prinsipləri,məqsədləri və məramları dəyişmir,onu-bunu şantaj etməklə pul qazanmaqda davam edirlər. Məsələn, əvvəllər həmin “qara siyahı”da olan "Xalq keşiyində" qəzetinin baş redaktoru ,indi isə “vetenperverler.az” saytının redaktor müavini kimi fəaliyyət göstərən, ancaq varlığı belə jurnalist kimi şərəfli peşəyə ləkə olan, peşəkar jurnalistikadan xəbərsiz, adını düz əməlli yaza bilməyən, özünü peşəkar hüquqşünas adlandıran Səyyad Əsgərov kimi.
Görəsən, birinci Qarabağ müharibəsində bu "vetenperver oğlan" haralarda olub? 
Səyyad Əsgərov əvvəllər belə işlərlə bağlı dəfələrlə istintaqa da cəlb olunmuşdur. Məsələn,bu məlumatlardan biri ilə aşağıdakı linkdən tanış olmaq olar.
Onlar sahibkarlardan hədə-qorxu ilə pul tələb ediblər
Quba rayon sakinləri olan iş adamları Bəxtiyar Məmmədov, Rüfət Qurbanov, Zəfa Məsimov, İsgəndər Hüseynov və Rövşən Babayev bir qrup jurnalistin onlara hədə-qorxu gələrək pul tələb etmələri barədə şikayət ərizəsi ilə Daxili İşlər Nazirliyinin (DİN) Baş Mütəşəkkil Cinayətkarlıqla Mübarizə İdarəsinə müraciət ediblər.
DİN mətbuat xidmətindən Lent.az-a daxil olan məlumata görə, ilkin araşdırma zamanı müəyyən edilib ki, özlərini jurnalist kimi təqdim edən Şahlar Vəliyev, Eldar Əsgərov, Səyyad Əsgərov və Nüşabə Qasımova qabaqcadan əlbir olub cinayət əlaqəsinə girərək, rayon ərazisində yerləşən yuxarıda adları çəkilən şəxslərə məxsus «Qübbə», «Ramin», «Qoşa çinar», «Əfsanə» və «Rüstəm» kafelərinin fəaliyyətləri ilə əlaqədar rüsvayedici məlumatlar yayacaqları hədəsi ilə onların hər birindən 1.000 manat tələb istəyiblər. 
Baş İdarəyə dəvət olunmuş Şahlar Vəliyev və Eldar Əsgərov öz izahatlarında törətdikləri əməlləri etiraf ediblər. Araşdırmalarla məlum olub ki, Sumqayıt şəhər sakini Şahlar Vəliyev «Yeni Azərbaycan Dünyası», Şirvan şəhər sakinləri Eldar Əsgərov və Səyyad Əsgərov isə «Günəşli Azərbaycan» və «Qanun və gerçəklik» qəzetlərinin baş redaktorları kimi jurnalist adına yaraşmayan, ona ləkə gətirən fəaliyyətlə məşğul olaraq, ayrı-ayrı vətəndaşlardan və iş adamlarından müxtəlif vaxtlarda hədə-qorxu ilə pul tələb ediblər. 
Toplanmış materiallara əsasən, onların barəsində Azərbaycan Respublikası Cinayət Məcəlləsinin 182.2.1 (Qabaqcadan əlbir olan bir qrup şəxs tərəfindən hədə-qorxu ilə tələb etmə) maddəsi ilə cinayət işi başlanıb, istintaq aparılır. 
Adları qeyd edilən şəxslərin əməllərindən zərər çəkmiş vətəndaşlardan 496-39-13 nömrəli telefonla DİN-in Baş Mütəşəkkil Cinayətkarlıqla Mübarizə İdarəsinə zəng vurub məlumat vermələri xahiş edilir.
Məncə, əlavə şərhə ehtiyac yoxdur. Məlumatlara görə Səyyad Əsgərov Eldar Əsgərovun ogludur.Ata-bala hər ikisi onu bunu şantaj etməklə məşğuldur.
