.
Türklər daima dünya tarixinə yön verən xalqlar sırasında yer alıb. Bu xalqın içərisindən çıxan və dünyanın böyük hissəsini nəzarətində saxlamağı bacaran hökmdarlar olub.
Axar TV dünya tarixində iz qoymuş 7 türk hökmdarı haqdayazını təqdim edir:
Mete Xan
Eradan əvvəl 234-174-cü illərdə yaşayıb. Çin mənbələrində onun adı Modun Şanyu olaraq keçir. Türk tarixinin ilk imperiyasının yaradıcısı sayılır. Hakimiyyətdə olduğu dönəmdə güclü imperiya yaratmağı bacaran Mete xan sonradan Çini öz nəzarəti altına ala bilmişdi. Məhz Metexanın və hun tayfalarının ağır hücumları Çini Böyük Çin Səddini tikməyə məcbur etmişdi.
Bilgə xaqan
683-734-cü illərdə yaşayıb. İkinci Göytürk İmperatorluğunun rəhbəridir. Həyatı boyunca böyük savaşlara qatılıb. Qatıldığı ən böyük savaş isə Ezginti Kadız savaşı olub. Soydaşları olan Doqquz Oğuz boyları ilə savaşan göytürklər bu müharibəni qalibiyyətlə başa vurublar. 17 il hakimiyyətdə qalan Bilgə xaqan güclü dövlət yaratmağı bacarıb. O, 734-cü ildə zəhərlənərək öldürülüb. İddialara görə, Buyruk Çor adlı əyanı tərəfindən qətlə yetirilib. Çorun onun qətli sifarişini Çindən aldığı güman edilir.
Atilla
406-453-cü illərdə yaşayıb. Qərbi Hun İmperiyasının hökmdarı olan Atilla hakimiyyəti dönəmində ölkəsinin sərhədlərini Xəzərdən Romaya qədər uzatmağı bacarıb. Atilla Avropa tarixinə“Tanrının qamçısı” adı ilə düşüb. O, Bizans və Romanı tabeliyi altına salmağı bacarıb. Atilla həmçinin tarixə Roma Papasını qarşısında diz çökdürən şəxs kimi düşüb. O, 453-cü ildə yeni həyat yoldaşı, romalı şahzadə tərəfindən zəhərlənərək qətlə yetirilib.
Alparslan
1033-1072-ci illərdə yaşayıb. Böyük Səlcuq İmperiyasının hökmdarı olub. Hakimiyyətdə olduğu zaman ərzində imperiyanın ərazilərini xeyli genişləndirib. İmperiyanın sərhədləri cənubda Misirə, şərqdə Qaraxanlı dövlətinə, qərbdə Bizansa, şimalda isə Şimali Qafqaza qədər çatıb. Alparslan türk tarixinə 1071-ci ildəki Malazgird döyüşü ilə düşüb. Bu döyüşdə ordusundan 2 dəfə çox döyüşçüyə sahib olan Bizansı məğlub edən Alparslan imperator IV Diogeni də əsir götürməyi bacarıb. Alparslanın bu qələbəsi türklərin Anadoluda yerləşməsi prosesini qətiləşdirib. Alparslan 1072-ci ildə Türküstana səfəri zamanı Yusif əl Xarəzmi adlı qala rəisi tərəfindən qətlə yetirilib. İddialara görə, hökmdarın erməni əsilli mühafizəçisi əl Xarəzmi nizəylə vuraraq öldürməsi ona qarşı sui-qəsdin üstünü açmağa imkan verməyib.
Səlahəddin Əyyubi
1138-1193-cü illərdə yaşayıb. Əyyubilər dövlətinin rəhbəri olub. Tarixdə xeyirxahlığı və səlibçilərə qarşı savaşı ilə yadda qalıb. Məhz o, 1187-ci ildə Qüds şəhərində səlibçilərin 88 illik hakimiyyətinə son qoymağı bacarıb.
Fateh Sultan Məhməd
1432-1481-ci illərdə yaşayıb. Osmanlı imperiyasının hökmdarı olub. Dünya tarixinə 1453-cü ildə İstanbulu fəth edərək, Bizans imperiyasına son qoymasıyla düşüb. Bunun sayəsində İstanbul ömürlük olaraq türklərin hakimiyyəti altına keçib. Onun zamanında Osmanlı Balkanlar və Şərqi Avropanın bir hissəsini nəzarət altına alıb. 1481-ci ildə Anadoluya səfər zamanı xəstəlikdən vəfat edib. Bəzi mənbələrdə onun Vatikan tərəfindən zəhərləndiyini iddia edilir.
