.
Azərbaycan Milli Elmlər Akademiyasının (AMEA) Elmi Müəssisələrinin Direktorları Şurasının iclası keçirilib. Modern.az xəbər verir ki, tədbirdə AMEA-nın prezidenti, vitse-prezidentləri, akademik-katibi, elmi bölmələrin akademik-katibləri, institut və təşkilatların direktorları, AMEA Rəyasət Heyəti aparatının məsul əməkdaşları iştirak ediblər.

AMEA-nın prezidenti, akademik Akif Əlizadə iclas iştirakçılarını salamlayaraq 15 iyun – Milli Qurtuluş günü münasibətilə təbrik edib. 

Sonra akademik Akif Əlizadə gündəlikdə olan məsələləri tədbir iştirakçılarının diqqətinə çatdırıb. Birinci məsələ AMEA-nın magistraturasının ilk buraxılışı və magistraturaya növbəti qəbul haqqında olub. Akif Əlizadə qısa zamanda Akademiyanın təhsil sahəsində əldə olunan uğurlarından danışıb: 

"AMEA-nın magistraturasının böyük nüfuz və reytinq qazanması alimlərimizin uğurudur və buna görə hər kəsə öz minnətdarlığımı bildirirəm. Hazırda AMEA-ya xeyli sayda abituriyentin sənəd verməsi Akademiyada yaradılan şəraitdən, magistratura təhsil pilləsinin müvəffəqiyyətlə həyata keçirilməsindən xəbər verir".

 
Mövzu ilə əlaqədar çıxış edən AMEA Rəyasət Heyəti aparatının Elm və Təhsil İdarəsinin rəisi, AMEA-nın müxbir üzvü Əminağa Sadıqov Akademiyanın magistratura pilləsinə növbəti tədris ili üçün qəbulun gedişatından, gənclərdə elmə, AMEA-ya böyük marağın olmasından danışıb. O, AMEA-nın magistraturasına 87 plan yerinə 1742 ərizənin, o cümlədən orta hesabla hər bir yerə 20-dən yuxarı ərizənin verildiyini, bəzi ixtisaslarda isə bu rəqəmin 50-yə yaxın olduğunu bildirib. Ə.Sadıqov qeyd edib ki, iyulun 7-də AMEA-nın magistraturasında ilk buraxılış olacaq. Akademiyadan müxtəlif ixtisaslar üzrə 18 nəfərin məzun olmasını, onların magistr dissertasiya işlərini yüksək səviyyədə müdafiə etmələrini AMEA-nın həyatında tarixi hadisə kimi qiymətləndirib, məzunlara diplom təqdimetmə mərasiminin təntənə ilə qeyd ediləcəyini bildirib.
 

Tədbirdə magistratura səviyyəsinə qəbul və magistr hazırlığı prosesilə bağlı həyata keçiriləcək tədbirlərlə bağlı AMEA-nın akademik-katibi, akademik Rasim Əliquliyev öz təkliflərini verib, ölkəmiz üçün yüksəkixtisaslı kadr hazırlığında, yeni elmi nəsil yetişdirilməsində AMEA-nın böyük potensiala malik olduğunu vurğulayıb.

İclasda AMEA prezidenti, akademik Akif Əlizadə Akademiyanın elmi müəssisələrində ingilis dilinin öyrənilməsinin vəziyyəti, alimlərin biblioqrafik göstəricilərinin müasir tələblər səviyyəsində nəşr edilməsi ilə bağlı çıxış edib, təkliflərini səsləndirib.


Sonra AMEA prezidenti Akademiya ilə Fövqəladə Hallar Nazirliyi arasında əməkdaşlıqdan danışaraq nazirliyin AMEA-nın müəssisələri ilə sıx əlaqələr qurduğunu bildirib. Bununla əlaqədar çıxış edən Yusif Məmmədəliyev adına Neft-Kimya Prosesləri İnstitutunun direktoru, akademik Vaqif Abbasov, Genetik Ehtiyatlar İnstitutunun direktoru, AMEA-nın müxbir üzvü Zeynal Əkpərov və Torpaqşünaslıq və Aqrokimya İnstitutunun direktoru, AMEA-nın müxbir üzvü Əlövsət Quliyev FHN ilə əməkdaşlıq çərçivəsində yeni layihələrlə əlaqədar konkret addımlar atıldığını nəzərə çatdırıblar.


Direktorlar Şurasının iclasında Akademiya əməkdaşlarının sosial vəziyyətinin yaxşılaşdırılması haqqında çıxış edən AMEA-nın İşlər İdarəsinin müdiri, siyasi elmlər üzrə elmlər doktoru Fətəli Abdullayev AMEA Rəyasət Heyətinin müvafiq qərarı ilə yaradılmış mənzillərin bölüşdürülməsi üzrə komissiyanın işə başladığını deyib: 

"Akademiya ilə “Evrostroy-S” MMC arasında bağlanmış 14 noyabr 2012-ci il tarixli müqaviləyə əsasən, Bakı şəhəri, Yasamal rayonu, Şərifzadə küçəsi, 12 ünvanındakı yataqxananın ərazisində inşa edilən yeni binalardan həmin yataqxanada yaşayan və AMEA-da işləyən elmlər doktorları, fəlsəfə doktorları və elmi dərəcəsi olmayan elmi işçilərin Akademiyaya ayrılmış mənzillərə köçürülməsi üçün mənzillərin bölüşdürülməsi prosesinə start verilib. Növbəti mərhələdə yataqxanada qeydiyyatı olub, üzrlü səbəbdən yaşamayan elmi işçilərin mənzil problemlərinin araşdırılmasına başlanılacaq".

