.


25 yanvar 2020-cu il tarixində Parlament seçkilərinə 13 saylı Xəzər-Pirallahı Dairə Seçki Komissiyası (DSK) tərəfindən namizədliyi qeydə alınan Səbuhi Rəcəbin qəsəbə sakinləri ilə görüşü keçirilib.

Ardını oxu...

.

Bu günlərdə Asiya.ws - ə müraciət edən bir qrup sahibkar Sabunçu rayon İcra Hakimiyyətinin  nümayəndələrinin əllərində rayon icra hakimiyyətinin sərəncamı ilə "Avtoyuma" məntəqələrinin bağlanmasını tələb etdikləri barədə məlumat veriblər.Belə ki, bir qrup şəxs Sabunçu rayon ərazisində yerləşən "Avtoyuma" məntəqələrinin, ya təyinatının dəyişdirilməsini,ya da bağlanması ilə bağlı Bakıxanov Qəsəbə Nümayəndəsinin xəbərdarlıq məktubunu sahibkarlara paylayıblar .Asiya.ws -ə müraciət edən bir qrup sahibkar isə obyeklərinin heç bir əsas olmadan bağlanması və yaxud təyinatının dəyişdirilməsi icra strukturlarının səlahiyyətində olmadığını,eyni zamanda isə məhkəmə qərarı olmadan bu kimi hərəkətlər nəyə və kimə  xidmət etdiyini  aydınlıq gətirilməsini tələb edirlər..


Sahibkar qeyd edir ki,Bakıxanov Qəsəbə Nümayəndəsinin  bu məktubunu qanunsuz hesab edir və  bunu icra strukturlarının  yeni oyunu,yəni "pul tələsi" hesab edirlər. Adının çəkilməsini istəməyən sahibkardan biri isə obyektin bir çoxunu elə İcra hakimiyyətinin satdığını,obyektin tikilməsinə və təyinatına da məlumatlı olduğu halda nədən qanunsuz idisə niyə satırdı sualını qoyub. "Obyekt mənimdir,hansı profildə işlətməyimi vergi orqanları bilir,su işlədirəmsə dövlətimə su pulu və digər komunal xidmətlər ödəyirəm,əgər sanitar qaydaları pozuramsa buyursun aidiyyatı qrumlar bununla bağlı məsələ qaldırsın.O zaman bizdə gərəyi nədirsə edərik.Yoxsa heç bir əsas olmadan bu cür məktubla olmur.." Məsələ ilə bağlı Bakıxanov Qəsəbə Nümayəndəliyi əlaqə cəhdlərimizə və həmişəki kimi zənklərimizə cavab verilmədi.
.

Asiya Fakt İnformasiya Agentliyi nəzdində "Sizi Tanıyaq” və Azərbaycan Dövlət Akademik Filarmoniyasının "Gənclərə Dəstək” layihəsinin birgə təşkilatçılığı ilə "31 Dekabr Dünya Azərbaycanlılarının Həmrəylik günü” və "Yeni il” münasibətilə "Ürəklər Gülsün” adlı xeyriyyə konserti keçirilib. Konsertdə istedadlı gənclərin bir-birindən maraqlı çıxışları izlənilib, musiqi nömrələri səsləndirilib. Sonda istedadlı gənclərə təşəkkürnamə və hədiyyələr təqdim edilib.
Tədbirə dəvət edilən imkansız ailələr və övladlarına Nərgiz Əliyeva ərzaq və hədiyyələr təqdim edib. Heç vaxt konsertdə olmayan imkansız ailələr bu cür gözəl münasibətə, bayramqabağı ərzaq yardımı və övladları üçün verilən hədiyyələrə görə təşkilatçılara öz təşəkkürlərini bildirib 











.

Ermənistan-Azərbaycan Dağlıq Qarabağ münaqişəsi hazırda dinamik dəyişikliklər mərhələsindədir. Bu münaqişədə Ermənistanın status-kvonun dəyişdirilməsini istəməməsi təhlükənin ehtimalını artırmaqdadır.

Report xəbər verir ki, bunu Silahlı Qüvvələrin Hərbi Akademiyasının rəisi, general-leytenant Heydər Piriyev deyib.