Şah İsmayıl Xətai
1487-1524-cü illərdə yaşayıb. Azərbaycan tarixinin ən güclü imperiyası olan Səfəvilərin rəhbəri olub. Azərbaycanı ilk dəfə olaraq tam şəkildə mərkəzləşdirə bilib. Ölkəsinin sərhədlərini şərqdə Pakistana, qərbdə Suriyaya, cənubda İran körfəzinə, şimalda isə Dağıstana çatdıra bilib. Onun rəhbərliyi altında şərqdə ilk tam güclü şiə təriqətinin hökmran olduğu dövlət yaradılıb. Xətainin zamanında türk dili inkişafının ən yüksək səviyyəsinə çatıb.
.
SOCAR Cope MMC-yə məxsus avtomobilin qəzadan sonrakı videosu yayılıb.
Axar.az xəbər verir ki, videoda qəzadan sonra avtomobildə sıxışıb qalan yaralıların xilas edilməsi prosesi əks olunub.
Qeyd edək ki, hadisə dekabrın 1-i, saat 7 radələrində Bakı-Ələt yolunda baş verib. Qəza zamanı “Mitsubişi” markalı avtomobildə üç şirkət işçisi olub. Avtomobildə olanlardan biri sürücü, digəri SOCAR işçisi, biri isə Faysal Rehma adlı Pakistan vətəndaşı olub. Qəza nəticəsində avtomobildə olan sərnişinlər və sürücü ağır yaralanıb.
Hazırda hər üç şəxsin vəziyyətinin ağır olduğu bildirilir.
.
Hindistanın Heydərabad şəhərində keçirilən VIII Qlobal Sahibkarlıq Sammitində iştirak edən və ABŞ prezidentinin qızı və baş müşaviri İvanka Trampın bütün dünyaya nümunə göstərdiyi Reyhan Camalova artıq Bakıdadır.
Axar.az xəbər verir ki, 15 yaşlı azərbaycanlı ixtiraçı səfər təəssüratlarını Xəzər TV ilə bölüşüb. O, Azərbaycanı gənc yaşda təmsil etməkdən fəxarət hissi duyduğunu bildirib.
ABŞ prezidentinin qızı və baş müşaviri İvanka Tramp Qlobal Sahibkarlıq Sammitindən bir gün sonra da Reyhan Camalova ilə görüşüb.
150 ölkədən 1500 nəfər iştirakçı arasında fərqlənməyi bacaran Reyhana artıq ixtirası ilə bağlı 5 investordan təklif də gəlib.
Reyhanın ərsəyə gətirdiyi "Reynerci” adlı qurğu yağışdan enerji alır. Hazırda alternativ enerji mənbələrinə olan tələbatı nəzərə alsaq, bu ixtiranın daha çox marağa səbəb olacağını deyə bilərik.
Qeyd edək ki, Reyhan Camalova gələcəkdə tanınmış elm adamı olaraq "Nobel” mükafatı qazanmaq istəyir.
.
Türkiyə prezidenti Rəcəb Tayip Ərdoğan noyabrın 22-də Soçidə keçirilən Suriya məsələsinə dair üçtərəfli sammit zamanı maraqlı hadisə ilə bağlı açıqlama verib.
Ərdoğan Balıkəsir əyalətində hakim Ədalət və İnkişaf Partiyasının deputatları qarşısında çıxışı zamanı Putin stulunu aşırmasına münasibət bildirib. Onun sözlərinə görə, bu sadəcə tədbir zamanı yaranan kiçik qəzadan başqa heç nə deyil.