AMEA-nın İşlər İdarəsinin müdiri Fətəli Abdullayev AMEA əməkdaşlarına və onların ailə üzvlərinə verilən mənzillərin püşkatma yolu ilə həyata keçirildiyini, bölgü zamanı əməkdaşların elmi dərəcələri və ailə vəziyyətinin nəzərə alındığını xatırladıb. F.Abdullayev AMEA-nın elmi işçilərinin sosial vəziyyətinin yaxşılaşdırılması istiqamətində gələcəkdə də müvafiq işlər görüləcəyini qeyd edib.


Modern.az
 
Submit to DiggSubmit to FacebookSubmit to Google PlusSubmit to StumbleuponSubmit to TechnoratiSubmit to TwitterSubmit to LinkedIn

Şərh yaz


28 İyun 2017 Q.paşayeva: Ermənistan Suriyadan qaçmaq məcburiyyətində qalan ermənilərdən öz işğalçı siyasətlərini davam etdirmək üçün istifadə edir
27 İyun 2017 AŞPA-nın sədrini istefaya göndərə biləcək yeni reqlament qəbul edilib
27 İyun 2017 Azərbaycan Polşa ilə bu sahələrdə əməkdaşlıq edəcək - SƏNƏDLƏR İMZALANDI
27 İyun 2017 Ermənistanın hərbi rəhbərliyinin nitqi niyə tutuldu...
27 İyun 2017 “Azərbaycan Qarabağı qaytarmaq üçün müharibəyə hazırlaşır” – Rusiyalı hərbi ekspert
27 İyun 2017 Oqtay Əsədov Koreyaya getdi
26 İyun 2017 Putin təcili iclas çağırdı
26 İyun 2017 Qənirə Paşayeva Malavi, Kamerun, Seneqal millət vəkilləri ilə köçkün qadınlardan danışıb.
25 İyun 2017 Qənirə Paşayeva Hindistan, Vyetnam və Kombocanın tanınmış qadınları ilə Qarabağdan danışıb
25 İyun 2017 İlham Əliyev “Zavtra” qəzetinin baş redaktorunu qəbul edib
24 İyun 2017 Q.Paşayeva ön cəbhədə Ağdam və Vahidlidə sakinlərin Ramazan bayramını təbrik edib, qayğı və problemlərini dinləyib
24 İyun 2017 Baş Prokurorluq Əkrəm Həsənova XƏBƏRDARLIQ ETDİ
23 İyun 2017 Alimlərin mənzil davasına AMEA-dan cavab
23 İyun 2017 Telman İsmayılova daha bir şok
22 İyun 2017 Fransa Senatında azərbaycanlı qaçqın və köçkün problemi - Fotolar
22 İyun 2017 Ramazan ayında bir qədər xoş niyyətli olmaq çox çətin idimi?- Kamran Əsədov
22 İyun 2017 Millət vəkili Q.Paşayeva kənd sakinlərinin qaldırdıqları məsələləri Baş Nazirin diqqətinə çatdırıb
21 İyun 2017 Ədliyyə Nazirliyi Akif Çovdarovun səhhəti ilə bağlı vəkillərin fikirlərinə münasibət bildirib
21 İyun 2017 İran-ABŞ-Avropa:hərbi təhdidlər çoxalır, biznes isə genişlənir – Təhlil
21 İyun 2017 Millət vəkili Q.Paşayeva Düz Qırıqlıda sakinlərlə görüşüb
20 İyun 2017 Hökumət Evinə giriş qadağan edilir
20 İyun 2017 Ölkədə yeni dövlət qurumu yaradıldı - Rəhbəri kimdir? Hansı işlərə baxılcaq?
20 İyun 2017 Fransanın Müdafiə naziri istefaya gedir - Bir aydır təyin olunmuşdu
20 İyun 2017 Q.Paşayeva Tovuzda ön cəbhə kəndlərində uşaqlar üçün kitab bayramı keçirib
19 İyun 2017 Artur Rasi-zadə Laosun xarici işlər naziri ilə görüşüb
19 İyun 2017 ATƏT-in Minsk qrupunun həmsədrləri yaxın zamanlarda Azərbaycan və Ermənistan XİN başçıları ilə görüşəcək
19 İyun 2017 Dövlət qulluğunda daha çox hansı kadrlara ehtiyac var? –Məleykə Abbaszadə açıqladı
19 İyun 2017 Millət vəkili Tovuzun Qədirli və Cilovdarlı kəndlərini ziyarət edib
19 İyun 2017 Fransada Makronun partiyası böyük fərqlə qalib gəldi
18 İyun 2017 Ramil Usubov rəisi işdən çıxartdı və...

Xəbər lenti