Səyyad Əsgərov bir neçə il həbs olunsa da bu ona dərs olmamışdır. Əsgərov Səyyad Eldar oğlu 2015-ci ildə cəzadan şərti olaraq vaxtından əvvəl azad edilməsi haqqında apellyasiya şikayəti versə də , 21 Iyul 2015 - ci il tarixdə hakim Mursaqulov Vaqif Ənvər oğlunun sədrliyi ilə onun işinə baxılmış və qərar dəyişdirilmədən saxlanılmışdır. (7(103)-311/15 Nizami rayonu)
Göründüyü kimi, bu şəxs öz köhnə “ənənəsinə” sadiq qalaraq yalan, böhtan yazmaqdan yenə də çəkinmir,hətta telefonla zəng edib onu-bunu şantaj edir.Kimsə onun saytdakı nömrəsinə zəng edərək hansısa problemi ilə bağlı məlumat verib onun mətbuatda işıqlandırılmasını xahiş etdikdə Səyyad Əsgərov haqqında şikayət olunan şəxsə bu barədə məlumat verir, ondan kifayət qədər pul qopardıqdan sonra həmin şəxsin yanından şikayətçiyə zəng edir,heç nə olmamış kimi danışır, problemi həll edəcəyini və aidiyyəti orqanlara çatdıracağını bildirir və daha sonra pul aldığı şəxsə deyir: "Ğördün? Düşmənini tanı...Səndən yazanı bil" 
Səyyad Əsgərov öz saytında müxtəlif idarə və müəssisələr, müxtəlif şəxslər haqqında şantaj xarakterli məlumatlar yazmaqda davam edir.Yazılarının altında "qarşı tərəfin mövqeyini yerləşdirməyə hazırıq" sözlərini yazsa da mətbuat haqqında qanunu kobud şəkildə pozaraq bundan imtina edir.
Onun saytında təkcə Gəncə Dövlət Universiteti ilə bağlı böhtan xarakterli 100-dən artıq məqalə var.Yazmağa bir şey tapmayanda köhnə məqalələri təzə tarixlə yenidən yerləşdirir.Hətta elə məqalələr var ki,orada adı bu gün çəkilən şəxslər bir neçə ildir ki,həyatda yoxdur. 
Ona görə də, biz yaxın günlərdə Səyyad Əsgərovun bu bəd əməlləri barədə artıq müvafiq strukturlara müraciət edəcəyik.Bir daha bildiririk ki,Səyyad Əsgərov böhtan xarakterli yazılarını davam etdirərək öz hərəkətlərinə son qoymasa,onun müxtəlif şəxsləri şantaj edib pul tələb etməsi barədə özünə məxsus audio yazılar yaxın günlərdə müvafiq orqanlara veriləcəkdir. Biz ona fikir vermədikcə, bu "şəxs" öz ambisiyalarından və şantaj xarakterli əməllərindən əl çəkmir.
Dostluğumda olan jurnalistlərə bildirmək istəyirik ki,bizim jurnalistlərə böyük hörmətimiz var, ancaq jurnalistikadan çox reketçiliklə məşğul olan bu adam ağını çıxartdığı üçün bu addımı atmaq məcburiyyətində qaldıq. Bu adam telefonla bizi təhdid edərkən adını buradan yazmaq istəmədiyimiz çox dəyərli jurnalistlərin ünvanına alçaldıcı sözlər deməkdən belə çəkinmədi.
Maraqlıdır ki,bu adam bir neçə dəfə belə hərəkətləri üstündə həbs olunsa da heç bir nəticə çıxartmır. Ona görə də hüquq mühafizə orqanları bu tip əməllərə qarşı mübarizəsini davam etdirməli və mətbuatı belə üzdəniraq «jurnalistlər»dən təmizləməlidir. Belə fırıldaqçı, dələduz «jurnalistləri» mətbuatdan təmizləməyin vaxtı çoxdan çatıb. Ölkə mətbuatını bərbad hala salan belələrinə qarşı ciddi tədbir görülməli və barələrində cinayət işlərinin qaldırılması prosesi davam etdirilməlidir.
Aşağıda verilən səs yazısında Səyyad Əsgərov Gəncə Dövlət Universitetinin xanım əməkdaşlarından birinin qardaşından bacısı haqqında yazdığı materialların saytdan yığışdırılması üçün pul tələb edir və deyir ki, biz 4 saytıq, keçən dəfə 1000 manat vermisən, onu 3-ə vur edir 3000 manat. Bu qədər də ver, qoy məsələni bağlayaq. Həmin şəxs bunun çox olduğunu bildirib etiraz etdikdə Səyyad Əsgərov deyir ki, yox bu vallah mənlik deyil.