“Noyabrın 22-də Rusiya prezidenti Vladimir Putinin dəvətilə Soçidə önəmli tədbir keçirdik. İran prezidenti Həsən Ruhaninin də iştirak ilə 3 dövlət başçısı Soçidə Suriya ilə bağlı mühüm toplantı təşkil etdi. Regionumuz üçün çox önəmli olan və beynəlxalq aləmdə təhlükəli terror məsələsilə bağlı çox vacib danışıqlar oldu. Sadəcə bölgəmiz üçün deyil, bütün dünyaya təhlükə törədən terror məsələlərilə bağlı vacib qərarlar verdik. Suriyada insani dramlara son verən çox vacib qərarlar qəbul etdik. Bütün dünya Soçi toplantıda böyük ümidlər gördü. Lakin Türkiyənin ana müxalifəti nələr gördü? Sadəcə Soçidə keçirilən görüşdə stol problemini gördü. Sən demə Putin mənim stulumu aşırmaqla, bütün dünyaya mesaj verib. Bir az da baş sındırsaydılar, diplomatiya tarixində yeni – “yıxılan stul” siyasəti gətirəcəkdilər. Onlar Ana Müxalifət Partiyası deyil, sanki komediya səhnəsidir”, – deyə Ərdoğan bildirib.
Qeyd edək ki, noyabrın 22-də Soçidə keçirilən Suriya məsələsinə dair üçtərəfli sammit zamanı maraqlı hadisə baş verib. Görüş zamanı Rusiya prezidenti Vladimir Putin Türkiyə prezidenti Rəcəb Tayyib Ərdoğanın oturduğu stulu aşırdıb. Hadisə görüşün sonu baş verib. Görüş qurtaran zaman Putin Ərdoğanın yanına gəlib və əlini sıxıb. Ərdoğan da qalxmaq istəyib. Bu zaman Putin ona kömək etmək məqsədilə stulu arxaya çəkmək istəyib. Nəticədə səhvən onun oturduğu stulu aşırıb. Sonra Ərdoğan və Putin masa arxasından uzaqlaşıblar və İran liderinin yanına gediblər. Nəzarətçilər dərhal aşan stulu düzəldiblər.
Baş verən hadisə kameralara tuş gəlib. Bu görüntülər sonradan bir çox Kütləvi İnformasiya Vasitələrində və sosial şəbəkələrdə yayılıb. Yayılan video izləmə rekordu qırıb və çoxsaylı izləyici tərəfindən müzakirə olunub.
Xatırladaq ki, noyabrın 22-də Soçidə Türkiyə, Rusiya və İran prezidentlərinin Suriya məsələsinə dair üçtərəfli sammiti keçirilib. Tədbirdə Türkiyə prezidenti Rəcəb Tayyib Ərdoğan, Rusiyanın dövlət başçısı Vladimir Putin və İran prezidenti Həsən Ruhani iştirak ediblər. Tədbirdən sonra jurnalistlər üçün mətbuat konfransı keçirilib. Konfransda çıxış edən liderlər çox önəmli məsələlər barədə açıqlamalar veriblər. Onun sözlərinə görə, 3 ölkənin gəldiyi razılığa görə, Suriya Milli Dialoq Konqresi yaradılıb. (Ölkə.az)
.
Rusiya Müdafiə Nazirliyi ballistik raketinin modernizasiya olunmuş yeni nəslinin sınaqdan keçirilmə videosunu paylaşıb.
Axar.az xəbər verir ki, sınaq Qazaxıstanın Sarı-Şaqan poliqonunda baş tutub.
Rusiya Hərbi Kosmik Qüvvələrinin Hava Hücumundan və Raketdən Müdafiə birləşməsinin komandanının müavini polkovnik Andrey Prixodko yeni modernizasiya edilmiş raketin uğurla sınaqdan keçdiyini açıqlayıb.
Bu qitələrarası ballistik raket (P-36M2 Voyevoda) 16.000 km məsafədə yerləşən hədəfi məhv etmə qabiliyyətinə malikdir. Onun daşıdığı nüvə başlığı Xerasimoya endirilən nüvə bombasından on dəfələrlə güclüdür.
.
Tərtərdə erməni yalanlarını ifşa edən “Marağa – 150” abidəsi prezident İlham Əliyevin tapşırığına əsasən bərpa edilib.
AzVision.az xəbər verir ki, Tərtərin Şıxarx qəsəbəsində olan və böyük hissəsi ermənilər tərəfindən dağıdılmış "Marağa-150” abidəsi abadlaşdırılıb. Bu abidə Rusiya ilə İranarasında 1828-ci ildə bağlanmış Türkmənçay müqaviləsindən sonra ermənilərin İranMarağasından Qarabağa köçürülməsinin 150 illiyi münasibətilə ermənilərin özləri tərəfindən 1978-ci ildə inşa edilib. 