"Azərbaycan Respublikasının Prezidenti İlham Əliyev açıq bəyan edib ki, "Azərbaycanın ərazi bütövlüyü danışıqların mövzusu deyil və heç vaxt olmayacaq. Azərbaycan bu mövqedən bir addım belə geri çəkilməyəcək. Yəni Azərbaycanın ərazi bütövlüyü məsələsində heç bir güzəşt olmayacaq". Rusiya Federasiyasının Soçi şəhərində keçirilən "Valday" Beynəlxalq Diskussiya Klubunun XVI illik iclasının plenar sessiyasındakı çıxışında Azərbaycan Respublikasının Prezidenti İlham Əliyevin dediyi "Qarabağ tarixi, əzəli Azərbaycan torpağıdır. Beləliklə, Qarabağ Azərbaycandır və nida işarəsi" fikri bu münaqişənin həllinin necə nəticələnməli olduğunu birmənalı şəkildə göstərir", - H.Piriyev vurğulayıb.

Azərbaycan Ordusunun general-leytenantı Ermənistana xəbərdarlıq edib:

"Ermənistan tərəfi anlamalıdır ki, Azərbaycan ərazisinin hərbi işğalı və status-kvonun saxlanılması münaqişənin həlli deyil və heç vaxt Ermənistanın arzuladığı siyasi nəticəni verməyəcək. 2016-cı il Aprel döyüşləri də göstərdi ki, tərəflər arasındakı hərbi balans Azərbaycanın xeyrinə dəyişib. Ermənistan münaqişənin həlli prosesində konstruktiv şəkildə iştirak etməli, beynəlxalq öhdəliklərini yerinə yetirməli və qoşunlarını Azərbaycanın işğal olunmuş torpaqlarından çıxarmalıdır".Asiya.ws

.

26 Dekabr saat 15-00-da Azərbaycan Milli Konservatoriyası tərkibində İncəsənət Gimnaziyasının böyük zalında Asiya Fakt İnformasiya Agentliyi nəzdində 
“Sizi Tanıyaq” və Azərbaycan Dövlət Akademik Filarmoniyasının “Gənclərə Dəstək” layihəsinin birgə təşkilatçılığı ilə “31 Dekabr Dünya Azərbaycanlılarının Həmrəylik günü” və “Yeni il” münasibətilə “Ürəklər Gülsün” adlı xeyriyyə konserti keçiriləcəkdir. Tədbir imkansız ailələrin övladları, sağlamlıq problemi olan uşaqlar üçün nəzərdə tutulub.
Giriş sərbəstdir.
Asiya.ws
.


Ana Vətən Partiyasının Qərərgahında partiya sədri Fəzail Ağamalı ilə Asiya Fakt İnformasiya Agentliyi nəzdində "Sizi Tanıyaq" layihəsinin bir qrup istedadlı gənclərinin görüşü keçirilib.

Ardını oxu...

.

Azərbaycan Respublikasının Prezidenti, Silahlı Qüvvələrin Ali Baş Komandanı cənab İlham Əliyevin təsdiq etdiyi Azərbaycan Ordusunun modernizasiyası və yenidənqurma işləri planına əsasən həyata keçirilən fəaliyyətlər davam etdirilir.

Asiya.ws xəbər verir ki,Müdafiə naziri general-polkovnik Zakir Həsənov və nazirliyin digər rəhbər heyəti cəbhəboyu zonada yeni inşa edilən mühəndis təyinatlı hərbi obyektlərin açılışında iştirak ediblər.
Müdafiə Nazirliyinin rəhbərliyi yeni istifadəyə verilən qərargah binası ilə də tanış olub. Qeyd olunub ki, qərargah mərkəzləşdirilmiş istilik sistemi, işıq, su, qaz və kommunikasiya xətləri ilə təchiz edilmiş inzibati və xidməti iş otaqları mebel avadanlıqları ilə də təmin olunub.

Müdafiə nazirinə məruzə edilib ki, mühəndis-istehkam hərbi hissələrinin yerinə yetirdiyi vəzifələr nəzərə alınmaqla, bu bölmələrin texniki baxımdan təkmilləşdirilməsi və döyüş potensialının artırılması üçün müasir texnika alınaraq qoşunların sərəncamına verilib. Hərbi əməliyyatların mühəndis təminatının yerinə yetirilməsi zamanı tətbiq olunan müxtəlif növ texnikanın saxlandığı park, şəxsi heyətin hazırlığı üçün nəzərdə tutulan taktiki sinif otaqları və digər inzibati binalar müvafiq avadanlıqlar və əyani təbliğat vasitələri ilə tam təchiz edilib.
General-polkovnik Z.Həsənov mühəndis qoşunların komandanlığına bölmələrin döyüş qabiliyyətinin artırılması və döyüş vasitələrinin effektiv istifadəsi ilə bağlı müvafiq tapşırıqlar verib.
Sonda nazirliyin rəhbərliyi şəxsi heyətlə birlikdə nahar edib.



.