Bu danışıqların tam versiyası, habelə buna bənzər bir neçə danışığın tarixləri və danışılan nömrələr yaxın günlərdə Dövlət Təhlükəsizliyi Xidmətinin müvafiq strukturuna təqdim ediləcəkdir. Qoy onlar bu məsələni ətraflı araşdırsınlar."

Submit to DiggSubmit to FacebookSubmit to Google PlusSubmit to StumbleuponSubmit to TechnoratiSubmit to TwitterSubmit to LinkedIn

Şərh yaz


18 Avqust 2017 "...əgər təhsil aldığınız "gəminin” batdığını görürsüzsə..."-Təhsil Eksperti
18 Avqust 2017 Türkiyədə Atatürkə münasibət dəyişib - SƏBƏBLƏR
17 Avqust 2017 Prezident yol tikintisinə 5,8 milyon pul ayırdı
17 Avqust 2017 Yevda Abramovun müsahibəsi rezonans doğurub-deputatın dediklərinə reaksiyalar
16 Avqust 2017 Prokuror Akif Çovdarova 15 illik həbs cəzası istəyib (YENİLƏNİB)
15 Avqust 2017 Rövşən Rzayev: “Bu, mənə qarşı qərəzli münasibətdir!”
14 Avqust 2017 Çexiya XİN-in dövlət katibi Bakıya gəlib
12 Avqust 2017 Prezident Qax-Zaqatala yolunun bərpasına 23,3 milyon manat ayırdı
12 Avqust 2017 UNICEF: Azərbaycan hökuməti qanunu pozan uşaqların həbsxanada cəza çəkməmələri üçün alternativ yollar axtarır
11 Avqust 2017 Trampdan Şimali Koreya ilə bağlı növbəti açıqlama
10 Avqust 2017 ABŞ Dövlət Departamenti Kubanın iki diplomatını ölkədən çıxarıb
09 Avqust 2017 FTB Trampın seçki qərargahının keçmiş rəhbərinin evində axtarış aparıb
08 Avqust 2017 Astan Şahverdiyevi cəzalandıracaq
07 Avqust 2017 İrandan Qarabağ açıqlaması: Böyük problem...
06 Avqust 2017 Rusiya və Türkiyə xarici işlər nazirləri Filippində görüşüb
06 Avqust 2017 Şimali Koreyaya qarşı sanksiyalar sərtləşdirildi
04 Avqust 2017 AZAL əhaliyə müraciət etdi: fırıldaqçılar müştərilərə...
04 Avqust 2017 Oqtay Əsədov Həsən Ruhaninin andiçmə mərasimində iştirak edəcək
03 Avqust 2017 Sürət Hüseynov sükutu pozdu - Pənah Hüseyn ağzından vurdu: iki sabiq baş nazir üz-üzə...
03 Avqust 2017 Yaponiya hökuməti istefaya getdi: Yeni təyinatlar
02 Avqust 2017 Aİ-nin Azərbaycandakı nümayəndəliyinə yeni rəhbər təyinatı olub
02 Avqust 2017 Tramp qanunu imzaladı – Rusiyaya qarşı sanksiyalar qüvvəyə mindi
01 Avqust 2017 BMT ilə BAMF arasında müzakirə keçirildi
01 Avqust 2017 Hindistan səfiri ADAU-da olub!
31 İyul 2017 Prezidentdən Çingiz Qənizadəyə yüksək orden
31 İyul 2017 Azərbaycan apreldə daha çox ərazini azad etməli idi - İran
31 İyul 2017 Qazaxın icra başçısının müavini işdən çıxarıldı
30 İyul 2017 Heç nəyi cavabsız qoymayacağıq - Putin
29 İyul 2017 "Qarabağdan Uçhisara könül körpüsü: Azərbaycan-Türkiyə Qardaşlıq Gecəsi” keçirilib
29 İyul 2017 Türkiyə XİN-dən Şimai Koreyaya çağırış:"Dünyada gərginlik yaradacaq addımlardan əl çəkin"

Xəbər lenti