XX əsrin sonlarında Ermənistanın Azərbaycana qarşı növbəti ərazi iddiaları başlayanda "Marağa–150” abidəsi ermənilər tərəfindən qəsdən dağıdılıb. 

Tərtər rayon İcra Hakimiyyətindən AzVision.az-a verilən məlumata görə, "Marağa-150” abidəsi ətrafında aparılan tikinti-abadlıq işləri başa catıb. Abidənin ətrafı təmir edilib, əraziyə hasar çəkilib, 
işıqlandırma sistemi ilə təmin olunub. 

Abidənin ətrafında quraşdırılmış stendlərdə ermənilərin buraya köçürülmələrini sübut edən müxtəlif dillərdə yazılmış arxiv sənədləri və fotoşəkillər öz əksini tapıb.

Qeyd edək ki, tarixçilər erməni məkrini və yalanını ifşa etmək üçün tutarlı vasitə olan abidənin mühüm siyasi əhəmiyyətə malik olduğunu bildirilər.

.

Qarabağ münaqişəsi və terrorizmə qarşı mübarizə ABŞ və Rusiya arasında mütləq əməkdaşlıq nümunəsi oldu.

A24.Az RİA Novosti-yə istinadən xəbər verir ki, bu barədə ATƏT-in Minsk qrupunun Qarabağ münaqişəsi üzrə keçmiş həmsədri Metyu Brayza deyib:

“Gürcüstandakı münaqişə ilə bağlı tamamilə müxtəlif fikirlərimiz var və eyni zamanda Dağlıq Qarabağ və terrorizmlə mübarizə sahəsində əməkdaşlıq edirik”, – deyə Brayza əlavə edib.

.
Azərbaycanın erməni işğalı altındakı Kəlbəcər rayonu ərazisindən yeni videogörüntülər yayılıb.
 
Modern.az xəbər verir ki, erməni hərbi jurnalisti Arşak Zakaryanın uçuş aparatı ilə görüntülədiyi videoda Vardenis-Ağdərə yolunun Kəlbəcərdən keçən hissəsi əks olunub.
.
Ötən gün səfərdə keçirdiyi oyunda “Qarabağ”ın Avropanın nüfuzlu kliblarından olan “Atletiko Madrid” ilə cavab qarşılaşmasında da 1-1 nəticə göstərməsi və rəqib meydançadan xalla qayıtması müzakirə olunmaqdadır.
Axar.az 40-cı dəqiqədə Miçelin vurduğu və “Qarabağ”a xal qazandıran möhtəşəm qolu təqdim edir.
.
Prezident Ərdoğan üçün Hazırlanan Ey Oğul Klipi, Rekord qırdı

Məmməd və Furqan Qaya qardaşları Türkiyə Prezidenti Rəcəb Tayyib Ərdoğan üçün bir klip hazırlayıb. Sosial mediada paylaşılan o klip, minlərlə insan tərəfindən bölüşdürülüb. Klip, qısa müddətdə rəğbət və paylaşma rekordu qırdı.
Nargül Qələndərli / Asiya.info

Xəbər lenti