Asiya Fakt İnformasiya Agentliyi nəzdində fəliyyət göstərən "Sizi Tanıyaq" layihəsinin "17 Noyabr Milli Dirçəliş günü"nə həsr olunmuş konsert tədbiri keçirildi.  Tədbirdə QHT sədrləri, ziyalılar, ictimaiyyət nümayəndələri iştirak etdi.

Ardını oxu...

.

“Azərbaycan dövləti və hakimiyyəti o günə qalmayıb ki, hansısa Ata Abdullayev kimi şəxsi Ermənistan Baş naziri Nikol Paşinyanın keçirdiyi tədbirə göndərib, o cür səviyyəsiz “dialoqu” təşkil etsin".

Bu sözləri Axar.az-a açıqlamasında Prezidentin köməkçisi Əli Həsənov ictimai fəal olduğu iddia edilən Ata Abdullayevin İtaliyanın Milan şəhərindəki bir kilsədə tərəfdarları ilə görüş keçirən Ermənistan Baş Naziri Nikol Paşinyanın tədbirinə qatılmasına münasibət bildirərkən deyib.

Ə.Həsənov sosial şəbəkələrdə və bəzi media orqanlarında A.Abdullayevin guya Azərbaycan hakimiyyətindəki şəxslər tərəfindən Milana düşünülmüş şəkildə göndərildiyi haqda iddiaları qəti şəkildə təkzib edib:

“Azərbaycanın hər hansı vətəndaşı öz səviyyəsinə, dünyagörüşünə, qabiliyyətinə uyğun olaraq bu və ya digər beynəlxalq tədbirə qatıla və orada hansısa fəaliyyət göstərə, kiməsə dəstək və ya etiraz edə bilər. Ancaq Azərbaycan dövlətinin belə fərdi təşəbbüslərə qətiyyən ehtiyacı yoxdur və biz yürütdüyümüz siyasətin mahiyyətini də, harada, necə həyata keçirilməsi yollarını da yaxşı bilirik”.

Prezidentin köməkçisi əlavə edib ki, Azərbaycan hakimiyyətinin, o cümlədən YAP-ın ətrafında geniş dünyagörüşə, yüksək təhsilə və intellektə malik, ölkəmizdəki və xaricdəki ən nüfuzlu ali məktəbləri yüksək göstəricilərlə bitirən yetərincə gənc fəal cəmləşib:

“Ehtiyac bildikləri halda və zərurət yarandıqda YAP gəncləri gərəkli addımlar atmağı bacarırlar və hakimiyyətin ideoloqları da nə zaman, hansı zəruri tədbirləri və necə görməyi yaxşı bacarırlar. Bunu Azərbaycan cəmiyyəti də hər zaman müşahidə edib. Təsadüfi deyil ki, cənab Prezidentimizin qarşımıza qoyduğu hədəflərə uyğun olaraq, erməni yalanlarının beynəlxalq miqyasda ifşa olunması sahəsində son illər necə qətiyyətli addımlar atılır. Təkcə Prezidentimizin “Valday” Beynəlxalq Diskussiya Klubunda və Aşqabadda, MDB dövlət başçılarının toplantısında erməni faşizminin təbliğinə qarşı kəskin və qarşı tərəfi susduran çıxışlarını xatırlamaq kifayətdir. Böyük dövlət xadimi və peşəkar siyasətçi olan Prezidentimizin yüksək dəqiqliklə hesablanan sərrast çıxışı qarşısında qeyri-peşəkar Paşinyanın düşdüyü durum təkcə Azərbaycan xalqının yox, dünyanın gündəminə çevrilib və hələ də müzakirə edilir. Belə böyükmiqyaslı siyasət aparan dövlətimizin Ata Abdullayevə ehtiyacı olduğunu iddia etmək hansı məntiqin nəticəsidir?”

Ə.Həsənov bu özfəaliyyətləri kəskin qınadığını bildirib və bunun düşünülərək və ya düşünülmədən erməni dəyirmanına su tökmək kimi qiymətləndirib:

“Kimsə, hardasa, hansısa təşəbbüsdə bulunursa, bunu Azərbaycan hakimiyyətinin adına yamamaq cəhdləri qətiyyən yolverilməzdir. Azərbaycan hakimiyyəti düşmənə qarşı siyasətini sərt milli iradə, yüksək intellekt, beynəlxalq hüquq müstəvisində aparır və hansısa erməni kilsəsində deyil, ən yüksək beynəlxalq tribunalardan səsləndirir və qəbul etdirir”.
Asiya.ws

.

Bakı Avrasiya Universitetində 9 noyabr-Azərbaycan Dövlət Bayrağı gününə həsr olunan bayram tədbiri keçirildi.

Ardını oxu...

Xəbər lenti